Apocalipsis 12:3 - Quiché Bible

³ Xilitaj chi jun etal pa ri caj: Xinwil jun nimalaj dragon quiäk rij, ri e c'o wukub u jolom, e c'o lajuj ruc'a', paquiwi' ri e u jolom e c'o wukub corona'.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Xaq kꞌa teꞌ xukꞌut chi ribꞌ cho ri kaj jun nimalaj kyaqa kumatz ri kꞌo raqan ri sibꞌalaj xibꞌibꞌal, we kumatz riꞌ wuqubꞌ ujolom kꞌolik, lajuj rukꞌaꞌ, xuqujeꞌ pa ri ujolom kꞌo wuqubꞌ alaj taq nitzꞌ korona.

K'iche'

³ Te ri' xilitaj jun cajmabal etal chic cho ri caj. Are jun nimalaj itzel cumätz quiäk rij, wukub u jolom, lajuj ru c'a' c'olic. C'o c'u jujun corona pa qui wi' ri jujun u jolom.

K'iche' (New Orthography)

³ Te ri' xilitaj jun kajmab'al etal chik cho ri kaj. Are jun nimalaj itzel kumätz kiäq rij, wuqub' u jolom, lajuj ru k'a' k'olik. K'o k'u jujun corona pa ki wi' ri jujun u jolom.

Apocalipsis 12:3 ပူးပေါင်းရင်းမြစ်များ

Ri Isaiy 27:1

Pa ri k'ij ri' ri Ajawaxel cuc'äjisaj na u wäch ruc' ri u ch'ich' re ch'o'j ri xibibal, ri sibalaj nim ri xukuje' c'o u chuk'ab, ri Lebiatan, ri cumätz ri sotolic, ri Lebiatan, ri cumätz ri c'osq'uic rij, xukuje' cucämisaj na ri dragon ri c'o pa ri plo.

Ri Isaiy 51:9

C'astaj la, c'astaj la u k'ab ri Ajawaxel, cojo' la ri chuk'ab la c'astaj la jacha' ri xban la can nabe, pa ri ojer tak k'ijol. Lal xbanow la ch'akatak che ri Rahab ri nimalaj awaj aj plo;

Ri Isaiy 9:15

(Ri jolom are' cäquiq'uexwächij ri nimak tak tatayib xukuje' ri e c'amal tak be, ri je' are' cäquiq'uexwächij ri e k'axal tak tzij. Ri cäquic'ut banoj tak tzij.)

Ri Daniel 2:41

Xil la, xukuje' chi jun ch'akap chque ri e rakan xukuje' chque ri u wi' tak rakan re t'äc, ri ch'akap chic, re räx ch'ich'; ri quel cubij wa' chi ri ajawibal quieb u banom, pune' c'o jubik' u chuk'ab rumal ri räx ch'ich', xil la, chi ri räx ch'ich' yujtal ruc' t'äc.

Ri Daniel 2:42

Ri e u wi' tak ri rakan ch'akatak e re räx ch'ich' ch'akatak chic e re t'äc, ri quel cubij wa' chi ri ajawibal co xukuje' tuka'r.

Ri Daniel 7:20

Xukuje' xinwaj xinwetamaj chi jubik' ri quel cubij ri lajuj ruc'a', xukuje' ri quel cubij ri alaj uc'a' ri e c'o u bak'wäch xukuje' jun u chi' ri cäch'aw ruc' sibalaj nimal, je ta ne ri tza are' ta ri sibalaj nim na chquiwäch ri niq'uiaj uc'a' chic, e tzakinak c'u oxib uc'a' che u ya'ic c'olbal che.

Ri Daniel 7:24

Ri lajuj uc'a' e lajuj ajawinelab ri quebajawin na pa we ajawibal ri'. Chiquiwi' chi c'u wa' jun cäpaki' chi na ri man cäjunamataj ta cuc' ri nabe, quebukasaj c'u na oxib chque we ajawinelab ri'.

Apocalipsis 12:1

Xilitaj c'u jun nimalaj etal pa ri caj: Jun ixok u cojom ri k'ij che ratz'iak, c'o ri ic' chquixe' ri rakan, c'o jun corona' re cablajuj ch'imil che ri u jolom.

