Apocalipsis 11:10 - Quiché Bible

¹⁰ Ri e jekel cho ri uwächulew quequicot na che ri qui cämical. Cäquiban na nimak'ij, cäquitakala' na sipanic chquixo'l. Rumal rech chi we e quieb k'axal tzij ri' qui banom c'ax chque ri e jekel cho ri uwächulew.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri winaq aꞌjuwachulew kekiꞌkot na rumal ri xkꞌulmatajik, kakiya taq kꞌu na sipanik chibꞌil taq kibꞌ. Rumal cher we kebꞌ qꞌalajisal taq tzij riꞌ xeꞌkitontiꞌrisaj ri keꞌl cho ri uwachulew rukꞌ ri xkibꞌano.

K'iche'

¹⁰ Ri winak cho ruwächulew quequicot na rumal ri qui cämical. Cäca'n c'u na nimak'ij, xukuje' cäquitakala na bi sipanic chbil tak quib. Je ri', rumal chi ri winak xquina' nimalaj c'äx rumal ri qui tzij we quieb k'alajisanelab ri' ri e takom lok rumal ri Dios.

K'iche' (New Orthography)

¹⁰ Ri winaq cho ruwächulew kekikot na rumal ri ki kämikal. Käka'n k'u na nimaq'ij, xuquje' käkitaqala na b'i sipanik chb'il taq kib'. Je ri', rumal chi ri winaq xkina' nimalaj k'äx rumal ri ki tzij we kieb' q'alajisanelab' ri' ri e taqom loq rumal ri Dios.

Apocalipsis 11:10 ပူးပေါင်းရင်းမြစ်များ

Nabe Ajawinelab 18:17

Aretak xrilo xubij che: “¿At ba' ri' ri cätajin caban c'ax che ri Israel?”

Nabe Ajawinelab 21:20

Ri Acab xubij che ri Eliy: “¿La je ba' ri', at ri at nu c'ulel in a rikom?” “Je, xatinriko” xcha' ri Eliy. “Rech man quebatakej ta chic qui banic niq'uiaj itzel tak jastak chuwäch ri Ajawaxel.

Nabe Ajawinelab 22:18

Ri ajawinel re Israel xubij che ri Josapat: “¿La ma ta nu bim chawe chi we achi ri' mawi jumul cubij ta utzalaj tak jastak chwe, xane' xuwi c'axalaj tak jastak?”

Nabe Ajawinelab 22:8

Ri rajawinel ri Israel xutzelej u bixic che ri Josapat: “C'o chi na jun, ri cuya' cakata' che jas cubij ri Ajawaxel. Are' ri Micaiy (ri u tat ri Micaiy are' ri Imla). Quinwetzelaj c'u u wäch, rumal rech chi mawi jumul cuya' ta qui bixic utzalaj tak jastak chwe, xane' xak xuwi jastak ri man e utz taj.” Xubij c'ut ri Josapat che: “mabij we tzij ri'.”

Salmib 13:4

Mubij ri nu c'ulel: “¡Nu ch'äcom!” Mäquicotic we quintzakic.

Salmib 35:19

Ma ta quequicot ri nu c'ulel chwe, maquiyuch' qui bak'wäch ri man c'o ta rumal quetzelam nu wäch.

Salmib 89:42

Banom la chi ri e u c'ulel cäquiyac ri qui k'ab quejajat che ch'äcanem;

E C'ambal tak Tzij 24:17

Matquicotic mawi mebaban nimak'ij qui mac ri chak'inic xukuje' tak ri u tzakic ri u banom u c'ulel chawe,

Ri Jeremiy 38:4

E are' tak c'ut ri c'o nimak tak quekle'n xquibij che ri ajawinel: “Rajawaxic u cämisaxic we achi ri', cumal tak ri e u tzij ri quebubij cuq'uistajisaj qui c'u'x ri ajch'ojab ri c'ä e canajinak chupam ri tinimit, xukuje' conojel ri winak. We achi ri' man cutzucuj taj ri utzil che ri tinimit xane' ri c'axc'olil che.”

Ri Jeremiy 50:11

“Ix, aj caldeyib, ri xitoloba' ri nu tinimit, ¡chixjajatok xukuje' chi quicotisaj iwib! ¡Chixch'opinok jacha' jun alaj ati't wacax chupam ri k'ayes! ¡Chixjijetok jacha' ta ne ix quiej!

Ri Abdiy 1:12

Ma ta xatquicot che rilic ri awachalal pa ri k'ij re ri u c'axc'olil, ma ta xatquicot che rilic ri Juda pa ri k'ij rech ri u rikoj c'ax, mawi ma ta xatze'j qui wäch pa ri k'ij re ri qui c'axc'olil.

Ri Miquey 7:8

Nim tinimit ri a banom a c'ulel chwe mat jajat che ri nu quiäkasakil, pune' ba', in tzakinak, quenewalij na; pune' in u mojcolim ri k'ekumalil, ri Ajawaxel are' nu chaj.

Ri Matey 10:22

Conojel ri winak caquetzelaj i wäch rumal wech in. Apachin c'u ri cuk'i' ri c'ax c'ä pa ri q'uistajic, are ri' quesäx na pa ri c'ax.

Ri Xuan 16:20

Kastzij, kastzij quinbij chiwe, chi quixok' na, quiban na ok'ej, e are c'ut ri winak aj uwächulew quequicot na. Pune' c'u ri ix ix c'o pa bis, ri i bis caq'uextaj na pa quicotemal.

Ri Xuan 7:7

Ri e aj uwächulew man quecuin taj cäquetzelaj i wäch ix. Cäquetzelaj c'u nu wäch in, rumal rech chi quink'alajisaj jas ri qui banic, chi cäquiban etzelal.

Hechos 5:33

Ri nimak qui banic, aretak xquita' wa', xpe nimalaj coyowal, cäcaj c'ut quequicämisaj ri takomxenlab.

1 Corintios 13:6

Man cäquicot ta che ri man suq'uil taj, xane' cäquicot che ri kastzij.

Apocalipsis 12:13

Are c'u ri awaj dragon, aretak xrilo chi xq'uiak bic cho ri uwächulew, xrokataj ri ixok ri xralc'ualaj ral ala.

Apocalipsis 13:14

Ri xibibal awaj xebuban ri etal ri yo'm che chi quebuban chuwäch ri nabe xibibal awaj. Jeri' chi xebusub ri e jekel cho ri uwächulew. Xubij c'u chque ri winak chi chquibana' ri u wächbal ri nabe xibibal awaj, ri c'o u socotajic re ch'ich' re ch'o'j u takem c'u c'aslem.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Apocalipsis 16:10

Ri uro' tako'n aj caj xuk'ij ri u lak puwi' ri u tem ri itzel awaj re ajawibal. Xk'ekumar c'u ri rajawibal. Ri winak xquicach'uj ri cak' rumal rech ri k'oxowem.

Apocalipsis 3:10

Animam ri nu takomal chi chatux coch'onel, rumal ri' catinto' na pa ri jok'otaj re ri c'axalaj c'ambejenic ri cäpe na puwi' ronojel ri uwächulew che qui c'ambejexic conojel ri e jekel cho ri uwächulew.