Apocalipsis 17:6 - Quiché Bible

⁶ Xinwilo chi ri ixok k'abarel rumal ri qui quiq'uel ri e tastalic tak winak aj Dios xukuje' rumal ri qui quiq'uel ri e u k'alajisanelab ri Jesus. Aretak xinwilo, sibalaj xinmayo.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Xinwilo chi ri ixoq xqꞌabꞌarik rumal cher xuqumuj ri kikikꞌel konojel ri e kojonelabꞌ ri xekamisaxik rumal cher xjeqiꞌ kikꞌuꞌx chirij ri Jesús, sibꞌalaj xinmayijanik are xinwil we riꞌ.

K'iche'

⁶ Te ri' xinwilo chi ri ixok k'abarinak rumal ru tijic ri qui quiq'uel ri winak ri e rech ri Dios, xukuje' rumal ru tijic ri qui quiq'uel ri e cämisam rumal chi xquitzijoj ronojel ri xuban ri Jesús. Aretak xinwilo, sibalaj xincajmaj wa'.

K'iche' (New Orthography)

⁶ Te ri' xinwilo chi ri ixoq q'ab'arinaq rumal ru tijik ri ki kik'el ri winaq ri e rech ri Dios, xuquje' rumal ru tijik ri ki kik'el ri e kämisam rumal chi xkitzijoj ronojel ri xub'an ri Jesús. Aretaq xinwilo, sib'alaj xinkajmaj wa'.

Apocalipsis 17:6 ပူးပေါင်းရင်းမြစ်များ

Ri Daniel 7:21

Xinwil c'ut chi we uc'a' ri' xutij u chuk'ab ruc' ri u tinimit ri Dios, cuch'äc c'ut,

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Habacuc 1:13

Ri lal sibalaj lal ch'ajch'oj che u c'ulaxic ri lawaloyil, che u ca'yexic ri etzelal ri cäkaj ta chwäch la; ¿jasche quekaj ri banal tak etzelal chwäch la man c'o ta c'u jas cabij ta la chque, man cäch'aw ta c'u la aretak ri banal etzelal cusachisaj qui wäch ri e utz na chuwäch ri are'?

Ri Xuan 2:10

xubij che: “Conojel ri winak are cäquiya' nabe ri utzalaj u wa'l uva. Aretak c'u ri e ula' e uq'uianinak chic, c'äte ri' cuya' ri man kas ta utz. Ri at c'ut a c'olom can ri utzalaj u wa'l uva c'ä che ri u q'uisbalil.”

Hechos 22:20

Aretak xturuw ri u quiq'uel ri Estebn ri xuk'alajisaj ri tzij la chquiwäch ri winak, xukuje' ri in in c'o chila'. Xa' junam ri nu chomanic cuc' ri cätajin quecämisanic, xinchajij ri qui k'u'.’

Apocalipsis 12:11

Ri e are' xech'äcan puwi' rumal ri u cuinem ri u quiq'uel ri Alaj Chij, xukuje' rumal ri tzij rech ri u k'alajisanic. Man nim ta xquil wi ri qui c'aslemal, xane' utz xquil wi quecämic rumal rech ri Crist.

Apocalipsis 13:15

Xya' cuinem che chi cuc'asba' ri u wächbal ri nabe xibibal awaj, rech cätzijonic, cuban c'u na chi quecämisax conojel ri man cacajtaj caquik'ijilaj ri wächbal.

Apocalipsis 13:7

Xya' che chi cuban ch'o'j cuc' ri tastalic tak winak aj Dios quebuch'äc c'ut. Xya' c'u takanic pa u k'ab paquiwi' conojel amak', xukuje' winak, xukuje' ch'abal, xukuje' nimak tak tinimit.

Apocalipsis 16:6

U mac rech chi we winak ri' xquituruwisaj ri qui quiq'uel ri tastalic tak winak aj Dios, xukuje' ri quech ri e k'axal tzij, yo'm c'u la quic' chque pa u q'uiaxic. ¡Takal c'u chque!”

Apocalipsis 2:13

Weta'm ri at jekel chila' jawije' ri c'o wi ri u tem ri Satanas re ajawibal. Pune' at c'o chila', man a tzokopim ta c'u ne ri nu bi', man awesam ta awib che ri a cojonic chwe. Xukuje' ne pa tak ri u k'ij ri Antips ri jicalaj nu k'alajisanel, ri xcämisax chixo'l, jawije' ri jekel wi ri Satanas.