Apocalipsis 12:2 - Quiché Bible

² Yawab winak chic. Curak u chi', c'o k'oxowem re alc'ualanic che, curik c'ax che alc'ualanic.

RI KꞌAKꞌ TESTAMENTO PA TZIJOBꞌAL KꞌICHEꞌ

² Ri ixoq jubꞌiqꞌ karaj kakꞌojiꞌ ral, kuraqaqej uchiꞌ rumal ri qꞌoxom ri kunaꞌo, rumal chi xa jubꞌiqꞌ karaj kuya ri ral cho ri uwachulew.

K'iche'

² Ri ixok ri', are yawab winak chic, curak c'u u chi' rumal ri k'axom. Ruc' tak c'äx c'ut tajin cäril u wäch ri ral.

K'iche' (New Orthography)

² Ri ixoq ri', are yawab' winaq chik, kuraq k'u u chi' rumal ri q'axom. Ruk' taq k'äx k'ut tajin käril u wäch ri ral.

Apocalipsis 12:2 ပူးပေါင်းရင်းမြစ်များ

Ri Isaiy 26:17

Chwäch la uj c'o wi, Ajawaxel, jacha' jun yawab ixok ri xa co'l man cäc'oji' ri ral, curak u chi', cubak'atila' rib rumal ri k'oxom.

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Ri Isaiy 54:1

Charaka' a chi' ruc' quicotemal, ixok ri man catalan taj, ri man e c'o ta awal; chebabixoj bix re quicotemal, at ri mawi jumul c'olinak awal, cubij c'u ri Ajawaxel: “Ri ixok ri xutum canok e q'ui ral quec'oji' na chuwäch ri ixok ri c'o rachajil.”

Ri Isaiy 66:6

Ri wululem ri cätataj pa ri tinimit, ri wojcorem ri cätataj pa ri rachoch Dios, are ri wojcorem ri cuban ri Ajawaxel aretak cätajin cuya' ri c'äjisabal wäch ri takal chque ri quec'ulelan che.

Ri Miquey 4:9

Are c'u ri camic, ¿jasche je u rakic a chi' wa' cabano, jacha' ta ne jun ixok ri e c'o u k'oxomal re alc'ualanem? ¿La xa' pu lo che chi man c'o ta awajawinel? ¿O rumal rech chi e cäminak ri e ya'l tak a no'j?

Ri Miquey 5:3

Camic ri Ajawaxel quebuya' canok ri e rech, xuwi c'u calan na ri ixok ri xak reyem chic ral. C'äte c'u ri' caquijunaj quib cuc' tak ri e qui winakil ri e aj israelib ri e c'o chupam jun ulew chic.

Ri Matey 24:8

Conojel we jastak ri' e chaplebal que k'oxowem.

Ri Xuan 16:21

Aretak jun ixok quealc'ualanok, c'o u bis, petinak c'u ri u k'ijol. Aretak ralam chi c'u ri ac'al, ri u c'axc'olil man cänataj ta chi che, rumal rech ri u quicotemal chi xalax jun ac'al cho ri uwächulew.

Gálatas 4:19

Alaj tak walc'ual, jumul chic quebencoch' k'oxomal u mac iwech, jacha' jun nanaxel ri quebucoch' k'oxomal aj alc'ualanic; quintakej c'u na qui coch'ic c'ä cawinikir na ri Crist pa ri ix.

Gálatas 4:27

Tz'ibatal c'ut: “Chatquicotok, ri man catalan taj, ri man c'o ta awal. Charaka' a chi' ruc' quicotemal, ri man c'o ta a k'oxowem re alanic. E q'ui c'u na ri ral ri ixok ri yo'm canok, chquiwäch ri ral ri ixok ri c'o rachajil.”

Apocalipsis 12:4

Ri u je' xujuruj ri coxil ch'imil ri e c'o cho ri caj, xebuq'uiak ulok cho ri uwächulew. Ri dragon xuya' rib chuwäch ri ixok, ri xa co'l man calc'ualanic, chutijic ri ral ri ixok aretak cäralc'ualaj.