Apocalipsis 17:8 - Quiché Bible

⁸ Ri itzel awaj ri awilom ri xc'oji' canok, man c'o ta chi c'ut. Chanim cuban pakalem ulok pa ri jul re ri k'ekumalaj c'olbal, cäsach c'u na u wäch. Ri e jekel cho ri uwächulew, ri man tz'ibatal ta ri qui bi' pa ri wuj re ri c'aslemal kas pa ri u tiquiritajic ri uwächulew, ri e are' quemayin na aretak cäquil ri itzel awaj, chi xc'oji' canok man c'o ta chi c'ut cäc'oji' chi c'u na.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Ri nimalaj awaj ri xawilo are waꞌ ri kꞌo kanoq nabꞌe, man kꞌo ta chi kꞌu chanim, jubꞌiqꞌ karaj kel loq pa ri nimalaj jul ri maj ukꞌisik kꞌa te riꞌ kakꞌam bꞌik rech jeriꞌ kakꞌis tzij puꞌwiꞌ, ri winaq ri man tzꞌibꞌatal ta ri kibꞌiꞌ pa ri wuj rech kꞌaslemal pa ri uwokotajik loq ri uwachulew, kemayijan na are kakil we awaj riꞌ, ri kꞌo kanoq nabꞌe, man kꞌo ta chi kꞌu kamik, katzalij kꞌu na loq.

K'iche'

⁸ Ri xibibalalaj awaj ri xawilo are wa' ri xc'oji na, cämic c'ut man c'o tä chic. Pune ta ne je ri' quel c'u na lok pa ri nimalaj jul ri sibalaj naj u pam aretak mäjok que' pa ri q'uisbal cämical. Ri winak ri e c'o cho ruwächulew, ri man tz'ibtal tä ri qui bi' pa ri wuj re c'aslemal tzaretak xban ruwächulew, cäquicajmaj na aretak cäquil ri xibibalalaj awaj ri xc'oji na, ri man c'o tä chi c'ut, ri cäpe chi c'u na jumul chic, —xcha chwe.

K'iche' (New Orthography)

⁸ Ri xib'ib'alalaj awaj ri xawilo are wa' ri xk'oji na, kämik k'ut man k'o tä chik. Pune ta ne je ri' kel k'u na loq pa ri nimalaj jul ri sib'alaj naj u pam aretaq mäjoq ke' pa ri k'isb'al kämikal. Ri winaq ri e k'o cho ruwächulew, ri man tz'ib'tal tä ri ki b'i' pa ri wuj re k'aslemal tzaretaq xb'an ruwächulew, käkikajmaj na aretaq käkil ri xib'ib'alalaj awaj ri xk'oji na, ri man k'o tä chi k'ut, ri käpe chi k'u na jumul chik, —xcha chwe.

Apocalipsis 17:8 ပူးပေါင်းရင်းမြစ်များ

Salmib 69:28

¡Chechupu' la ri qui bi' chupam ri wuj re c'aslemal! Mätz'ibaj la ri qui bi' chquixo'l ri e suc'.

Ri Daniel 11:45

quebujekeba' c'u ri kajebal aj ajawinel chuxo'l ri plo ruc' ri tastalic juyub re ri je'lical. Chila' c'ut copan wi na ri k'ijol re ri u cämical, man c'o ta c'u jachin jun cäto'wic.’ ”

Ri Daniel 7:11

Ri in cätajin quinca'yic, benak wanima' che qui tatabexic ri tzij ri ruc' nimal cätajin cubij ri alaj uc'a'; aretak cätajin quinca'yic, xcämisax ri xibibalalaj awaj xban ch'akatak che, xq'uiakaxtax c'u pa ri k'ak' rech cäc'atic.

Ri Daniel 7:26

Cät'uyi c'u na ri k'atal tzij cuk'at c'u na tzij, quebesax c'u na ri takanic ri e c'o pa u k'ab, kas c'u cäyojyobisax na canok.

