Apocalipsis 11:19 - Quiché Bible

¹⁹ Xjaktaj c'ut ri rachoch Dios pa ri caj. Xilitaj c'ut ri caxa re ri u c'ulwächinic chupam ri rachoch Dios. Xec'ulmataj caypa', jininem, cakultakja, cabrakan xukuje' nimalaj sakbach.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Kꞌa te riꞌ xjaqajobꞌ ri Templo pa ri kaj, xilitaj kꞌu chilaꞌ ri kaxa rech chꞌekom tzij, xuqujeꞌ xubꞌan kayapaꞌ, kaqulja, kabꞌraqan xuqujeꞌ xqaj nimalaj saqbꞌach.

K'iche'

¹⁹ Te c'u ri' xjaktaj ri nimalaj rachoch Dios ri c'o pa ri caj, xk'alajin c'u lok ri caxa ri c'o pa ri rachoch Dios ri c'olotal wi ru Trato ri Are'. Xuban caypa', xtataj nimalaj wojojem, xuban quiäkulja. Xuban c'u jun nimalaj cäbrakan, xukuje' xkaj nimalaj sakbäch.

K'iche' (New Orthography)

¹⁹ Te k'u ri' xjaqtaj ri nimalaj rachoch Dios ri k'o pa ri kaj, xq'alajin k'u loq ri kaxa ri k'o pa ri rachoch Dios ri k'olotal wi ru Trato ri Are'. Xub'an kaypa', xtataj nimalaj wojojem, xub'an kiäqulja. Xub'an k'u jun nimalaj käb'raqan, xuquje' xqaj nimalaj saqb'äch.

Apocalipsis 11:19 ပူးပေါင်းရင်းမြစ်များ

Salmib 105:32

Che u q'uexwäch jäb, xutak ulok sakbach xukuje' rak' tak k'ak' puwi' ri tinimit.

Salmib 18:12

Jun juluwem ri cächuplinic xel ulok chuwäch; xebel ulok chquipam tak ri sutz' sakbach, xukuje' rachak k'ak' ri quenicowic.

Ri Isaiy 28:2

Ri Ajawaxel u tasom jun cowilaj winak ri c'o nimalaj u cuinem jacha' ri u chuk'ab jun xibibalalaj sakbach, jacha' jun cakulja ri cäcämisanic, jacha' jun nimalaj jäb, jacha' jun xibibalalaj ja' ri cäjik'isanic. Ruc' ri u k'ab carokin na pa ulew,

Ri Isaiy 30:30

Ri Ajawaxel cuban na chi cätataj ri cowilaj u ch'abal, cuc'ut na ri u cuinem ri cucoj ruc' jun xibibalalaj oyowal, e rachil tak ri e rak' k'ak' ri quebik'onic, rachil cakulja' jäb xukuje' sakbach.

Ri Isaiy 32:19

pune' c'u cat'akix ri c'ache'laj camach'irisax c'u ri tinimit.

Ri Ezequiel 13:11

Chabij chque ri que chunan ri tapia, chi cätzak na ri tapia. Cak'ijk'ob na ulok ri nimalaj jäb, quekaj na sakbach jacha' abaj, cäpe na jun nimalaj quiakik' jäb,

Ri Ezequiel 13:13

Rumal ri' ri in, ri Ajawaxel, quinbij: Pa ri woyowal quinban na chi cäpe jun quiakik' jäb; pa ri nu c'anal quinban na chi cak'ijk'ob ulok ri nimalaj jäb quekaj c'u na nimak tak sakbach jacha' ri abaj, che u sachisaxic u wäch ronojel ruc' oyowal.

Ajilanic 10:33

Je c'u ri' xebel bic chupam ri u juyub ri Ajawaxel oxib k'ij c'ut xebinic. Ri u caxa ri Ajawaxel re ri c'ulwächinic are ri benak nabe chquiwäch, cätajin cutzucuj jun c'olbal chque ri caban wi uxlanem.

