Apocalipsis 17:10 - Quiché Bible

¹⁰ Ri job e tzakinak chic, ri jun chic cajawin camic, ri jun chic c'ä maja' cäpetic. Aretak c'u cäpetic, xa' c'u quieb oxib k'ij cabeytajic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Xuqujeꞌ e wuqubꞌ taqanelabꞌ rech ri uwachulew: E kaminaq chi jobꞌ chike, jun kꞌa tajin kataqan na, ri jun chik majaꞌ kulik, we kꞌu xulik tzi choqꞌaqꞌ wi chi man naj taq kataqanik.

K'iche'

¹⁰ Ri wukub jolomaj xukuje' quel cubij wukub nimak tak takanelab. Job chque we takanelab ri' xsach qui wäch wa'. Jun chque tajin cätakan cämic, ri jun chi c'ut c'ä mäja' cäpetic. Aretak cäpe ri q'uisbal takanel, man naj tä c'u na cätakanic.

K'iche' (New Orthography)

¹⁰ Ri wuqub' jolomaj xuquje' kel kub'ij wuqub' nimaq taq taqanelab'. Job' chke we taqanelab' ri' xsach ki wäch wa'. Jun chke tajin kätaqan kämik, ri jun chi k'ut k'ä mäja' käpetik. Aretaq käpe ri k'isb'al taqanel, man naj tä k'u na kätaqanik.

Apocalipsis 17:10 ပူးပေါင်းရင်းမြစ်များ

Ri Isaiy 23:15

Pa tak ri k'ij ri' ri Tir man c'o ta chi jun cänatan na pa oxc'al lajuj junab, are junab wa' ri cäc'asi jun ajawinel. Aretak c'u cätz'akat ri oxc'al lajuj (70) junab, cacoj na che ri Tir ri cubij ri u bix ri ixok quech nim ch'utin:

Apocalipsis 10:11

Xbix c'u chwe: “Rajawaxic chi catzijoj chi jumul ri u tzij ri Dios chque e q'ui winak, xukuje' chque e q'ui nimak tak tinimit, xukuje' chque e q'ui ch'abal, xukuje' chque e q'ui ajawinelab.”

Apocalipsis 13:12

Ri xibibal awaj xucoj ronojel ri u takanic ri nabe xibibal awaj chuwäch are'. Xubano chi ri uwächulew, xukuje' conojel ri e jekel cho ri uwächulew, xquik'ijilaj ri nabe xibibal awaj, ri xcunataj ri u socotajic aj cämical.

Apocalipsis 13:3

Xinwil jun chque ri u jolom je ta ne ri socom chic che cämical. Xcunataj c'u ri u socotajic aj cämical. Xquimay conojel ri e c'o cho ri uwächulew, xquiterenej ri awaj.

Apocalipsis 17:11

Ri itzel awaj ri xc'oji' canok, xukuje' man c'o ta chic, are uwajxak ajawinel wa'. Are c'u jun chque ri wukub, cäbe c'u na pa ri sachbal u wäch.

Apocalipsis 17:16

Ri lajuj ruc'a' ri awaj ri e awilom, cäquetzelaj na u wäch ri ajmacalaj ixok quech nim ch'utin, cäquiya' na canok xak u tuquiel ch'anal c'ut. Cäquitij na ri u ti'jal, cäquiporoj na ruc' k'ak'.