Apocalipsis 14:10 - Quiché Bible

¹⁰ are ri' caruq'uiaj na re ri u wa'l uva ri c'äjisabal u wäch rumal ri Dios, ri man c'o ta jun jasach chic yujam ruc', suc'umam pa ri lak re ri royowal. Curik na c'ax rumal ri k'ak' xukuje asubre chquiwäch ri e tastalicalaj tak tako'nib aj caj xukuje' chuwäch ri Alaj Chij.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Kayojtaj na ri Dios rukꞌ we winaq riꞌ xuqujeꞌ kabꞌan na kꞌax che rumal Areꞌ. Qas kunaꞌ na ri kꞌax ri man unaꞌom taj pa ri qꞌaqꞌ ri yaꞌtal azufre chupam. Ri alaj Chij xuqujeꞌ ri rangelibꞌ kakil na we kꞌulmatajik riꞌ.

K'iche'

¹⁰ ri winak ri' cutij na re ri vino rech ri nimalaj c'äjisabal wächaj ri cuya na ri Dios, ri man c'o tä jas yujtal ruc', xane sibalaj c'o u chuk'ab, ri k'ijom pa ri vaso rech ri nimalaj royowal. Cäban na c'äx che ruc' k'ak', xukuje' ruc' azufre chquiwäch ri ángeles rech ri Dios xukuje' chuwäch ri Alaj Chij.

K'iche' (New Orthography)

¹⁰ ri winaq ri' kutij na re ri vino rech ri nimalaj k'äjisab'al wächaj ri kuya na ri Dios, ri man k'o tä jas yujtal ruk', xane sib'alaj k'o u chuq'ab', ri q'ijom pa ri vaso rech ri nimalaj royowal. Käb'an na k'äx che ruk' q'aq', xuquje' ruk' azufre chkiwäch ri ángeles rech ri Dios xuquje' chuwäch ri Alaj Chij.

Apocalipsis 14:10 ပူးပေါင်းရင်းမြစ်များ

Chapletajic 19:24

ri Ajawaxel xujabij k'ak' xukuje' asupre jacha' ri jäb puwi' ri Sodom, xukuje' ri Gomor,

Ri Job 18:15

Cät'ik k'ak' che ri rachoch; cajopix na asubre chquipam tak ri rulew.

Ri Job 21:20

Rajawaxic c'ut are' ri cäc'äjisax u wäch rumal ri royowal ri c'o ronojel u cuinem.

Salmib 11:6

Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!

Salmib 37:34

Chicu'ba' a c'u'x chrij ri Ajawaxel, chatniman c'u che, cunimarisaj c'u na a k'ij, cuya' na ri ulew jacha' che awechbal. Cuc' ri a bak'wäch cawil na ri quesaxic bic ri e banal tak etzelal.

Salmib 52:6

Ri queniman che ri Dios cäquil na wa', cäquixe'j c'u na quib, cäquitze'j c'u na u wäch we achi ri', je caquibij wa':

Salmib 60:3

Oc'owisam ri tinimit la pa nimak tak c'axc'olil; yo'm la jun u wa'l uva chke pa tijic ri cäch'ujirisanic;

Salmib 73:10

Rumal ri' cäya' qui k'ij cumal ri winak, man c'o ta c'u jun il cäquirik ta chquij.

Salmib 75:8

Ri Ajawaxel c'o ri u q'uiakbal ri royowal pa u k'ab nojinak che u wa'l uva ri yujtalic xukuje' k'obisam, aretak cutix we u wa'l uva ri' conojel ri banal tak etzelal ri e c'o cho ri uwächulew cäcuq'uiaj na ri q'uisbal jutz'ut.

Salmib 91:8

Xuwi c'u cawil na: quebawil na ri banal tak etzelal cäquic'am ri tojbal re ri quetzelal jas ri takal chque.

