Apocalipsis 16:21 - Quiché Bible

²¹ Xekaj c'u ulok nimak tak sakbach chicaj paquiwi' ri winak, ri quepajan jujun quintal. Ri winak xquibij c'axalaj tak yok'obal chrij ri Dios rumal rech ri c'axc'olil re ri sakbach. Sibalaj nim c'ut ri c'ax ri xubano.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Xuqujeꞌ xqaj saqbꞌach pa kiwiꞌ konojel ri winaq. Ri saqbꞌach jer kebꞌantaj abꞌaj, jubꞌiqꞌ karaj pa jun kintal kepajanik. Ri winaq xkibꞌij kꞌax taq tzij che ri Dios rumal ri kꞌax ri xkiriqo.

K'iche'

²¹ Xukuje' xkaj lok chicaj pa qui wi' ri winak nimak tak sakbäch ri xa jubik' man quepajan jujun quintal chquijujunal, ri winak c'ut xquibij ri äwas u bixic chrij ri Dios rumal ri c'äxc'ol re ri sakbäch, rumal chi are jun c'äjisabal wächaj ri sibalaj nim na.

K'iche' (New Orthography)

²¹ Xuquje' xqaj loq chikaj pa ki wi' ri winaq nimaq taq saqb'äch ri xa jub'iq' man kepajan jujun quintal chkijujunal, ri winaq k'ut xkib'ij ri äwas u b'ixik chrij ri Dios rumal ri k'äxk'ol re ri saqb'äch, rumal chi are jun k'äjisab'al wächaj ri sib'alaj nim na.

Apocalipsis 16:21 ပူးပေါင်းရင်းမြစ်များ

Ri Job 38:22

¿La e asolim tak ri c'olbal ri nu c'olom wi ri tew xukuje' ri sakbach

Ri Job 38:23

che qui takic bic pa tak ri k'ijol rech ri u q'ueyowal, pa tak ri k'ijol re tijoj chuk'ab xukuje' re ch'o'j?

Elem 9:18

¡Je' tak ba wa'! Chwek quinban na chi cäkaj jun nimalaj sakbach, ri mawi jumul je ta kajinak wa' pa Ejipt.

Elem 9:22

Xubij c'u ri Ajawaxel che ri Moises: “Chayaca' ri a k'ab chicaj rech cäkaj sakbach puwi' ronojel ri ulew pa Ejipt, paquiwi' ri winak, paquiwi' ri awaj xukuje' puwi' ronojel k'ayes ri c'o pa tak ri juyub pa Ejipt.”

Ri Isaiy 30:30

Ri Ajawaxel cuban na chi cätataj ri cowilaj u ch'abal, cuc'ut na ri u cuinem ri cucoj ruc' jun xibibalalaj oyowal, e rachil tak ri e rak' k'ak' ri quebik'onic, rachil cakulja' jäb xukuje' sakbach.

Ri Isaiy 8:21

Ri winak quexulic, quepakic, qui rikom c'ax xukuje' quenumic, rumal c'u ri numic cäpe na coyowal. Cäquic'okoj na ri qui ajawinel xukuje' tak ri e qui dios. Queca'y na chicaj

Ri Ezequiel 13:11

Chabij chque ri que chunan ri tapia, chi cätzak na ri tapia. Cak'ijk'ob na ulok ri nimalaj jäb, quekaj na sakbach jacha' abaj, cäpe na jun nimalaj quiakik' jäb,

Ri Ezequiel 13:13

Rumal ri' ri in, ri Ajawaxel, quinbij: Pa ri woyowal quinban na chi cäpe jun quiakik' jäb; pa ri nu c'anal quinban na chi cak'ijk'ob ulok ri nimalaj jäb quekaj c'u na nimak tak sakbach jacha' ri abaj, che u sachisaxic u wäch ronojel ruc' oyowal.

Ri Josue 10:11

Aretak xekaj bic ri aj amoreyib pa ri xuluxic ri c'o pa Bet-horon, aretak cätajin quebanimaj chquiwäch ri aj israelib ri Ajawaxel xebutzokopij ulok nimak tak abaj re sakbach paquiwi' e q'ui c'u na ri aj amoreyib ri xequicämisaj chuwäch ri qui ch'ich' re ch'o'j ri aj israelib.

Apocalipsis 11:19

Xjaktaj c'ut ri rachoch Dios pa ri caj. Xilitaj c'ut ri caxa re ri u c'ulwächinic chupam ri rachoch Dios. Xec'ulmataj caypa', jininem, cakultakja, cabrakan xukuje' nimalaj sakbach.

Apocalipsis 16:11

Xquiyok'ok'ej ri Dios aj caj rumal rech ri qui k'oxowem xukuje' ri qui ch'a'c. Man xquiq'uex ta c'u qui c'u'x chquij ri qui chac.

Apocalipsis 16:9

Xec'at c'u ri winak ruc' nimalaj k'ak'. Man xquiq'uex ta c'u qui c'u'x, man xquinimarisaj ta u k'ij ri Dios. Xane' xiquiyok' ri u bi' ri Dios, ri c'o u takanic paquiwi' ri c'axc'olil ri'.

Apocalipsis 8:7

Ri nabe tako'n aj caj xrok'esaj ri u trompet. Xpe sakbach xukuje' k'ak' yujum ruc' quic', xeq'uiak puwi' ri uwächulew. Xnicow c'ut ri qui roxil tak ri che', xukuje' xnicow ronojel räx tak k'ayes.