Apocalipsis 14:14 - Quiché Bible

¹⁴ Xinca'yic, xinwil jun sakloloj sutz'. C'o jun t'uyul puwi' ri sutz' ri je ta ne cäpe jun rija'l winak. C'o jun corona' re k'an puak che ri u jolom, c'o jun t'ist'icalaj jos pa u k'ab.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Are xinkaꞌyik xinwil jun saqlaj sutzꞌ, puꞌwiꞌ ri sutzꞌ kejeninaq jun ri kajunumataj rukꞌ ri uKꞌojol ri Achi, pa ujolom kꞌo jun korona bꞌantal che qꞌana pwaq, pa ri uqꞌabꞌ rukꞌaꞌm jun jos ri kꞌo upuꞌchiꞌ.

K'iche'

¹⁴ Te c'u ri' xinca'yic, xinwil jun sutz' ri sibalaj sak. T'uyul Jun puwi' ri sutz' ri junam ruc' ru c'ojol jun winak. Cojom c'u jun u corona re k'än puak, ruc'am jun ixjos pu k'ab ri sibalaj c'o u pu chi'.

K'iche' (New Orthography)

¹⁴ Te k'u ri' xinka'yik, xinwil jun sutz' ri sib'alaj saq. T'uyul Jun puwi' ri sutz' ri junam ruk' ru k'ojol jun winaq. Kojom k'u jun u corona re q'än puaq, ruk'am jun ixjos pu q'ab' ri sib'alaj k'o u pu chi'.

Apocalipsis 14:14 ပူးပေါင်းရင်းမြစ်များ

Salmib 21:3

Xc'amowaj la cuc' nimak tak tewichibal, xcoj la jun corona re k'an puak che ri u jolom.

Salmib 97:2

Sutim rij rumal jun tzatzalaj sutz'; ri suq'uil xukuje' ri takal u banic are' e tok'eninak ri u tem re ajawibal;

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Ezequiel 1:26

Puwi' ri wocowic xinwil jun jasach jacha' jun tem re ajawibal ri je ta ne cäpe ri je'licalaj räx abaj ri zapir, puwi' c'u we tem re ajawibal ri' c'o jun jasach ri je ta ne u banic jun winak.

Ri Daniel 7:13

Ri in nu takem quilic tak we c'utwächinic ri' pa ri chak'ab ri', xak c'u c'ätetal: Xinwilo chi petinak jun pa tak ri sutz' ri je ta ne cäpe jun rija'l winak, xbe c'ut jawije' c'o wi ri Nim Winak; xoquisax c'u chuwäch.

Ri Matey 13:30

Chiya' canok chi queq'uiy na junam ri trico ruc' ri itzel k'ayes c'ä pa ri k'atoj. Aretak copan na ri k'atoj, quinbij na chque ri ajk'atolob; chebimolo nabe ri itzel tak k'ayes, chixima' u pam rech cäporoxic. Chimulij c'u ri trico pa ri nu c'uja.’ ”

Ri Matey 17:5

C'ä cätajin cätzijon ri Lu', xpe c'u jun sutz' ri cäjuluwic, xebuch'uku. Xtataj c'u jun ch'abal pa ri sutz' ri xubij: “Are lok'alaj nu C'ojol wa', ri cäkaj chnuwäch. Chitatabej ba ri u tzij.”

Marcos 4:29

Aretak c'o chi ri u wächinic, chanim ri winak cucoj jos che, xopan c'u ri u k'ijol ri k'atoj.”

Ri Lucax 21:27

C'äte ri' quilitaj na ri Rija'l Winak petinak pa jun sutz' ruc' chuk'ab, sibalaj nim u k'ij.

Hebreos 2:9

Are c'u ri Jesus, ri xban che chi ch'utin na jubik' ri u k'ij chquiwäch ri tako'nib aj caj, cäkilo chi nim u k'ij xukuje' nim quilic, je ta ne jun corona ri cojom che. Jewa' banom che rumal rech chi xurik cämical rumal quech conojel, jas ri tok'ob ri xuban ri Dios chque.

Apocalipsis 1:13

Pa qui niq'uiajil ri wukub tzuc'ulibal, xinwil jun ri cajunamataj ruc' jun rija'l winak. U cojom jun ratz'iak copan c'ä chukul rakan, u cojom jun pas re k'an puak cho u c'u'x.

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

Apocalipsis 10:1

Xinwil chi jun cowilaj tako'n aj caj xkaj ulok cho ri caj. Pistal rumal jun sutz', ri c'o jun räxquiak'ab chujolom. Ri u palaj are je jas ri k'ij, ri e rakan je jas bolobak rak' k'ak'.

Apocalipsis 11:17

Xquibij: “Cäkamaltioxij che la, Ajawaxel, Dios ri c'o ronojel cuinem uc' la, ri c'o la, ri c'o la ulok ojer, xukuje' cäpe na la, rumal rech chi c'amom la ri nimalaj chuk'ab la lal c'u ajawininak.

Apocalipsis 19:12

Ri u bak'wäch je ta ne e rak' k'ak'. C'o q'ui corona' chujolom. C'o jun u bi' tz'ibatalic, ri man c'o ta jun cäch'obowic, xane' xuwi ri are'.

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.

Apocalipsis 6:2

Xinca'yic, xinwil jun sak rij quiej. Ri t'uyul chrij ruc'am jun q'uiakbal ch'ab. Xya' jun u corona'. Ch'äcanel c'ut xel bic che u rikic ch'äcänic.