Ri Daniel 7:3

Xak c'u c'ätetal xebel ulok quiejeb xibibalalaj tak awaj chupam ri plo, ri jalan tak qui banic.

Ri Daniel 7:7

Ri ucaj awaj ri xinwil pa ri e nu c'utwächinic sibalaj xibibal, cäxibinic, c'o c'u jun u chuk'ab ri man c'o ta c'o wi, e c'o jujun nimak tak u ware re räx ch'ich', ronojel cubik'o, ronojel cut'ubu, quebuxak'alej tak ri ch'akatak ri queto'tajic. Are jun xibibalalaj awaj wa' ri man cäjunamataj cuc' conojel ri e wilom pa ri nu waram, e c'o lajuj ruc'a' pa u jolom.

Ri Matey 25:34

Cubij c'u na ri Ajawinel chque ri e c'o pa ri riquiak'ab: ‘Tisaj, ix tewichi'm rumal ri nu Tat. Chiwechbej ri ajawibal ri suc'umam chiwe kas pa ri u tiquiritajic ri uwächulew.

Ri Lucax 10:20

Mixquicot rumal wa', chi ri uxlabal cäquiya' quib pa takic chiwe. Xane' chixquicotok chi ri i bi' e tz'ibam chila' chicaj.”

Ri Lucax 8:31

Ri itzel tak uxlabal xquibochi'j ri Jesus chi mebutak bic pa ri k'ekumalaj c'olbal.

Ri Xuan 17:24

Tat, lal xeyo'w la chwe, quinwaj c'ut chi quec'oji' wuc' jawije' ri quinec'ola wi, rech cäquil ri nu juluwem ri yo'm la. In lok'ok'em c'u la aretak c'ä majok ri u tiquiritajic ri uwächulew.

Hechos 15:18

Ri Ajawaxel, ri xebuya' ulok quetamaxic we jastak ri' kas xc'ori', u yo'm ulok ri u tzij.’

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

Ri Tit 1:2

rech cu'l qui c'u'x chi c'o junalic qui c'aslemal, ri u bim ulok ri Dios chi cuya' na. Are ri Dios man banal ta tzij, u bim c'u ulok wa' c'ä majok cätiquitaj ulok ri uwächulew.

1 Pedro 1:20

Are etamatal chi ulok aretak c'ä majok cäban ri uwächulew, xk'alajisax c'ut pa ri q'uisbal tak k'ij rumal iwech.

Apocalipsis 11:7

Aretak qui tz'akatisam chic ri qui k'alajisanic, ri xibibal awaj ri cäpaki' ulok pa ri jul re ri k'ekumalaj c'olbal cäch'ojin na cuc', quebuch'äc na, quebucämisaj c'u na.

Apocalipsis 17:11

Ri itzel awaj ri xc'oji' canok, xukuje' man c'o ta chic, are uwajxak ajawinel wa'. Are c'u jun chque ri wukub, cäbe c'u na pa ri sachbal u wäch.

Apocalipsis 17:2

Ri ajawinelab aj uwächulew xemacun ruc' ri ajmacalaj ixok quech nim ch'utin. Rumal ri u wa'l ri u uva, ri e jekel cho ri uwächulew e k'abarinak rumal ri u macunic ri ixok ri quech nim ch'utin.”

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 20:12

Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Apocalipsis 3:10

Animam ri nu takomal chi chatux coch'onel, rumal ri' catinto' na pa ri jok'otaj re ri c'axalaj c'ambejenic ri cäpe na puwi' ronojel ri uwächulew che qui c'ambejexic conojel ri e jekel cho ri uwächulew.

Apocalipsis 3:5

Apachin ri cäch'äcanic, catz'iakix na cuc' sakloloj tak atz'iak. Man quinchup ta ri u bi' pa ri wuj re ri c'aslemal. Quink'alajisaj c'u na ri u bi' chuwäch ri nu Tat xukuje' chquiwäch ri u tako'nib aj caj.