Ri Isaiy 29:9

¡Chixtakenok ix ix taquib! ¡Chixtakenok ix moyab, man c'o ta jas quiwilo! ¡Chitakej na bak'otem jacha' k'abarelab, pune' man c'o tzam i tijom!

Ri Isaiy 30:33

Sibalaj ojer suc'umam ulok che ri Asiriy xukuje' che ri rajawinel jun c'olbal re c'axc'ol ri nim u wäch xukuje' naj u pam, jun k'ak' nicowisam ri yo'm sibalaj si' chupam. Are ri ruxlab ri Ajawaxel cänicowisan na jacha' jun nima' re asubre.

Ri Isaiy 34:9

Ri nima' ri e c'o pa Edom quebux na k'ol, ri puc'uc' ulew ri c'o chila' cux na asubre ri ulew cäc'at na jacha' k'ol.

Ri Isaiy 51:17

Chatc'astajok, chatc'astajok Jerusalen, chatwalijok. Ri at xach'ij ri royowal ri Ajawaxel jacha' ri winak ri cukumuj ri c'o pa jun kumubal, cukumuj c'u ronojel ri c'o chupam, c'ä cäk'abar na.

Ri Jeremiy 25:27

Xubij c'ut ri Ajawaxel chwe: “Chabij chque in, ri Ajawaxel ri c'o ronojel u cuinem, ri u Dios ri Israel, quixintako chi chixuq'uianok c'ä chixk'abar na chixxaw c'ut chixtzak c'u cho ri ulew rech man quixwalij ta chic u mac rech ri ch'o'j ri quintak na piwi'.

Ri Jeremiy 49:12

Je c'u wa cubij ri Ajawaxel: “We ri winak ri man takal ta u c'äjisaxic qui wäch, cäcuq'uiaj c'u na ri c'äjisabal qui wäch, man cuya' ta c'ut chi catcanaj ta at chi ma ta chc'äjisax a wäch, xane' cawuq'uiaj na awech.

Ri Jeremiy 51:57

Ri Ajawinel, ri Ajawaxel ri c'o ronojel u cuinem cujiquiba' u bixic: “Quebenk'abarisaj na ri e c'amal tak u be ri Babilon, xukuje' ri e rajno'jab tak, ri e u takanelab, ri e u k'atal tak tzij, xukuje' tak ri rajch'ojab, quekaj na pa jun waram junalic ri man quec'astaj ta chi wi na.

Juyuwem 4:21

¡Chattzenok, chatjajatok, nim tinimit aj Edom; at ri catajawin chupam ri rulew ri Uz! ¡Xukuje' chawe at copan wi na ri jutrik' c'ayil, cätux c'u na can k'abarel xukuje' ch'analic!

Ri Ezequiel 20:48

Ronojel c'ut ri uwächulew caril na chi in ri Ajawaxel, ri xt'ikowic. Are c'u ri k'ak' man cächup taj.’ ”

Ri Habacuc 2:16

Che u q'uexwäch ri u nimarisaxic a k'ij, catch'ukutaj na che q'uixbal, rumal rech chi ri Ajawaxel cuya' na chawe chi cawuq'uiaj jun kumubal ri cac'utuw na chi man cojom ta awetal re ri kopinic ruc' ch'ich' xukuje' catuq'uex na pa juluwem.

Ri Matey 20:22

Ri Jesus xutzelej u bixic: “Man iweta'm taj jas ri qui tz'onoj. ¿La quixcuin che u kumuxic iwe ri kumubal re c'ayil ri quinwuq'uiaj in?” Ri e are xquibij: “Cujcuinic.”

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Ri Matey 26:39

Ri Jesus xnabej apan jubik', xxuquic, xukasaj ri u palaj cho ri ulew. Xuban ch'awem ruc' Dios, xubij: “Nu Tat, we cuya'o, xak choc'ow we uq'uiabal re c'axc'olil ri' chwe. Man are ta c'ut jas ri quinwaj, xane' are jas ri caj la.”

