Apocalipsis 13:10 - Quiché Bible

¹⁰ We c'o jun cäc'am bic pa chapbal, pa chapbal cäbe wi na. We c'o jun cäcämisan che ch'ich' re ch'o'j, rajawaxic chi cäcämisax na che ch'ich' re ch'o'j.” Che wa' cajwataj wi ri quicoch'onic xukuje' ri quijiquil ri e tastalic tak winak aj Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri winaq ri kakꞌam na bꞌik pa cheꞌ, kakꞌam na bꞌik riꞌ. Ri kakamisan na chi sakꞌibꞌal, chi sakꞌibꞌal riꞌ kakamisax na. Are waꞌ ri kakꞌutuwik chi ri kojonelabꞌ jas jeqel kikꞌuꞌx chirij ri Dios.

K'iche'

¹⁰ Ri winak ri quequichap bi niq'uiaj winak chic, ri e are' c'ut quechap na bic xukuje'. Ri winak ri cäquicämisaj niq'uiaj winak chic ruc' machete, ri e are' c'ut quecämisax na ruc' machete xukuje'. Rumal ri' ri winak ri e rech ri Dios rajwaxic cäquichajij paciencia xukuje' rajwaxic chi kas quecojon che ri Dios.

K'iche' (New Orthography)

¹⁰ Ri winaq ri kekichap b'i nik'iaj winaq chik, ri e are' k'ut kechap na b'ik xuquje'. Ri winaq ri käkikämisaj nik'iaj winaq chik ruk' machete, ri e are' k'ut kekämisax na ruk' machete xuquje'. Rumal ri' ri winaq ri e rech ri Dios rajwaxik käkichajij paciencia xuquje' rajwaxik chi qas kekojon che ri Dios.

Apocalipsis 13:10 ပူးပေါင်းရင်းမြစ်များ

Ri Isaiy 14:2

E q'ui nimak tak tinimit quec'amow na ri aj israelib, quecachilaj c'u bic c'ä pa ri qui tinimit, are c'u ri aj israelib quequic'am na ri e are' che pataninelab quech pa ri rulew ri Ajawaxel. Ri aj israelib quequiyut na bic ri xeyutuw ri e are' nabe, quetakan na paquiwi' ri xetakan paquiwi' ri e are' nabe.

Ri Isaiy 26:21

Quel c'u ulok ri Ajawaxel jekel chupam ri nimalaj rachoch che u c'äjisaxic qui wäch qui mac ri qui mac ri e cho ri uwächulew, ri ulew man quebuc'u' ta chi na ri e u cäminakib, xane' queresaj ulok chisak ri etzelal ri e banom chuwäch.

Ri Isaiy 33:1

¡Tok'ob a wäch, etzelanel ri maja' catetzelaxic jachinel quieb a wäch ri c'ä maja' catjachic! Aretak caq'uis etzelanic, catetzelax na, aretak cäq'uis jachinel catjach na.

Ri Jeremiy 15:2

We c'u ne caquicot a chi' jawije' ri quebe wi na, chabij wa' chque ri quinbij: ‘Ri xya' u bixic chi quecäm rumal cämisanel yabilal quecäm na rumal cämisanel yabilal; ri xya' u bixic chi quecäm chupam ri ch'o'j, chupam ri ch'o'j quecäm wi na, ri xya' u bixic chi quecäm rumal wi'jal, rumal wi'jal quecäm na; ri xya' u bixic chi quec'am na bic pa jun ulew chic, quec'am na bic pa jun ulew chic.’

Ri Jeremiy 43:11

Ri are' cäpe na cusachisaj c'u na u wäch ri ulew re Ejipt. Ri q'uiakom paquiwi' chi quecämic, quecäm na; ri q'uiakom paquiwi' chi quec'am na bic pa jun ulew chic quec'am na bic pa jun ulew chic; ri q'uiakom paquiwi' chi quecäm na pa ri ch'o'j, quecäm na pa ri ch'o'j.

Juyuwem 3:26

Are utz na cakeyej ri u to'banic ri Ajawaxel man ruc' ta ch'ach'atem.

