Apocalipsis 17:4 - Quiché Bible

⁴ Ri ixok u cojom atz'iak morato xukuje' quiäk, wiktal ruc' k'an puak, cuc' je'lalaj tak abaj pakal tak cajil, xukuje' cuc' tak perl. C'o jun lak re k'an puak pa u k'ab, nojinak che nimalaj c'ulelanic re yok'onic, xukuje' che ri u tz'ilol ri u macunic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ri ixoq ukojom jun kyaq rachiꞌl moraꞌt ratzꞌyaq uwiqiqem ribꞌ rukꞌ qꞌana pwaq xuqujeꞌ rukꞌ abꞌaj ri sibꞌalaj paqal rajil, rachiꞌl abꞌaj ri kachuplinik, pa ri uqꞌabꞌ rukꞌaꞌm jun qumubꞌal nojinaq che xaꞌwibꞌal taq jastaq xuqujeꞌ etzelal rachiꞌl mak kukꞌ taq achyabꞌ.

K'iche'

⁴ We ixok ri' u cojom atz'iak ri quieb u wäch cäca'yic, morada xukuje' quiäk. Wiktal ruc' k'än puak, cuc' tak abaj ri pakal cajil, xukuje' cuc' perlas. Ruc'am jun vaso re k'än puak pu k'ab ri nojinak che ronojel u wäch ri man utz taj, xukuje' ri u tz'ilol ri nimalaj mac ri u banom ri sibalaj äwas u banic, je' jas ri cäca'n ri tz'i' ri xak cäquirik quib, man c'o tä qui pixab.

K'iche' (New Orthography)

⁴ We ixoq ri' u kojom atz'iaq ri kieb' u wäch käka'yik, morada xuquje' kiäq. Wiqtal ruk' q'än puaq, kuk' taq ab'aj ri paqal kajil, xuquje' kuk' perlas. Ruk'am jun vaso re q'än puaq pu q'ab' ri nojinaq che ronojel u wäch ri man utz taj, xuquje' ri u tz'ilol ri nimalaj mak ri u b'anom ri sib'alaj äwas u b'anik, je' jas ri käka'n ri tz'i' ri xaq käkiriq kib', man k'o tä ki pixab'.

Apocalipsis 17:4 ပူးပေါင်းရင်းမြစ်များ

Nabe Ajawinelab 14:24

Xukuje' tak ri achijab re ri ulew cäquiban ri qui mac ri nim ch'utin jacha' ta ne che jun k'ijilanic, caquiban c'u conojel ri nimak tak etzelal ri e nak'atisam qui banic cumal ri nimak tak tinimit ri e k'ijilal tak diosib ri e resam bic ri Ajawaxel chquiwäch ri aj israelib.

Ucab Ajawinelab 21:2

Ri e u banoj man e utz ta xeril ri Ajawaxel, are xebuban ri itzel tak qui nak'atisabal ri winak ri xeburokij bic ri Ajawaxel chquiwäch ri aj israelib:

Ri Esdras 9:11

ri xtak la qui banic cumal tak ri e k'axal tak tzij la, ri e pataninel tak ech la. Ri lal xya' la u bixic chke chi ri ulew ri cujoc wi na, ri xukuje' cujoc na che rechbexic, etzelatajinak rumal ri etzelal ri qui banom ri winak ri e c'o pa tak we c'olbal ri' ri qui nojisam chque tak ri itzelalaj tak qui nak'atisabal, che qui k'ijilaxic diosib quinojisam c'u chque itzel tak banoj.

Ri Isaiy 66:3

E c'o c'u jujun ri cäquipil jun ama' wacax, xukuje' cäquicämisaj c'u jun achi; cäquitok' u kul jun chij, xukuje' cäquik'ajisaj rij u wi' jun tz'i'; quequichi'j c'äj xukuje' ri u quiq'uel jun ak cäquiporoj c'oc' k'ol cäquik'ijilaj c'u jun dios. Chque ri xequicha' qui banic we itzel tak nak'atisabal ri', cäkaj ri qui banic ronojel wa' chquiwäch.

Ri Jeremiy 51:7

Ri Babilon are jun kumubal re k'an puak pa nu k'ab ri cuk'abarisaj ronojel ri uwächulew. Ri nimak tak tinimit cäcuq'uiaj quech we u wa'l uva ri' ri quesach c'u rumal.

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!