Marcos 8:38

We c'o jachin jun caq'uix chwe xukuje' che ri nu tijonic chquiwäch we winak ri' ri man e jic taj xukuje' e ajmaquib, xukuje' ri Rija'l Winak caq'uix na che aretak chpetic rachil ri u juluwem ri u Tat xukuje' e rachil ri tastalic tak tako'nib aj caj.”

Hechos 10:22

Ri e are' xquitzelej u bixic che: “Ri Cornel, are' ri qui nimal jun sient ajch'ojab. Are' suc'alaj achi ri cuna' rib chuwäch ri Dios, utz u tzijol cumal conojel ri aj judeyib. Are' xujtakow ulok. Xbix che rumal jun tako'n aj caj, chi catakan che siq'uixic la rech cabe la cho rachoch chutatabej c'ut ri cabij na la che.”

U Camulixic ri Pixab 29:23

cäquil c'u na chi ronojel ri ulew xa asubre chic, xa atz'am chic xukuje' c'atinak ulew. Man c'o ta chi jas cuya' cätic pa we ulew ri'. Man cuya' ta chic u wächinic mawi k'ayes cäq'uiy chi chuwäch, jas ri xc'ulmatajic aretak xeporox tak ri tinimit re Sodom, re Gomor, ri Adma xukuje' ri Zeboim, ri xsachisax qui wäch rumal ri Ajawaxel pa ri u k'ak'al ri royowal.

2 Tesalonicenses 1:7

Are' c'u ri chiwe ix ri i rikom c'axc'olil, cuya' na uxlanem chiwe junam kuc', aretak ri Ajaw Jesus cäpe ulok chicaj, cuc'ut rib chkawäch e rachilam ri u tako'nib aj caj ri c'o qui chuk'ab. Cäpe na pa u xak k'ak',

Ri Juds 1:7

Je jas ri Sodom xukuje' Gomor xukuje' ri tinimit ri e sutininak quij, xquiban que jas ri xquiban ri e tako'nib aj caj ri man xeniman taj. Xquiban macunic cuc' ixokib achijab, xukuje' xec'am bic cumal itzel tak rayinic ri man ya'tal ta u banic. Xecoj che c'ambal no'j chi c'o c'äjisabal qui wäch pa ri junalic k'ak'.

Apocalipsis 15:7

Jun c'ut chque ri quiejeb awaj xuya' chque ri wukub tako'nib aj caj wukub lak re k'an puak. E nojinak ri lak che ri royowal ri Dios, ri c'asal amak'el chbe k'ij sak.

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 18:3

Rumal ri u wa'l u uva conojel ri nimak tak tinimit xek'abar ruc' ri u rayixic ri u macunic. Ri ajawinelab aj uwächulew qui banom macunic ruc'. Ri ajc'ayib re ri uwächulew e k'inomarinak rumal ri u chuk'ab ri u k'inomal.”

Apocalipsis 18:6

Chiya' che jas ri u yo'm are' chque niq'uiaj chic, chicamulij ri rajil u q'uexel chiya' che. Chiyuju' jun uq'uia' che ri camul k'obisam chuwäch ri xuyuj chque niq'uiaj chic;

Apocalipsis 19:15

Pa ri u chi' quel wi jun t'ist'icalaj ch'ich' re ch'o'j, che qui soquic ri nimak tak tinimit. Ri are' cätakan paquiwi' ruc' jun bara' re räx ch'ich'. Cutac'alej ri pitz'bal uva re ri u wa'l uva re ri royowal ri Dios aretak cuc'äjisaj qui wäch tak ri tinimit rumal ri Dios ri c'o ronojel cuinem ruc'.

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 20:14

Ri cämical xukuje' ri qui c'olbal ri cäminakib xeq'uiak pa ri cho re k'ak'. Ri cho re k'ak' ri' are wa' ri ucab cämical.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”