Apocalipsis 12:9 - Quiché Bible

⁹ Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Jeriꞌ xbꞌan chi resaxik bꞌik ri kumatz, ri ojer kumatz ri ubꞌiꞌnaꞌm Itzel, are waꞌ ri kuꞌmenkꞌetij konojel ri winaq cho ri uwachulew, ri rangelibꞌ xekꞌyaq xuqujeꞌ loq pa ri ulew.

K'iche'

⁹ Xesax c'u lok ri nimalaj itzel cumätz, ri ojer cumätz ri cäbix Itzel xukuje' Satanás che ru bi'. Are c'u wa' ri queusub ri winak cho ronojel ruwächulew. Ri are' junam cuc' ri ángeles rech ri are' xeq'uiäk lok cho ruwächulew.

K'iche' (New Orthography)

⁹ Xesax k'u loq ri nimalaj itzel kumätz, ri ojer kumätz ri käb'ix Itzel xuquje' Satanás che ru b'i'. Are k'u wa' ri keusub' ri winaq cho ronojel ruwächulew. Ri are' junam kuk' ri ángeles rech ri are' xek'iäq loq cho ruwächulew.

Apocalipsis 12:9 ပူးပေါင်းရင်းမြစ်များ

Chapletajic 3:1

Ri cumätz are c'o na u no'j chquiwäch conojel ri juyubal tak awaj ri e u banom ri Ajawaxel Dios, xuc'ot c'u u chi' ri ixok: “¿La u bim ri Dios chiwe chi man quitij taj ri qui wäch ri che' ri e c'o pa ri ticonijibal?”

Chapletajic 3:13

Ri Ajawaxel Dios xuc'ot chi u chi' ri ixok, xubij che: “¿Jas ri a banom?” Ri ixok xubij che ri Dios: “Xinusub ri cumätz, rumal ri' xintij ri u wäch ri che'.”

Nabe Tzijobelil 21:1

Ri tako'n tzujunel xuwalijisaj rib chquij ri aj Israel xucoj c'u u c'u'x ri David chi che rajilaj ri aj israelib.

Ucab Tzijobelil 18:21

ri uxlabal xutzelej u bixic chi queruxlabaj banoj tak tzij pa ri canima' conojel ri e k'axal u tzij ri ajawinel. Xubij c'ut ri Ajawaxel che chi, kas cäticar na che u subic, jät c'u che u banic.

Salmib 109:6

Cojo' la jun banal etzelal che u k'atal tzij, kas are' c'u ri cojol u tzij chc'okowok;

Ri Isaiy 14:12

¡C'ax ri xac'ulmaj xattzak ulok chicaj ch'imil re ri u sakaric! Xatq'uiak ulok cho ri ulew, at ri quebach'äc ri nimak tak tinimit.

Ri Isaiy 27:1

Pa ri k'ij ri' ri Ajawaxel cuc'äjisaj na u wäch ruc' ri u ch'ich' re ch'o'j ri xibibal, ri sibalaj nim ri xukuje' c'o u chuk'ab, ri Lebiatan, ri cumätz ri sotolic, ri Lebiatan, ri cumätz ri c'osq'uic rij, xukuje' cucämisaj na ri dragon ri c'o pa ri plo.

Ri Isaiy 65:25

Ri utiw xukuje' ri alaj ama' chij junam quewa' na, ri coj cutij na k'ayes jacha' ri wacax, are c'u ri cumätz ulew cutzukbej na rib. Pa ronojel ri tastalicalaj nu juyub, man c'o ta jachin cuban na winak chi'.” Ri Ajawaxel are bininak.

Ri Ezequiel 28:16

Rumal ri qui q'uiyal tak ri a c'ay xatnoj che qui banic tak tokinic xukuje' che macunic. Xatinwesaj c'u chnuwäch; xatinwesaj chupam ri u juyub ri Dios, are c'u ri aj cajalaj to'banel ri c'o u xic' ri xatchajinic xatresaj chquixo'l tak ri ch'imil.

