Apocalipsis 13:7 - Quiché Bible

⁷ Xya' che chi cuban ch'o'j cuc' ri tastalic tak winak aj Dios quebuch'äc c'ut. Xya' c'u takanic pa u k'ab paquiwi' conojel amak', xukuje' winak, xukuje' ch'abal, xukuje' nimak tak tinimit.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Ri nimalaj awaj xuqujeꞌ xyaꞌtaj bꞌe che kachꞌoꞌjin kukꞌ ri utinimit ri Dios, xchꞌeken kꞌu chike. Xyaꞌtaj xuqujeꞌ bꞌe che kabꞌan rech puꞌwiꞌ konojel ri e nitzꞌ xuqujeꞌ ri e nimaq taq tinimit, puꞌwiꞌ ri winaq ri kakitzijobꞌej jaljoj taq tzijobꞌal.

K'iche'

⁷ Xukuje' xyi' che chi cäch'ojin cuc' ri winak ri e rech ri Dios c'ä queuch'ac na. Xukuje' xyi' takanic pu k'ab chi cätakan pa qui wi' conojel qui wäch winak cho ruwächulew, winak ri jalajoj tak qui tinimit, winak ri jalajoj quech'awic, xukuje' winak ri jalajoj queca'yic.

K'iche' (New Orthography)

⁷ Xuquje' xyi' che chi käch'ojin kuk' ri winaq ri e rech ri Dios k'ä keuch'ak na. Xuquje' xyi' taqanik pu q'ab' chi kätaqan pa ki wi' konojel ki wäch winaq cho ruwächulew, winaq ri jalajoj taq ki tinimit, winaq ri jalajoj kech'awik, xuquje' winaq ri jalajoj keka'yik.

Apocalipsis 13:7 ပူးပေါင်းရင်းမြစ်များ

Elem 9:16

c'ä at nu c'asbam c'ut rech cäwil ri nu cuinem xukuje' rech quinc'ut wib cho ronojel ri uwächulew.

Ri Isaiy 10:15

¿La cäcuin ta c'u lo ri icäj cuchomaj rib chi nim na u k'ij chuwäch ri cäcojowic? ¿Ri ramibal chuwäch ri casalabisanic? ¡Jacha' ri ch'ämiy ri xa' jun che' are ta cäsalabisan ri achi ri c'amowinak bic!

Ri Isaiy 37:26

¿La ma ta c'u aweta'm chi in ri Ajawaxel, ri u chomam qui banic we jastak ri'? Kas ojer ulok nu chomam ulok qui banic we jastak ri', camic c'ut nu banom ri nu chomam ulok rumal ri' ri at casach qui wäch ri tinimit tak ri sutim quij che nimak tak tapia caban can jutak mulaj ch'akatak tak xan chque.

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Daniel 12:1

“ ‘Pa we jok'otaj ri' cätac'atob na ri Miquel, ri tako'n aj caj to'banel ri sibalaj nim u banic ri to'banel ri cuto' na ri a tinimit. Cux na jun jok'otaj re c'axc'ol, jun jok'otaj ri man c'o ta chi jun ri junam ta ruc' tzä aretak e c'olinak ulok ri nimak tak tinimit. Aretak chupam we jok'otaj ri' quecolotaj na conojel ri winak ri e re ri a tinimit ri tz'ibatal ri qui bi' chupam ri wuj.

Ri Daniel 7:21

Xinwil c'ut chi we uc'a' ri' xutij u chuk'ab ruc' ri u tinimit ri Dios, cuch'äc c'ut,

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Lucax 4:6

Xubij c'u ri itzel che: “Quebenya' conojel ri takanic pa a k'ab, quinya' ronojel ri qui juluwem chawe. E jachom chwe in, quebenya' che jachin ri quinwaj quinya' wi.”

Ri Xuan 19:11

Ri Jesus xutzelej u bixic che: “Ma ta c'o takanic la ri' panuwi', we ta ma ta cäyataj che la rumal ri Dios. Rumal ri', c'o na nim u mac ri jun ri xinujach pa k'ab la.”

Apocalipsis 10:11

Xbix c'u chwe: “Rajawaxic chi catzijoj chi jumul ri u tzij ri Dios chque e q'ui winak, xukuje' chque e q'ui nimak tak tinimit, xukuje' chque e q'ui ch'abal, xukuje' chque e q'ui ajawinelab.”

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Apocalipsis 11:7

Aretak qui tz'akatisam chic ri qui k'alajisanic, ri xibibal awaj ri cäpaki' ulok pa ri jul re ri k'ekumalaj c'olbal cäch'ojin na cuc', quebuch'äc na, quebucämisaj c'u na.

Apocalipsis 12:17

Xpe c'u royowal ri dragon chrij ri ixok. Xbe c'u che ch'ojinic chquij ri niq'uiaj e rija'l chic, ri qui nimam u banic ri u takanic ri Dios, jekel c'ut ri u k'alajisanic ri Jesus cuc'.

Apocalipsis 17:15

Ri tako'n aj caj xubij c'u chwe: “Ri ja' ri e awilom jawije' ri t'uyul wi ri ixok quech nim ch'utin, are e winakil, e q'uialaj winak, e nimak tak tinimit xukuje' e ch'abal.

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.