Apocalipsis 16:7 - Quiché Bible

⁷ Xinta' chi jun aj porobal je xubij wa': “Je', Ajawaxel, Dios ri c'o ronojel cuinem uc' la. Kastzij xukuje' suc' ri k'atoj tzij ri xban la.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Xuqujeꞌ xinta chi jun chꞌabꞌal upetik cho ri tzujbꞌal xubꞌij: qas tzij wi Ajawxel kwinel laj Dios sibꞌalaj sukꞌ xuqujeꞌ qas tzij ri qꞌatoj tzij la.

K'iche'

⁷ Xukuje' xinta jun ri xch'aw lok ruc' ri ta'bal tok'ob ri xubij: Je', Kajaw, ka Dios ri c'o ronojel u wäch chuk'ab uc' la, kas tzij xukuje' kas jicom banom la chuk'atic tzij pa qui wi', —xcha'.

K'iche' (New Orthography)

⁷ Xuquje' xinta jun ri xch'aw loq ruk' ri ta'b'al toq'ob' ri xub'ij: Je', Qajaw, qa Dios ri k'o ronojel u wäch chuq'ab' uk' la, qas tzij xuquje' qas jikom b'anom la chuq'atik tzij pa ki wi', —xcha'.

Apocalipsis 16:7 ပူးပေါင်းရင်းမြစ်များ

Ri Isaiy 6:6

Pa ri jok'otaj ri' xpe jun chque ri chajinelab aj caj ri quejuluwic xrapapic xopan wuc'. Ri ruc'am ulok jun chapbal ri u cayem ulok jun rachak k'ak' ri u c'amom puwi' ri porobal,

Ri Ezequiel 10:2

Ri Ajawaxel xubij che ri achi ri u cojom ratz'iak re lino: “Chanima' awib chquixo'l tak ri quetet re ri carwaj chquixe' ri aj cajalaj tak to'banelab ri e c'o qui xic', chac'ama' jumuk' rachak k'ak' ri cäkuchuwic, ri c'o chquixo'l ri cajalaj tak tobanelab ri e c'o qui xic', chajabuj c'u paquiwi' ri e c'amal tak u be ri tinimit.” Xinwil c'ut ri xuban ri achi che u nimic rib.

Ri Ezequiel 10:7

Chquixe' ri qui xic' ri aj cajalaj tak to'banelab, quilitaj jun jasach ri je ta ne jun u k'ab winak. Jun chque xulic' we k'abaj ri' che u c'amic ri k'ak' ri c'o pa qui niq'uiajil, xuc'am c'u jubik' xuya' pa u k'ab ri achi ri u cojom ratz'iak re lino, ri xuc'amo xbe c'ut.

Apocalipsis 1:8

“In ri' ri nabe xukuje' ri q'uisbal,” cächa ri Ajawaxel ri Dios, ri c'olic, ri c'o ulok ojer, ri cäpe c'u na, ri c'o ronojel u cuinem.

Apocalipsis 13:10

We c'o jun cäc'am bic pa chapbal, pa chapbal cäbe wi na. We c'o jun cäcämisan che ch'ich' re ch'o'j, rajawaxic chi cäcämisax na che ch'ich' re ch'o'j.” Che wa' cajwataj wi ri quicoch'onic xukuje' ri quijiquil ri e tastalic tak winak aj Dios.

Apocalipsis 14:10

are ri' caruq'uiaj na re ri u wa'l uva ri c'äjisabal u wäch rumal ri Dios, ri man c'o ta jun jasach chic yujam ruc', suc'umam pa ri lak re ri royowal. Curik na c'ax rumal ri k'ak' xukuje asubre chquiwäch ri e tastalicalaj tak tako'nib aj caj xukuje' chuwäch ri Alaj Chij.

Apocalipsis 14:18

Jun chic tako'n aj caj, ri c'o takanic pa u k'ab puwi' ri k'ak', xel ulok cho ri porobal. Co xch'awic ruc' chuk'ab che ri c'o ri t'ist'icalaj u jos, xubij: “Chacojo' ri t'ist'icalaj a jos, chebamaca ri u wäch ri uva ri e c'o cho ri uwächulew, e chak' chic ri uva.”

Apocalipsis 19:2

rumal rech chi kastzij xukuje' suc' ri k'atoj tzij ri cubano. Xuc'äjisaj u wäch ri ajmacalaj ixok quech nim ch'utin, ri nim u banic, ri u tz'ilom ri uwächulew rumal ri u macunic. Ri Dios xutoj u q'uexel ri qui quiq'uel ri e pataninel tak rech ri e cämisam rumal ri ixok.”

Apocalipsis 6:9

Aretak ri Alaj Chij xujak ri uro' t'ikbal, xinwil chuxe' ri porobal ri canima' ri xecämisax rumal rech chi qui k'alajisam ri u tzij ri Dios.