Apocalipsis 14:3 - Quiché Bible

³ Xquibixoj c'u jun c'ac' bix chuwäch ri tem re ajawibal, chquiwäch ri quiejeb awaj, xukuje' chquiwäch ri nimak tak tatayib. Man c'o ta c'u jun cäcuinic cäretamaj ri bix, xuwi ri jun sient cawinak quiejeb mil (144,000), ri xelok' chquixo'l ri e aj uwächulew.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Are waꞌ ri kichꞌabꞌal ri jun ciento rukꞌ kawinaq kajibꞌ mil winaq e takꞌal cho ri tꞌuyulibꞌal tajin kakibꞌixoj jun kꞌakꞌ bꞌix e kachiꞌl ri e kajibꞌ kꞌaslik taj winaqil xuqujeꞌ ri e kawinaq kajibꞌ kꞌamal taq bꞌe. Man kꞌo ta jun kakwinik karetaꞌmaj ri bꞌix ri tajin kakibꞌixoj xwi aꞌreꞌ etaꞌmaninaq rumal cher aꞌre waꞌ ri winaq ri xeꞌsax loq cho ri uwachulew.

K'iche'

³ Tajin c'u cäquibixoj jun c'ac' bix chuwäch ri je'lalaj t'uyulibal xukuje' chquiwäch ri quiejeb ri je' quepe ángeles, xukuje' chquiwäch ri c'amal tak qui be ri cojonelab. Man c'o tä c'u jun cäcowinic cäretamaj ri bix ri', xane xak xuwi ri jun ciento ruc' cawinak quiejeb mil winak chquixol ri winak ajuwächulew ri xquirik ru tobanic ri Dios.

K'iche' (New Orthography)

³ Tajin k'u käkib'ixoj jun k'ak' b'ix chuwäch ri je'lalaj t'uyulib'al xuquje' chkiwäch ri kiejeb' ri je' kepe ángeles, xuquje' chkiwäch ri k'amal taq ki b'e ri kojonelab'. Man k'o tä k'u jun käkowinik käretamaj ri b'ix ri', xane xaq xuwi ri jun ciento ruk' kawinaq kiejeb' mil winaq chkixol ri winaq ajuwächulew ri xkiriq ru tob'anik ri Dios.

Apocalipsis 14:3 ပူးပေါင်းရင်းမြစ်များ

Salmib 144:9

Ajawaxel, quinbixoj jun c'ac' bix che la; quebenbixoj bix che la ruc' ri nimalaj arp.

Salmib 149:1

¡Chyo'k u k'ij ri Ajawaxel! Chibixoj jun c'ac' bix che ri Ajawaxel; Chyo'k u k'ij cumal ri jic quebin chuwäch.

Salmib 25:14

Ri Ajawaxel ranima' rib cuc' jachintak ri nim caquil wi, cuya' c'u retamaxic ri u c'ulwächinic chque.

Salmib 33:3

chibixoj jun c'ac' bix che, ¡utzalaj k'ojomanic chibana' che u k'ijilaxic!

Salmib 40:3

Xubano chi xresaj ulok jun c'ac' bix pa nu chi', jun bix che u k'ijilaxic ri ka Dios. E q'ui aretak xquil wa', xslabetaj ri canima'; xquicu'ba' qui c'u'x chrij ri Ajawaxel.

Salmib 96:1

Chibixoj jun c'ac' bix che ri Ajawaxel; chixbixon che ri Ajawaxel, iwonojel ri ix c'o cho ri uwächulew;

Salmib 98:1

¡Chibixoj che ri Ajawaxel jun c'ac' bix, u banom c'u tak mayibal! ¡U rikom c'u ch'äcanem rumal ri nimalaj u cuinem, xukuje' rumal ri tastalicalaj u k'ab!

Ri Isaiy 42:10

Chibixoj che ri Ajawaxel jun c'ac' bix kas pa ri c'olbal ri sibalaj naj che ri ulew chek'ijilan che jachin tak ri quebin puwi' ri plo xukuje' ri chicop ri e jekel chupam, ri ulew tak ri e c'o chupam ri plo xukuje' ri e u winakil.

1 Corintios 1:18

Xa' c'u conil ri tzij re ri ripibal chque ri winak ri cäsach qui wäch. Chke c'u ri uj ri cujcolotajic, ri tzij ri' are u cuinem ri Dios.

1 Corintios 2:14

Ri winak ri man c'o ta ri Uxlabaxel pa ri canima' man cäquic'am ta ri jastak ri rech ri Ruxlabal ri Dios, xa c'u conil chque ri e are'. Man quecuin ta che qui ch'obic, rumal rech chi aj Uxlabal qui ch'obic.

Apocalipsis 14:1

Xinwil ri Alaj Chij tac'al puwi' ri juyub Sion. E c'o jun sient cawinak quiejeb mil (144,000) winak ruc'. Tz'ibatal c'u ri u bi' ri Alaj Chij xukuje' ri u bi' ri u Tat cho ri u metz'al ri qui palaj.

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Apocalipsis 2:17

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Apocalipsis 7:4

Xinta' ri cajilabal ri xcoj quetal, are jun sient cawinak quiejeb mil (144,000) chque conojel ri e camak' ri e aj israelib.