Ri Matey 13:39

Ri u c'ulel ri rajaw ulew ri xutic ri itzel k'ayes are ri itzel. Ri k'atoj are ri u q'uisbalil ri uwächulew. Ri ajk'atolob are' ri e aj cajalaj tak tako'nib.

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Ri Matey 4:1

C'äte ri' ri Uxlabaxel xuc'am bic ri Jesus pa ri chaki'j uwo sak, rech cac'ambejex rumal ri itzel.

Ri Matey 4:10

Xubij c'u ri Jesus che: “¡Jät, Satanas! Tz'ibatal c'ut: ‘Chak'ijilaj ri Ajawaxel a Dios, xak xuwi c'u ri are capatanij.’ ”

Ri Matey 4:5

Ri itzel xuc'am bic chupam ri tastalicalaj tinimit Jerusalen, xuc'am c'u bic puwi' ri tz'ukutz'ic ri naj elinak chicaj puwi' ri rachoch Dios.

Ri Matey 4:8

Jumul chic ri itzel xuc'am bic puwi' jun juyub naj ak'aninak. Xebuc'ut conojel ri ajawibal ri e c'o cho ri uwächulew chuwäch ri Jesus, ruc' ri qui juluwem.

Ri Lucax 10:18

Ri Jesus xubij chque: “In xinwil ri Satanas, je jas jun caypa' xtzak ulok chicaj.

Ri Lucax 13:16

Are c'u we ixok ri', are rija'l ri Abraham. Chiwilampe', c'o chi wajxaklajuj junab yututal rumal ri Satanas. ¿La ma ta cuya' caquir pa ri k'ij re uxlanem?”

Ri Lucax 22:3

Xoc c'u ri Satanas pa ranima' ri Judas, ri cäbix Iscariot che, are jun chque ri cablajuj tijoxelab.

Ri Lucax 22:31

Xubij c'ut ri Ajawaxel: “Simon, Simon, chawilampe', ri Satanas xixuto rech quixya' che, rech quixuyicopisaj je jas cäban che ri trico.

Ri Lucax 8:12

Ri ija' ri xkaj pa ri be, are cuq'uexwächij ri winak ri cäquita' ri tzij, cäpe c'u ri itzel che resaxic ri tzij pa canima', rech man quecojon taj, man quecolotaj ta c'ut.

Ri Xuan 12:31

Camic ri k'ijol ri cäban ri k'atoj tzij puwi' we uwächulew ri'. Camic quesax na bic ri c'o u takanic puwi' we uwächulew ri'.

Ri Xuan 14:30

Man quintzijon ta chi na q'ui k'ijol iwuc'. Cätajin c'u copan ri u nimal we uwächulew ri'. Man c'o ta c'u u takanic panuwi' in.

Ri Xuan 16:11

ri k'atan tzij, chi c'okotajinak chic ri catakan puwi' we uwächulew ri'.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

Hechos 26:18

rech quebajak ri qui bak'wäch; rech quebel pa ri k'ek'um, quek'ax pa ri sakil; rech quebel chuxe' ri u cuinem ri Satanas, quek'ax ruc' ri Dios; rech cäquic'am jun quechbal cuc' ri banom tastalic tak winak chque rumal cojonic chwe in.’ ”

Hechos 5:3

Xubij ri Lu': “Ananiy, ¿jasche xnojisax ri awanima' rumal ri Satanas rech caban tzij chuwäch ri Ruxlabal ri Dios, xawesaj c'u can niq'uiaj che ri rajil ri ch'akap ulew?

Romanos 16:18

Ri e je tak wa' man cäquipatanij ta ri Crist Ajawaxel, xane' cäquibano jas ri cäcaj ri e are'. Ruc' ch'uch'ujalaj tak tzij xukuje' je'lalaj tak tzij quequisub ri winak ri man c'o ta quetamabal.

Romanos 16:20

Ri Dios aj jamaril, cuban na' chi cuxak'alej ri Satanas chuxe' ri iwakan. Ri u tok'ob ri Ajawaxel Jesus quixtewichinic.

