Apocalipsis 14:8 - Quiché Bible

⁸ Petinak chi c'u jun ucab tako'n aj caj chrij, ri je cubij wa': “¡Tzakinak, tzakinak ri nimalaj Babilon, ri rumal ri u wa'l ri u uva xebuk'abarisaj conojel ri nimak tak tinimit ruc' ri nimalaj qui rayinic che qui banic macunic ruc'!”

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Kꞌo chi jun ángel teren bꞌik chirij ri nabꞌe xubꞌij: Xtukinik, xtukinik ri nimalaj tinimit Babilonia, are waꞌ ri xetaqchiꞌn konojel ri winaq chubꞌanik ri mak xuqujeꞌ chikiqꞌijilaꞌxik ri e bꞌanom taq dios.

K'iche'

⁸ Te c'u ri' xteri chi lok jun ángel chic ri xubij: ¡Xwulijic, ya xwulij ri nimalaj tinimit Babilonia! Je ri', rumal chi u k'abarisam conojel qui wäch winak cho ruwächulew ruc' ru vino ri sibalaj c'o u chuk'ab re ri mac ri sibalaj äwas u banic ri sachinak u c'ux rumal, —xcha ri ángel.

K'iche' (New Orthography)

⁸ Te k'u ri' xteri chi loq jun ángel chik ri xub'ij: ¡Xwulijik, ya xwulij ri nimalaj tinimit Babilonia! Je ri', rumal chi u q'ab'arisam konojel ki wäch winaq cho ruwächulew ruk' ru vino ri sib'alaj k'o u chuq'ab' re ri mak ri sib'alaj äwas u b'anik ri sachinaq u k'ux rumal, —xcha ri ángel.

Apocalipsis 14:8 ပူးပေါင်းရင်းမြစ်များ

Ri Isaiy 13:1

Tzij tak ri caquiya' u bixic ri cuc'ulmaj na ri Babilon, ri xek'alajisax che ri Isaiy, u c'ojol ri Amoz:

Ri Isaiy 21:9

Quinwil c'ut chi petinak jun carwaj jururem cumal quieb quiej.” C'o c'u jun je xubij wa': “¡Xkaj ri Babilon, xkaj ri Babilon! Conojel tak ri e qui wächbal ri e qui diosib xecanaj cho ri ulew xquiban ch'akatak.”

Ri Jeremiy 50:1

Cäya' u bixic ri cuc'ulmaj na ri Babilon, culew ri aj caldeyib, ri xuya' u bixic ri Ajawaxel rumal ri Jeremiy, ri k'axal tzij:

Ri Jeremiy 51:64

chabij c'ut: ‘Je' wa' ri u bik'tajic ri Babilon, man cawalij ta chi c'u chupam ri etzelal ri cutak na ulok ri Ajawaxel puwi'.’ ” Waral queq'uiswi tak ri e u tzij ri Jeremiy.

Ri Daniel 4:30

xubij: “¡Chiwila' chi sibalaj nim ri Babilon! In, ruc' ri nimalaj nu cuinem xinyaco che u chuch ri wajawibal, rech quebenya' can c'utbal rech ri nu nimalil.”

Ri Nahum 3:19

¡Man c'o ta cunabal che ri a socotajic; ri a ch'a'c man cunatajel taj! Conojel ri caquita' u tzijol ri a quiäkasakil quequipak'apa tak ri qui k'ab rumal quicotemal, ¿jachin ta lo ri ma ta xurik c'ax rumal ri awetzelal ri man c'o ta u q'uisic?”

Apocalipsis 11:8

Ri qui cuerp queya' na can pa ri nim be pa ri nimalaj tinimit, jawije' xrip wi ri Cajaw cho ri ripibal. Pa c'ambal no'j, cäbix Sodom xukuje' ri Ejipt che u bi' ri tinimit ri'.

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 17:18

Ri ixok ri awilom, are cubij ri nimalaj tinimit ri cätakan paquiwi' ri ajawinelab re ri uwächulew.”

Apocalipsis 19:2

rumal rech chi kastzij xukuje' suc' ri k'atoj tzij ri cubano. Xuc'äjisaj u wäch ri ajmacalaj ixok quech nim ch'utin, ri nim u banic, ri u tz'ilom ri uwächulew rumal ri u macunic. Ri Dios xutoj u q'uexel ri qui quiq'uel ri e pataninel tak rech ri e cämisam rumal ri ixok.”