Ri Habacuc 2:3

C'ä maja' c'u ne copan ri k'ijol ri chetz'akat we c'utwächinic ri'; ma ta c'u ne ma ta chetz'akatok. At chateyenok, pune' cabeytajic, copan c'u na ri k'ijol ri rajawaxic.

Ri Matey 26:52

Ri Jesus xubij che: “Chatzelej ri a ch'ich' pa ri c'olbal rech. Conojel c'ut ri cäquicoj ch'ich', che ch'ich' quecämisax wi.

Ri Matey 7:2

Je c'ut jas quiban ix che u k'atic tzij paquiwi' jule' chic, je cäban na chiwe ix, cak'at na tzij piwi', jas ri pajbal xicoj ix, je cäcoj na chiwe.

Ri Lucax 21:19

We co quixtaq'ui'c, quixcolotaj na.

Colosenses 1:11

Cäkata' che ri Dios chi cuya' i chuk'ab ruc' ri nimalaj u cuinem ri u juluwem. Jeri' quixcuin che u ch'ijic ronojel c'ax, quicuy ronojel ri cäban chiwe.

Hebreos 6:12

rech man quixux ta sak'orib, xane' chi quiban iwe jas ri cäquiban ri winak ri c'o qui cojonic, cäquich'ij c'u ri c'ax, cäquechbej c'u ri u bim ri Dios chi cuya' na chque.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Apocalipsis 14:12

Chi' quil wi, ri quicoch'onic ri tastalic tak winak ri quequinimaj ri u takanic ri Dios xukuje' ri cojonic che ri Jesus.

Apocalipsis 16:6

U mac rech chi we winak ri' xquituruwisaj ri qui quiq'uel ri tastalic tak winak aj Dios, xukuje' ri quech ri e k'axal tzij, yo'm c'u la quic' chque pa u q'uiaxic. ¡Takal c'u chque!”

Apocalipsis 17:11

Ri itzel awaj ri xc'oji' canok, xukuje' man c'o ta chic, are uwajxak ajawinel wa'. Are c'u jun chque ri wukub, cäbe c'u na pa ri sachbal u wäch.

Apocalipsis 17:8

Ri itzel awaj ri awilom ri xc'oji' canok, man c'o ta chi c'ut. Chanim cuban pakalem ulok pa ri jul re ri k'ekumalaj c'olbal, cäsach c'u na u wäch. Ri e jekel cho ri uwächulew, ri man tz'ibatal ta ri qui bi' pa ri wuj re ri c'aslemal kas pa ri u tiquiritajic ri uwächulew, ri e are' quemayin na aretak cäquil ri itzel awaj, chi xc'oji' canok man c'o ta chi c'ut cäc'oji' chi c'u na.

Apocalipsis 2:19

Weta'm jas ri a chac cabano. Weta'm ri lok'ok'ebal a c'u'x xukuje' ri a cojonic. Weta'm chi catpataninic xukuje' a coch'om ri c'ax, chi e q'ui na ri e a chac camic chuwäch ri nabe.

Apocalipsis 2:2

E weta'm ri e a chac, ri e c'axalaj a chac, xukuje' ri a ch'ijonic, weta'm chi man quebak'i taj ri itzel tak winak. Weta'm chi xebanic'oj ri cäquibij quib chi e takom, man e je ta c'ut. Xebanic'oj c'ut chi e banal tak tzij.

Apocalipsis 3:10

Animam ri nu takomal chi chatux coch'onel, rumal ri' catinto' na pa ri jok'otaj re ri c'axalaj c'ambejenic ri cäpe na puwi' ronojel ri uwächulew che qui c'ambejexic conojel ri e jekel cho ri uwächulew.

Apocalipsis 3:3

Chnataj ba chawe ri tzij ri a c'amom xukuje' ri a tom; chabana', chaq'uexa' ri a c'u'x. We c'u man catc'asc'atic, quinpe awuc' jacha' ta ne jun eläk'om, man c'o ta canabej jachique jok'otaj quinpe awuc'.