2 Corintios 11:14

Man jalan ta c'u wa'. Are c'u ya' ri Satanas cujaluj rib che jun tako'n aj chicaj re sakil.

2 Corintios 11:3

Quinxe'j c'u wib chi je jacha' ri cumätz xusub ri Eva ruc' ri u nawinic, xukuje' ri ix quiya' iwib pa subic, quequitas ta c'u quib ri e i chomanic che ri ch'ajch'oj xukuje' ri jicalaj u k'ijilaxic ri Crist.

2 Corintios 12:7

Sibalaj mayibal c'u ri jastak ri e u c'utum ri Dios chnuwäch. Rumal ri' yo'm jun c'ax chwe je ta ne jun q'uix pa ri nu cuerp, rech man sibalaj quinnimarisaj ta wib. Are takom ulok wuc' rumal ri Satanas, ri je ta ne quinuch'ayo, rech man sibalaj quinnimarisaj ta wib.

2 Corintios 2:11

Jewa' rech man c'o ta jas cuch'äc ri Satanas chkij. Kas cäkach'ob c'ut ri u nawinic.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

Efesios 4:14

Rech man uj ac'alab ta chic. Man cujc'am ta chi bic apawije' rumal ronojel tijonic ri je cäpe quiakik'. Man cujkaj ta chic pa ri qui subunic ri winak ri quena'w che u bixic je'lalaj tak tzij, ri cäcaj cujquic'am bic pa jun be jalan chi wi.

2 Tesalonicenses 2:3

Mixsub rumal jachin jun. C'ä majok c'ut we k'ij ri' cäpe na ri u c'ulelaxic ri Dios, aretak cuc'utunisaj rib ri itzel winak, ri c'okotajinak che ri sachbal wächaj.

1 Timoteo 2:14

Xukuje' ri Adan man are ta ri xsubutajic, xane' are ri ixok xsubutajic, xtzak pa mac.

2 Timoteo 3:13

E are c'u ri e itzel tak winak, ri e subunelab, quenimataj na, cäquitakej na subunic, e subutajinak c'ut.

Hebreos 2:14

Jas ri alc'ualaxelab c'o qui ti'jal xukuje' c'o qui quiq'uel, xukuje' ri Jesus junam xuc'am re cuc'. Je xubano, rech rumal ri u cämical, cusach u wäch ri jun ri c'o u takanic puwi' ri cämical, are wa' ri itzel.

1 Pedro 5:8

Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

1 Juan 5:19

Keta'm chi ri uj, uj rech ri Dios. Ronojel c'u ri uwächulew c'o pa u k'ab ri itzel.

Ri Juds 1:9

Ri Miquel, ri c'amal qui be ri tako'nib, aretak xch'ojin ruc' ri itzel xukuje' xquichomala' rij ri u cuerp ri Moises, xuxe'j rib che u yaquic mac chrij ri itzel ruc' c'axalaj tak tzij, xane xubij: “Ri Ajawaxel chatyajowok.”

Apocalipsis 12:12

Rumal rech wa', chixquicotok, caj xukuje' ri ix ri ix jekel pa ri caj. ¡C'ax iwe ri ix ri ix c'o cho ri uwächulew xukuje' ri e c'o pa ri plo, rumal rech chi kajinak bic ri itzel iwuc', sibalaj c'o royowal! Reta'm c'ut chi xa quieb oxib k'ij chic c'olic.

Apocalipsis 12:3

Xilitaj chi jun etal pa ri caj: Xinwil jun nimalaj dragon quiäk rij, ri e c'o wukub u jolom, e c'o lajuj ruc'a', paquiwi' ri e u jolom e c'o wukub corona'.

Apocalipsis 12:7

Xban jun nimalaj ch'o'j pa ri caj. Are ri Miquel xukuje' ri u tako'nib aj caj xech'ojin ruc' ri dragon. Ri dragon xukuje' ri u tako'nib xech'ojinic,

Apocalipsis 12:8

man xech'äcan ta c'ut. Xukuje' mawi c'o chic qui c'olbal pa ri caj.

