Apocalipsis 16:2 - Quiché Bible

² Xbe ri nabe tako'n aj caj, xuk'ij ri u lak puwi' ri uwächulew. Xpe c'u jun itzelalaj ch'a'c sibalaj c'ax chque ri winak ri qui c'amom ri retal ri itzel awaj xukuje' chque ri cäquik'ijilaj ri u wächbal.

RI KꞌAKꞌ TESTAMENTO PA TZIJOBꞌAL KꞌICHEꞌ

² Ri nabꞌe ángel xel loq pa ri Templo, xuꞌtixa ri qumubꞌal nojinaq che ri royawal ri Dios puꞌwiꞌ ri uwachulew, konojel kꞌu ri winaq ri kojom ketal rumal ri awaj xuqujeꞌ kakiqꞌijilaꞌj ri tzaq rech ri awaj, xel loq jun chꞌaꞌk che ri kityoꞌjal ri sibꞌalaj kaqꞌoxowik.

K'iche'

² Xe' ri nabe ángel, xujamij puwi' ruwächulew ri c'o pa ru lak. Conojel c'u ri winak ri c'o ri retal ri xibibalalaj awaj chque, ri xukuje' cäquik'ijilaj ru wächbal, xel lok jun itzel ch'a'c chquij ri sibalaj cäk'ak'anic.

K'iche' (New Orthography)

² Xe' ri nab'e ángel, xujamij puwi' ruwächulew ri k'o pa ru laq. Konojel k'u ri winaq ri k'o ri retal ri xib'ib'alalaj awaj chke, ri xuquje' käkiq'ijilaj ru wächb'al, xel loq jun itzel ch'a'k chkij ri sib'alaj käq'aq'anik.

Apocalipsis 16:2 ပူးပေါင်းရင်းမြစ်များ

Ucab Tzijobelil 21:15

Quebukasaj c'u na q'ui qui wäch tak yabilal pa wi' la. Coc na jun yabilal chpam la ri kas cuxubej la, c'ä quebel na ulok ri ixco'l la.’ ”

Ucab Tzijobelil 21:18

Aretak c'u oc'owinak chi wa', ri Ajawaxel xuc'äjisaj u wäch ruc' jun yabilal che ri u pam ri man cunatajel taj.

Salmib 78:26

Ri quiakik' re elebal k'ij, ri quiakik' re u mox elebal k'ij xejich'ich' cho ri caj; ¡ri Dios xebuc'am ulok ruc' ri u cuinem!

Ri Isaiy 3:17

che u c'äjisaxic qui wäch quinban na tol che ri qui jolom rumal ri quiäkchi'n, xukuje' quebench'anaba' na chquiwäch ri winak.”

Ri Isaiy 3:24

Che u q'uexwäch c'oc'al, chuwil che u q'uexwäch pas, jun colob; che u q'uexwäch wi'aj ri xiyom, tolalaj jolomaj che u q'uexwäch ch'uch'ujalaj atz'iak, jun wakawoj atz'iak; che u q'uexwäch je'lal, jun etal ruc' ch'ich' ri quiäkarinak pa k'ak'.

Hechos 12:23

Chanim ri Herod xsoc rumal jun tako'n aj caj rech ri Ajawaxel, rumal rech chi man xunimarisaj ta u k'ij ri Dios. Kuchum ri u cuerp cumal xjut, xcämic.

U Camulixic ri Pixab 28:27

Ri Ajawaxel quebuq'uiyisaj na nimak tak ch'a'c chawij jacha' ri xpe chquij ri aj ejiptib, xukuje' sipoj, salc'am xukuje' quiäk chi'm, man c'u quebarik ta cunabal che qui cunaxic tak we yabil ri'.

U Camulixic ri Pixab 28:35

Cuc'äjisaj na a wäch ri Ajawaxel cuc' c'axalaj tak ch'a'c ri quepe cho tak a ch'ec, pa tak a wa', xukuje' chrij ronojel ri a cuerp, man c'o ta c'u a cunatajic.

U Camulixic ri Pixab 7:15

Ri Ajawaxel cunajtajisaj na chiwe ronojel u wäch yabil, xukuje' ronojel u wäch banbal c'ax jas ri iweta'm chi xutak ulok puwi' ri Ejipt; are c'u querikow na ri e i c'ulel.

Apocalipsis 13:12

Ri xibibal awaj xucoj ronojel ri u takanic ri nabe xibibal awaj chuwäch are'. Xubano chi ri uwächulew, xukuje' conojel ri e jekel cho ri uwächulew, xquik'ijilaj ri nabe xibibal awaj, ri xcunataj ri u socotajic aj cämical.

Apocalipsis 14:16

Are c'u ri t'uyul puwi' ri sutz' xucoj ri u jos cho ri uwächulew, xbantaj ri k'atoj cho ri uwächulew.

Apocalipsis 14:9

Jun urox tako'n aj caj xterenenic, xubij ruc' chuk'ab: “We c'o jun cuk'ijilaj ri itzel awaj xukuje' ri u wächbal, cumaj c'ut u c'amic retal cho ri u metz'al ri u palaj o che ri u k'ab,

Apocalipsis 16:1

Xinta' jun cowilaj ch'abal ri xel ulok pa ri k'ijilabal, ri xubij chque ri wukub tako'nib aj caj: “Jix, chik'ija' puwi' ri uwächulew ri wukub lak re ri royowal ri Dios.”

Apocalipsis 16:11

Xquiyok'ok'ej ri Dios aj caj rumal rech ri qui k'oxowem xukuje' ri qui ch'a'c. Man xquiq'uex ta c'u qui c'u'x chquij ri qui chac.

Apocalipsis 8:7

Ri nabe tako'n aj caj xrok'esaj ri u trompet. Xpe sakbach xukuje' k'ak' yujum ruc' quic', xeq'uiak puwi' ri uwächulew. Xnicow c'ut ri qui roxil tak ri che', xukuje' xnicow ronojel räx tak k'ayes.

Nabe Samuel 5:6

Ri Ajawaxel sibalaj c'u xuc'äjisaj qui wäch ri aj Asdod xebunojisaj c'u che xe'n ib xukuje' conojel ri e qui winakil, xebuc'am ulok sipoj paquiwi'.

Nabe Samuel 5:9

Aretak c'o chi chila', ri Ajawaxel xulic' ri xe'n ib pa ri tinimit, xebusoc ri winak cuc' tak sipoj ri xeq'uiy ulok chquij, chi nimak chi ch'utik.