Apocalipsis 12:13

Are c'u ri awaj dragon, aretak xrilo chi xq'uiak bic cho ri uwächulew, xrokataj ri ixok ri xralc'ualaj ral ala.

Apocalipsis 12:17

Xpe c'u royowal ri dragon chrij ri ixok. Xbe c'u che ch'ojinic chquij ri niq'uiaj e rija'l chic, ri qui nimam u banic ri u takanic ri Dios, jekel c'ut ri u k'alajisanic ri Jesus cuc'.

Apocalipsis 12:4

Ri u je' xujuruj ri coxil ch'imil ri e c'o cho ri caj, xebuq'uiak ulok cho ri uwächulew. Ri dragon xuya' rib chuwäch ri ixok, ri xa co'l man calc'ualanic, chutijic ri ral ri ixok aretak cäralc'ualaj.

Apocalipsis 12:7

Xban jun nimalaj ch'o'j pa ri caj. Are ri Miquel xukuje' ri u tako'nib aj caj xech'ojin ruc' ri dragon. Ri dragon xukuje' ri u tako'nib xech'ojinic,

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Apocalipsis 13:1

Xinwil c'u jun xibibal awaj ri xpaki' ulok xel ulok pa ri plo. C'o lajuj ruc'a' xukuje' wukub u jolom. E c'o corona' paquiwi' tak ri ruc'a'. Cho tak ri u jolom e c'o bi'aj ri queyok'on che ri Dios.

Apocalipsis 13:2

Ri awaj ri xinwilo, are junam ruc' jun balam, ri rakan je jas ri rakan ri os, ri u pa u chi' je jas ri u pa u chi' ri coj. Ri dragon xuya' ri u cuinem, xuya' ri u tem re ajawibal, xukuje' nimalaj takanic che.

Apocalipsis 13:4

Xquik'ijilaj ri dragon rumal rech chi xuya' ri takanic che ri awaj. Xukuje' xquik'ijilaj ri awaj, xquibij: “¿Jachin ta lo junam ruc' ri xibibal awaj? ¿Jachin ta lo cäcuinic cäch'ojin ruc'?”

Apocalipsis 15:1

Xinwil jun etal chic pa ri caj, nim xukuje' jik'ibal. E c'o wukub tako'nib aj caj ri e cuc'am ri wukub q'uisbal tak c'axc'olil. Cuc' c'u wa' caq'uis u tza'm ri royowal ri Dios.

Apocalipsis 16:13

Xinwilo chi quebel ulok pa u chi' ri dragon, pa u chi' ri itzel awaj, xukuje' pa u chi' ri u jalum rib chi k'axal tzij, oxib tz'ilalaj tak uxlabal e je jas ri xtutz'.

Apocalipsis 17:12

Ri lajuj uc'a' ri e awilom are quebubij ri lajuj ajawinelab, ri c'ä maja' cäquic'am cajawibal. Cäquic'am c'u na takanic re ajawinel xa' jun jok'otaj, cachil c'ut ri itzel awaj.

Apocalipsis 17:16

Ri lajuj ruc'a' ri awaj ri e awilom, cäquetzelaj na u wäch ri ajmacalaj ixok quech nim ch'utin, cäquiya' na canok xak u tuquiel ch'anal c'ut. Cäquitij na ri u ti'jal, cäquiporoj na ruc' k'ak'.

Apocalipsis 17:7

Ri tako'n aj caj xubij chwe: “¿Jasche camayo? Quinbij na chawe ri jastak ri man quebach'ob taj chrij ri ixok xukuje' chrij ri awaj ri uc'aninak, ri c'o wukub u jolom xukuje' lajuj ruc'a'.

Apocalipsis 19:12

Ri u bak'wäch je ta ne e rak' k'ak'. C'o q'ui corona' chujolom. C'o jun u bi' tz'ibatalic, ri man c'o ta jun cäch'obowic, xane' xuwi ri are'.

Apocalipsis 20:2

Xuchap ri awaj dragon, ri ojer cumätz, are' ri itzel ri Satanas. Jun mil junab c'ut xuximo.