Apocalipsis 17:17 - Quiché Bible

¹⁷ Are c'u ri Dios u yo'm pa canima' chi cäquiban ri u chomanic ri are', chi xa junam qui chomanic cäquiya' ri cajawibal che ri itzel awaj, c'ä quetz'akatisax na ri u tzij ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Ri Dios xuya bꞌe chike ri lajuj taqanelabꞌ chi jewaꞌ kakibꞌano. Xubꞌan chike chi kakijunamaj kichomanik rukꞌ ri nimalaj awaj, kakinimaj kꞌu na kꞌa pa ri qꞌij are katzꞌaqat ri uchomanik loq ri Dios.

K'iche'

¹⁷ Ri Dios yo'winak pa canima' ri lajuj takanelab ri' chi cäca'no jachique ri craj ri Are', chi cäjunamataj ri qui chomanic chuya'ic takanic pu k'ab ri xibibalalaj awaj, c'ä cäbantaj na ronojel ru bim ri Dios.

K'iche' (New Orthography)

¹⁷ Ri Dios yo'winaq pa kanima' ri lajuj taqanelab' ri' chi käka'no jachike ri kraj ri Are', chi käjunamataj ri ki chomanik chuya'ik taqanik pu q'ab' ri xib'ib'alalaj awaj, k'ä käb'antaj na ronojel ru b'im ri Dios.

Apocalipsis 17:17 ပူးပေါင်းရင်းမြစ်များ

Ri Esdras 7:27

Xuban c'u ch'awem ri Esdras ruc' ri Dios: “Tewichital ri Ajawaxel, Dios que tak ri ka mam, rumal rech chi xuya' pa ri ranima' ri ajawinel ri u nimarisaxic u k'ij ri Rachoch ri Ajawaxel pa Jerusalen,

Salmib 105:25

Xuban c'ut chi ri aj ejiptib xquiyac quib chrij u tinimit, xequisub c'ut ri e pataninel tak rech ri Dios.

E C'ambal tak Tzij 19:21

Ri winak quebuban q'ui tak chomanic, are c'u ri u chomam u banic ri Ajawaxel are cabantajic.

E C'ambal tak Tzij 21:1

Ri u chomabal ri ajawinel pa u k'ab ri Ajawaxel. Cätakenic e jacha' tak ri nima', ri be ri craj ri Ajawaxel.

Ri Isaiy 45:17

Are c'u ri Israel xcol rumal ri Ajawaxel, xucol re chbe k'ij sak xucolo, mawi c'u jubik' quel na u q'uixbal mawi camach'irisaxic.

Ri Jeremiy 32:40

Quinban na jun junalic c'ulwächinic cuc': quinya' na nu tzij chi mawi jubik' quintanaba' na u banic utzil chque, quebennojisaj c'u na che rayinic chi xuwi caquiya' na nu k'ij xukuje' chi mawi jubik' caquitas ta chi na quib chwij.

Ri Daniel 12:7

Ri achi ri e u cojom tak sakloloj atz'iak re lino xebuyac ri u k'ab chicaj, cätajin cuban ri chi'nic ri kas cäban na pa ri u bi' ri c'aslic Dios, xubij: ‘Pa oxib junab ruc' wakib ic', aretak cätanabax u banic c'ax che ri u cuinem ri u tinimit ri Dios, c'äte ri' cäq'uis na qui tza'm conojel we jastak ri'.’

Ri Lucax 22:22

Kastzij ri Rija'l Winak cäbec, jas ri chomam ulok. ¡Tok'ob c'u u wäch ri achi ri' ri cäjachowic!”

Ri Lucax 22:3

Xoc c'u ri Satanas pa ranima' ri Judas, ri cäbix Iscariot che, are jun chque ri cablajuj tijoxelab.

Ri Lucax 22:37

Quinbij c'u chiwe chi rajawaxic cäbantaj na chwe we tz'ibatalic ri': ‘Xajilax c'u chquixo'l ri e banal tak etzelal.’ Are c'u ri tz'ibatal chwij, cäbantaj na.”

Ri Xuan 10:35

Are ri Tz'ibatalic man cuya' taj catuquixic, cubij c'u diosib chque ri winak ri xopan wi ri u tzij ri Dios,

Ri Xuan 13:18

Man iwonojel taj quixinbij; in weta'm e jachin tak ri e nu cha'om. Cabantaj c'u wa' rech quebe tz'akat ri e tz'ibatalic: ‘Ri cutij rech ri nu caxlanwa, xuwalijisaj rib chwij.’

Ri Xuan 13:2

Cätajin c'u cäquitij qui wa re xk'ekal. Ri itzel u yo'm chic pa ranima' ri Judas, u c'ojol ri Simon Iscariot, ri u jachic ri Jesus.

Ri Xuan 19:24

Ri ajch'ojab xquibila' c'ut chquibil tak quib: “Mäkajixo, xane' chujtaklebenok, rech cäkilo jachin quechbenic.” Jewa' ri u tz'akatisaxic ri Tz'ibatalic ri je cubij wa': “Xquijach ri watz'iak chquiwäch, xquitaklebej c'u rij ri u pam watz'iak.” Are wa' ri xquiban ri ajch'ojab.

Ri Xuan 19:28

Oc'owinak chi c'u wa', reta'm ri Jesus chi ronojel tz'akatinak chic, rech c'u catz'akat ri Tz'ibatalic, xubij: “Cächaki'j nu chi'.”

2 Corintios 8:16

Maltiox che ri Dios chi xuya' pa ranima' ri Tit ri junam oquem il ri c'o wuc' chiwe.

Apocalipsis 10:7

Xane' pa tak ri k'ij aretak cäch'aw ri uwuk tako'n aj caj, aretak xa co'l man cärok'esaj ri u trompet, cätz'akatisax na u banic ri u chomanic ri Dios ri man etamatal ta can nabe, jas ri xutzijoj chque ri pataninelab, ri e k'axal tak u tzij.”

Apocalipsis 15:1

Xinwil jun etal chic pa ri caj, nim xukuje' jik'ibal. E c'o wukub tako'nib aj caj ri e cuc'am ri wukub q'uisbal tak c'axc'olil. Cuc' c'u wa' caq'uis u tza'm ri royowal ri Dios.

Apocalipsis 17:13

Ri lajuj ajawinelab xa junam qui chomanic, cäquiya' na ri qui cuinem xukuje' ri qui takanic che ri itzel awaj.

Apocalipsis 19:9

Ri tako'n aj caj xubij chwe: “Chatz'ibaj: ‘Utz que ri e ula'm rech quebe pa ri wa'im re ri u c'ulanem ri Alaj Chij.’ ” Xukuje' xubij chwe: “We tzij ri' kas e u tzij ri Dios.”

Apocalipsis 6:11

Xya' sakloloj tak catz'iak chquijujunal, xbix chque chi cheuxlan chi na quieb oxib k'ij, c'ä quetz'akat na ri cach tak pataninelab xukuje' ri cachalal, ri xukuje' quecämisax na jacha' ri e are'.