Apocalipsis 13:14 - Quiché Bible

¹⁴ Ri xibibal awaj xebuban ri etal ri yo'm che chi quebuban chuwäch ri nabe xibibal awaj. Jeri' chi xebusub ri e jekel cho ri uwächulew. Xubij c'u chque ri winak chi chquibana' ri u wächbal ri nabe xibibal awaj, ri c'o u socotajic re ch'ich' re ch'o'j u takem c'u c'aslem.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ We nimalaj awaj riꞌ xuꞌtaqchiꞌj ri winaq aꞌj uwachulew rech kakibꞌan jun tzaq jetaq ri kakaꞌy ri nabꞌe nimalaj awaj, are waꞌ ri awaj ri xkamisaxik chi sakꞌibꞌal kꞌa te riꞌ xkꞌastaj chi loq junmul.

K'iche'

¹⁴ Rumal c'u ri cajmabal tak etal ri xyi' che chi cuban chuwäch ri nabe xibibalalaj awaj, xeusub ri winak ri e c'o cho ruwächulew. Xeutak c'u chubanic jun u wächbal ri nabe xibibalalaj awaj ri pune xsoc che machete, xc'asi c'ut.

K'iche' (New Orthography)

¹⁴ Rumal k'u ri kajmab'al taq etal ri xyi' che chi kub'an chuwäch ri nab'e xib'ib'alalaj awaj, xeusub' ri winaq ri e k'o cho ruwächulew. Xeutaq k'u chub'anik jun u wächb'al ri nab'e xib'ib'alalaj awaj ri pune xsok che machete, xk'asi k'ut.

Apocalipsis 13:14 ပူးပေါင်းရင်းမြစ်များ

Ucab Ajawinelab 20:7

Ri Isaiy xutak quipuk'ic higo, xban c'ut xcoj c'u che ri ajawinel jawije' c'o wi ri yabil che, xcunataj c'ut ri ajawinel.

Ucab Ajawinelab 22:20

Rumal c'u ri', quinya' na chawe chi catcäm pa jamaril, carika' c'u na awib cuc' ri e a mam, man cawil ta c'u na ri u q'ueyowal ri quinwerej na ulok puwi' we c'olbal ri'.’ ” Ri e u tako'n ri ajawinel xetzelejic rech caquic'am bic che ri xtzelex u bixic.

Ucab Tzijobelil 18:21

ri uxlabal xutzelej u bixic chi queruxlabaj banoj tak tzij pa ri canima' conojel ri e k'axal u tzij ri ajawinel. Xubij c'ut ri Ajawaxel che chi, kas cäticar na che u subic, jät c'u che u banic.

Ri Job 12:16

Ri u cuinem amak'el cuya' ri ch'äcanic. Ri subutajinak xukuje' ri cäsubunic e c'o chuxe' ri u takanic.

Elem 7:11

Xtakan c'u ri ajawinel che qui siq'uixic ri e u ch'obonelab xukuje' ri rajk'ijab, xquiban c'u que ri mayibal ruc' ri qui tzibal:

Ri Isaiy 44:20

Kastzij, xak junam wa' ruc' ri u tijic chaj. Xa cäquiya' quib pa subic pa jech'alaj tak chomanic. We winak ri' man cuya' taj quecolotajic. Man quecuin ta cäquich'obo chi ri c'o pa qui k'ab xa subunel.

Ri Ezequiel 14:9

We c'u jun k'axal tzij cuya' jun subunelalaj tzijol, xa' in ri Ajawaxel xinsub we u cawäch k'axal nu tzij ri'; ri in quinwalijisaj ri nu k'ab che u c'äjisaxic u wäch quinwesaj na pa ri nu tinimit Israel.

Ri Ezequiel 16:17

Xebac'am tak ri a wikbal re k'an puak, re sak puak ri nu sipam chawe, xebaban qui wächbal tak winak xatux junam cuc' ri cäc'ucaj quib cuc' achijab ixokib che qui banic macunic;

Ri Ezequiel 8:10

Xinoc bic, che ronojel ri u rabic ri nimalaj tapia, xebenwil ronojel qui wäch tz'ilalaj tak awaj ri e k'obisam chuwäch, cumätz, xpek, xukuje' niq'uiaj tak awaj chic ri e je tak wa', xukuje' ronojel qui wäch tak ri qui diosib che ri tinimit Israel.