Ajilanic 4:15

Aretak ri Aaron e rachil tak ri e u c'ojol qui q'uisom chic qui pisic conojel ri tastalicalaj tak jastak, e suc'umatal chi c'ut che u takexic ri qui be, cuya' quepe ri e rija'lil ri Coat che qui telexic bic tak we jastak ri'. Mäquinak c'u jun tastalicalaj jasach ruc' ri qui k'ab, rech man quecäm taj. Conojel c'ut we jastak ri' ri e rech ri Lic'om Rachoch Dios re rikoj ib e are' tak wa' ri rajawaxic quequitelej bic ri e rija'lil ri Coat.

Ajilanic 4:5

Aretak ri tinimit cäwalij che u takexic ri u be, ri Aaron e rachil ri e u c'ojol caquesaj na ri ch'ukubal ri c'o chuchi' ri oquibal chupam ri k'ijilabal are c'u cuch'ukubej re ri caxa re ri c'ulwächinic.

Ri Josue 10:11

Aretak xekaj bic ri aj amoreyib pa ri xuluxic ri c'o pa Bet-horon, aretak cätajin quebanimaj chquiwäch ri aj israelib ri Ajawaxel xebutzokopij ulok nimak tak abaj re sakbach paquiwi' e q'ui c'u na ri aj amoreyib ri xequicämisaj chuwäch ri qui ch'ich' re ch'o'j ri aj israelib.

Apocalipsis 11:13

Pa ri jok'otaj ri' xuban jun nimalaj cabrakan. Xwulij jun u lajujil ri tinimit, xecämisax wukub mil (7000) winak rumal ri cabrakan. Ri jule' chic xquixe'j quib, xquiya' juluwem che ri Dios aj chicaj.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Apocalipsis 12:1

Xilitaj c'u jun nimalaj etal pa ri caj: Jun ixok u cojom ri k'ij che ratz'iak, c'o ri ic' chquixe' ri rakan, c'o jun corona' re cablajuj ch'imil che ri u jolom.

Apocalipsis 16:1

Xinta' jun cowilaj ch'abal ri xel ulok pa ri k'ijilabal, ri xubij chque ri wukub tako'nib aj caj: “Jix, chik'ija' puwi' ri uwächulew ri wukub lak re ri royowal ri Dios.”

Apocalipsis 16:18

Xepe c'u caypa', ch'abal, xukuje' xuban jun cakulja; xuban jun nimalaj cabrakan, man c'o ta jun cabrakan ri je ta u banom wa' kas aretak e c'olinak ri winak cho ri uwächulew; sibalaj c'u nim ri cabrakan.

Apocalipsis 16:21

Xekaj c'u ulok nimak tak sakbach chicaj paquiwi' ri winak, ri quepajan jujun quintal. Ri winak xquibij c'axalaj tak yok'obal chrij ri Dios rumal rech ri c'axc'olil re ri sakbach. Sibalaj nim c'ut ri c'ax ri xubano.

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.

Apocalipsis 4:1

Xuwi c'u xebitaj we jastak ri' xinca'yic, xinwil jun oquibal jaktal pa ri caj. Ri nabe ch'abal ri xinto jacha' ri rok'ebal jun trompet. Xubij chwe: “Chatpakal ulok waral, quebenc'ut na ri jastak chawäch ri rajawaxic quec'ulmax na oc'owinak chi c'u wa.”

Apocalipsis 4:5

Quebel ulok caypa', ch'abal, xukuje' cakulja pa ri tem re ajawibal. Quenicow c'u wukub chaj chuwäch ri tem. E are' c'u wa' ri wukub ruxlabal ri Dios.

Apocalipsis 7:15

Rumal ri' e c'o chuwäch ri u tem ri Dios re ajawibal, ri e are' quepatanij chi pa k'ij chi chak'ab pa ri rachoch. Ri t'uyul puwi' ri tem c'o cuc', quebuchajij.

Apocalipsis 8:5

Ri tako'n aj caj xuc'am ri bukibal, xunojisaj che k'ak' re ri porobal, xuq'uiak puwi' ri uwächulew. Xuban cakulja, jininem, caypa' xukuje' cabrakan.

Apocalipsis 8:7

Ri nabe tako'n aj caj xrok'esaj ri u trompet. Xpe sakbach xukuje' k'ak' yujum ruc' quic', xeq'uiak puwi' ri uwächulew. Xnicow c'ut ri qui roxil tak ri che', xukuje' xnicow ronojel räx tak k'ayes.