Ri Ezequiel 20:30

Chabij che ri tinimit Israel: ‘Are wa' cubij ri Ajawaxel: ¿Jasche quiwaj ix qui tz'iloj iwib je jas ri xquiban ri ojer tak i man? ¿Jasche man jic taj quixbin chnuwäch quebik'ijilaj c'ut ri e diosib ri e xojibal?

Ri Ezequiel 24:11

Chacojo' c'ut ri t'uy puwi' ri k'ak' man c'o ta u pam caya', c'ä caquiekar na ri q'uiak ch'ich' puwi' ri k'ak' chjosk'itaj c'ut ri e u tz'ilol; ¡C'ä cäsach na ri pus!

Ri Ezequiel 24:13

Jerusalen, in wajwam a josk'ixic che ri a tz'ilol che ri a tzokopitajic, man c'u ch'ajch'oj ta at c'olic. Xuwi c'u catcanaj ch'ajch'oj aretak chinkasaj ri woyowal pawi'.

Ri Ezequiel 28:13

At c'o can pa Eden, ri u ticonibal ri Dios, at wiktal cuc' ronojel qui wäch abaj ri pakal cäjil: rubi, crisolit, jad, topas, cornalin, jasp, zapir, granat xukuje' esmerald; ri e wikbal tak awib xukuje' ri e u wi' tak a xiquin e k'an puak, xesuc'umax kas pa ri k'ij ri xatq'uiyisaxic.

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Daniel 11:38

Are c'u cuk'ijilaj na ri dios quech tak ri chuk'ab; cuya' na u k'ij we dios ri' ri man xk'ijilax taj cumal ri e u mam, cuchi'j c'u na k'an puak, sak puak, abaj ri pakal cajil xukuje' niq'uiaj jastak chic ri nimak qui k'ij.

Ri Osey 9:10

Je wa' xubij ri Ajawaxel: “Aretak xinrik ri Israel, xinquicotic jacha' ri quebuban ri queburik uva chupam ri chaki'j uwo sak. Ri e i mam xebux tak che ri nu bak'wäch e jacha' ri nabe tak higo. Aretak c'u xebopan pa Baal-peor xquijach quib che qui patanixic ri e subunelab tak diosib, xquiban c'u quib chi xebux xawebal e jacha' ri diosib ri quequilok'ok'ej.

U Camulixic ri Pixab 29:17

ri e kilom wi subunelab tak diosib xukuje' ri e xawebal tak diosib re che', re abaj, re sak puak xukuje' re k'an puak, ri quequik'ijilaj we winak ri'.

Apocalipsis 14:8

Petinak chi c'u jun ucab tako'n aj caj chrij, ri je cubij wa': “¡Tzakinak, tzakinak ri nimalaj Babilon, ri rumal ri u wa'l ri u uva xebuk'abarisaj conojel ri nimak tak tinimit ruc' ri nimalaj qui rayinic che qui banic macunic ruc'!”

Apocalipsis 18:12

ri qui c'ay re k'an puak, sak puak, abaj pakal tak rajil, perl tak, atz'iak re ch'uch'ujalaj lino xukuje' re seda, atz'iak morato xukuje' quiäk, ronojel c'oc'alaj che', ronojel jasach re marpil, ronojel jasach re che' pakal rajil, re k'an ch'ich', re sak ch'ich', re abaj marmol,

Apocalipsis 18:16

cäquibij c'u na: “¡Tok'ob u wäch, tok'ob u wäch ri nimalaj tinimit, ri u cojom atz'iak re ch'uch'ujalaj lino, atz'iak morato, xukuje' atz'iak quiäk, wiktal ruc' k'an puak, cuc' abaj pakal tak rajil, xukuje' cuc' tak perl!

Apocalipsis 19:2

rumal rech chi kastzij xukuje' suc' ri k'atoj tzij ri cubano. Xuc'äjisaj u wäch ri ajmacalaj ixok quech nim ch'utin, ri nim u banic, ri u tz'ilom ri uwächulew rumal ri u macunic. Ri Dios xutoj u q'uexel ri qui quiq'uel ri e pataninel tak rech ri e cämisam rumal ri ixok.”

Apocalipsis 21:21

Ri cablajuj u chi' are cablajuj perl, chquijujunal ri e u chi' jun perl banbem rech. Ri be chupam ri tinimit are re k'an puak ri man c'o ta jun jasach chic yujam ta ruc', cachuplinic cajunamataj ruc' ri cha.

Apocalipsis 9:21

Mawi ne xequitanaba' ta ri cämisanic, ri itzinic, ri xak cäcuc'aj quib cuc' achijab ixokib che qui banic macunic, mawi ne ri e eläk'anic.