Apocalipsis 17:15 - Quiché Bible

¹⁵ Ri tako'n aj caj xubij c'u chwe: “Ri ja' ri e awilom jawije' ri t'uyul wi ri ixok quech nim ch'utin, are e winakil, e q'uialaj winak, e nimak tak tinimit xukuje' e ch'abal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Xubꞌij xuqujeꞌ chwe: Ri nimaꞌ ri xawilo jawjeꞌ ri tꞌuyul wi ri ixoq ri sibꞌalaj e kꞌi rachajil, are karetwachij e nitzꞌ xuqujeꞌ e nimaq taq tinimit xuqujeꞌ tzijobꞌal.

K'iche'

¹⁵ Xukuje' xubij ri ángel chwe: Ri nimak tak mar ri xeawilo, ri t'uyul wi ri itzel ixok pa qui wi', are quel cubij wa' chi e conojel qui wäch winak, e winak ri jalajoj queca'yic, e winak ri jalajoj tak qui tinimit, e winak ri jalajoj quech'awic.

K'iche' (New Orthography)

¹⁵ Xuquje' xub'ij ri ángel chwe: Ri nimaq taq mar ri xeawilo, ri t'uyul wi ri itzel ixoq pa ki wi', are kel kub'ij wa' chi e konojel ki wäch winaq, e winaq ri jalajoj keka'yik, e winaq ri jalajoj taq ki tinimit, e winaq ri jalajoj kech'awik.

Apocalipsis 17:15 ပူးပေါင်းရင်းမြစ်များ

Salmib 18:4

Ri cämical xinuralij pa tak ri e u colob; xinxe'j wib chuwäch ri uwo ja' ri sachal wächaj.

Salmib 65:7

Lal cajamarisan la ri u wululem ri plo xukuje' ri qui ch'ujilal tak ri tinimit;

Ri Jeremiy 47:2

“In, ri Ajawaxel, quinbij: Pa ri riquiak'ab elebal k'ij cäpe wi na jun bik'tajic jacha' jun nima' ri capulinic; cubik' na ri ulew xukuje' ronojel ri c'o chupam, ri tinimit tak xukuje' conojel ri e jekel chquipam. Conojel ri e u winakil ri ulew caquirak qui chi', ri winak quejuyuw na rumal ri k'oxom.

Ri Jeremiy 51:13

At, Babilon, ri at c'o chquichi' nimak tak nima' e c'o c'u nimak tak a k'inomal, ¡opaninak ba' ri q'uisbal u wäch a k'ij, ri u q'uisbalil ri a c'aslemal!

Ri Jeremiy 51:42

Ri plo xubik' ri Babilon, xuch'uk cuc' ri nimak tak u rekbala'.

Ri Jeremiy 51:55

Are' ri Ajawaxel, ri cusach u wäch ri Babilon cuq'uis c'u u tza'm ri yojcorem ri cubano. Ri e c'ulel tak, e jacha' rekbala' ri quewolkotic, quekaj na puwi' ruc' nimalaj pujujem.

Ri Ezequiel 31:4

Ri jäb xukuje' ri ja' ri c'o cho ri ulew xetob che u q'uiyisaxic; xeq'uiy nima' chrij jawije' ri tictal wi; ri e u nima' xequija'j conojel tak ri che' re ri ulew.

Apocalipsis 10:11

Xbix c'u chwe: “Rajawaxic chi catzijoj chi jumul ri u tzij ri Dios chque e q'ui winak, xukuje' chque e q'ui nimak tak tinimit, xukuje' chque e q'ui ch'abal, xukuje' chque e q'ui ajawinelab.”

Apocalipsis 11:9

Winak tak que conojel tinimit, amak' tak, ch'abal tak, nimak tak tinimit, caquil na ri qui cuerp oxib k'ij ruc' niq'uiaj, man c'u cajwax taj chi quemuk ri qui cuerp.

Apocalipsis 17:1

Xpe jun chque ri wukub tako'nib aj caj ri e cuc'am ri wukub lak, xtzijon wuc', xubij chwe: “Tasaj. Quinc'ut na chawäch ri u c'okotajic ri ajmacalaj ixok quech nim ch'utin, ri t'uyul paquiwi' q'uialaj ja'.

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.