Apocalipsis 13:14

Ri xibibal awaj xebuban ri etal ri yo'm che chi quebuban chuwäch ri nabe xibibal awaj. Jeri' chi xebusub ri e jekel cho ri uwächulew. Xubij c'u chque ri winak chi chquibana' ri u wächbal ri nabe xibibal awaj, ri c'o u socotajic re ch'ich' re ch'o'j u takem c'u c'aslem.

Apocalipsis 16:14

E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.

Apocalipsis 18:2

Xurak u chi' ruc' cowilaj ch'abal, xubij: “Xtzakic, xtzak ri nimalaj Babilon. Xban che chi itzel tak uxlabal e jekel chila'. Xban che chi are c'olbal re ronojel tz'ilalaj uxlabal, re ronojel tz'ilalaj chicop ri c'o u xic ri quetzelax u wäch.

Apocalipsis 18:23

Ri u sakil jun chäj man cäjuluw ta chic awuc'. Man cätataj ta chi awuc' ri u ch'abal ri ach'ajilaxel mawi ri lok'om pataninel. Ri e ajc'ayib ri xebel bic iwuc' nabe canok e are' ri nimak na qui k'ij cho ri uwächulew, xebasub conojel ri nimak tak tinimit cumal tak ri e awitzinic.”

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Apocalipsis 2:13

Weta'm ri at jekel chila' jawije' ri c'o wi ri u tem ri Satanas re ajawibal. Pune' at c'o chila', man a tzokopim ta c'u ne ri nu bi', man awesam ta awib che ri a cojonic chwe. Xukuje' ne pa tak ri u k'ij ri Antips ri jicalaj nu k'alajisanel, ri xcämisax chixo'l, jawije' ri jekel wi ri Satanas.

Apocalipsis 2:24

Quinbij, chque ri e c'o pa Tiatir, conojel ri man qui terenem ta we tijonic ri', ri man quetamam ta ri jastak re ri Satanas, jas ri cäquibij e are'. Man quinya' ta chi c'u na jun eka'n chque;

Apocalipsis 2:9

Weta'm chi at c'o pa c'axc'olil, at meba', pune' c'ut at k'inom. Weta'm chi quixyok' cumal ri cäquibij quib chi e aj judeyib. Man e je ta c'ut, xane' e jun u comon ri Satanas.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 20:8

Quel c'u na ulok che qui subic ri nimak tak tinimit ri e c'o cho ronojel ri uwächulew ri Gog xukuje' ri Magog, quebumulij na che ri ch'o'j. Ri qui q'uiyal ri rajch'ojab, je jas ri sanyeb ri c'o chuchi' ri plo.

Apocalipsis 3:9

Chawilampe', quinban na chque ri e re ri u comon ri Satanas, ri cäquibij quib chi e aj judeyib, man e aj judeyib ta c'ut, xak c'u cäquiban tzij, chawilampe', quinban na chi quepetic, quexuqui' chquiwäch ri e awakan, cäquetamaj c'ut chi at nu lok'ok'em.

Apocalipsis 9:1

Ri uro' tako'n aj caj xrok'esaj ri u trompet. Xinwil c'u jun ch'imil ri xtzak ulok chicaj puwi' ri uwächulew. Xya' c'u ri lawe che re ri jul re ri k'ekumalaj c'olbal.

Apocalipsis 9:20

Ri jule' winak chic ri man xecämisax ta cumal we c'axc'olil ri', man xquiq'uex ta c'u ne ri qui c'u'x mawi xequitanaba' qui banic ri e itzel tak chac ri quequibano, mawi xquitanaba' ri qui k'ijilaxic ri itzel tak uxlabal xukuje' ri e diosib ri e re k'an puak, e re sak puak, e re k'an ch'ich', e re abaj xukuje' e re che'. Ri e diosib ri' man quecuin taj queca'yic, mawi quetanic, mawi quebinic.