Ri Daniel 11:36

Ri ajawinel ri c'o pa elebal k'ij cuban na ronojel ri cäpe pa u jolom. Sibalaj nim ri nimal ri cäc'amowic chi cuna' na rib chi c'o na u k'ij chquiwäch conojel ri diosib, quebubij c'u na xibibalalaj tak yok'obal che u yok'ic ri kas Dios; ronojel c'ut ri cubano utz quel na chuwäch, c'ä cutak na ulok ri Dios ri c'äjisabal u wäch; rumal rech chi ri cuban c'u na ri Dios, cuban na.

2 Tesalonicenses 2:4

Ri are' cuc'ulelaj xukuje' cuwalijisaj rib chrij ronojel ri re ri Dios xukuje' chrij ronojel ri cäk'ijilaxic. Je cubano rech cät'uyi' na pa ri rachoch Dios, je ta ne Dios, cuc'ut na rib chi are Dios.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Apocalipsis 13:1

Xinwil c'u jun xibibal awaj ri xpaki' ulok xel ulok pa ri plo. C'o lajuj ruc'a' xukuje' wukub u jolom. E c'o corona' paquiwi' tak ri ruc'a'. Cho tak ri u jolom e c'o bi'aj ri queyok'on che ri Dios.

Apocalipsis 13:15

Xya' cuinem che chi cuc'asba' ri u wächbal ri nabe xibibal awaj, rech cätzijonic, cuban c'u na chi quecämisax conojel ri man cacajtaj caquik'ijilaj ri wächbal.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Apocalipsis 14:11

Ri u sibal ri quiriko c'ax cäpaki' amak'el chbe k'ij sak, man c'o ta uxlanem mawi pa k'ij mawi chak'ab chque ri cäquik'ijilaj ri itzel awaj xukuje' ri u wächbal, quic'amom c'ut ri retal ri u bi'.”

Apocalipsis 14:9

Jun urox tako'n aj caj xterenenic, xubij ruc' chuk'ab: “We c'o jun cuk'ijilaj ri itzel awaj xukuje' ri u wächbal, cumaj c'ut u c'amic retal cho ri u metz'al ri u palaj o che ri u k'ab,

Apocalipsis 15:2

Xinwil c'ut je ta ne jun cho re cha ri cajuluwic ri yujutal k'ak' ruc'. Ri e ch'äcaninak puwi' ri itzel awaj, puwi' ri u wächbal, xukuje' puwi' ri rajilabal ri u bi', e tac'atoj puwi' ri cho re cha. E cuc'am tak ri e u arp ri Dios.

Apocalipsis 16:13

Xinwilo chi quebel ulok pa u chi' ri dragon, pa u chi' ri itzel awaj, xukuje' pa u chi' ri u jalum rib chi k'axal tzij, oxib tz'ilalaj tak uxlabal e je jas ri xtutz'.

Apocalipsis 16:2

Xbe ri nabe tako'n aj caj, xuk'ij ri u lak puwi' ri uwächulew. Xpe c'u jun itzelalaj ch'a'c sibalaj c'ax chque ri winak ri qui c'amom ri retal ri itzel awaj xukuje' chque ri cäquik'ijilaj ri u wächbal.

Apocalipsis 18:23

Ri u sakil jun chäj man cäjuluw ta chic awuc'. Man cätataj ta chi awuc' ri u ch'abal ri ach'ajilaxel mawi ri lok'om pataninel. Ri e ajc'ayib ri xebel bic iwuc' nabe canok e are' ri nimak na qui k'ij cho ri uwächulew, xebasub conojel ri nimak tak tinimit cumal tak ri e awitzinic.”

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 3:10

Animam ri nu takomal chi chatux coch'onel, rumal ri' catinto' na pa ri jok'otaj re ri c'axalaj c'ambejenic ri cäpe na puwi' ronojel ri uwächulew che qui c'ambejexic conojel ri e jekel cho ri uwächulew.