Apocalipsis 10:3 - Quiché Bible

³ Xurak u chi' ruc' nimalaj chuk'ab, jacha' aretak cawun ri coj. Aretak xurak u chi', wukub cakulja xquicoj ri qui ch'abal.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri ángel xuraqaqej uchiꞌ rukꞌ chuqꞌabꞌ, jetaq kubꞌan jun koj, are xuraq uchiꞌ xetataj wuqubꞌ kaqulja ri xkiraq kichiꞌ.

K'iche'

³ Te ri' ri ángel co xch'awic jas ri cuban jun coj aretak curak u chi'. Aretak co xch'aw ri ángel xetataj wukub quiäkulja ri sibalaj xetililic.

K'iche' (New Orthography)

³ Te ri' ri ángel ko xch'awik jas ri kub'an jun koj aretaq kuraq u chi'. Aretaq ko xch'aw ri ángel xetataj wuqub' kiäqulja ri sib'alaj xetililik.

Apocalipsis 10:3 ပူးပေါင်းရင်းမြစ်များ

Salmib 29:3

Ri u ch'abal ri Ajawaxel cäxojlin puwi' ri plo; ri Dios ri nim u k'ij are cäbanow ri cakulja: ¡ri Ajawaxel c'o puwi' ri nimalaj plo!

E C'ambal tak Tzij 19:12

Ri royowal ri ajawinel xak junam ruc' ri u wunic ri coj, are c'u ri utzalaj u rayibal jacha' ri räxk'ab puwi' ri k'ayes.

Ri Isaiy 31:4

Ri Ajawaxel xubij chwe: “Jacha' jun coj ri u cämisam jun chij man cuxe'j ta rib chquiwäch ri ajyuk'ab, pune' conojel cäquimulij quib chrij cäquixibij c'u ruc' rakoj tak chi'aj, jewa' ri u petic ri Ajawaxel ri c'o ronojel u cuinem cuto' na u wi' ri u tinimit puwi' ri juyub Sion.

Ri Isaiy 42:13

Ri Ajawaxel quel na ulok jacha' jun nim u banic cutij na u chuk'ab jacha' jun banal ch'o'j co cäch'awic, curak na u chi' che u chaplexic ri ch'o'j quebuch'äc c'u na ri e u c'ulel.

Ri Isaiy 5:29

Ri qui wunem je jas ri u wunem jun coj, ri cäjininic aretak cuchap ri u ti', cuc'am c'u bic man c'o ta jun cäcuinic cumaj ta che.

Ri Jeremiy 25:30

At, Jeremiy, chaya' qui bixic conojel tak we jastak ri' chque pa ri nu bi'. Chabij chque: ‘Ri Ajawaxel cuq'uiak ulok ri u ch'abal re cakulja kas chila' chicaj, kas chupam ri tastalic c'olbal ri jekel wi. Curak u chi' chrij ri u jumulaj jacha' ri caquiban ri e pitz'ol tak uva, chquij conojel ri winak ri e jekel cho ri uwächulew.

Ri Ezequiel 10:5

Ri jininem ri caquiban ri qui xic' ri aj cajalaj tak to'banelab cätataj c'ä cho ri ucab uwo ja. Je ta ne chi are' ta ri Dios ri c'o ronojel u cuinem cätajin ta cach'awic.

Ri Osey 11:10

Ri e are' caquiterenej na ri Ajawaxel, ri are' cawun na jacha' jun coj. Cäwunic, e are' tak c'ut ri e rech quebirbitic quebel na ulok pa ri u kajebal k'ij.

Ri Joel 3:16

Ri Ajawaxel aretak chubano chi chatataj ri u ch'abal re cakulja c'ä pa ri juyub Sion, pa Jerusalen, ri caj xukuje' ri ulew caquichaplej birbitem. Are c'u ri Ajawaxel are jun panibal to'balib chque ri aj israelib, ri e u tinimit.

Ri Amos 1:2

Aretak ri Ajawaxel cubano chi cätataj ri u ch'abal jacha' cakulja c'ä chupam ri juyub Sion, ri c'o pa Jerusalen, quechaki'jar c'ut ri ulew jawije' ri e c'o wi tak ri echa' cächaki'jar c'ut ri u wi' ri Carmel.

Ri Amos 3:8

¿Jachin ta ri ma ta cäbirbob che xe'n ib, we cäwun ri coj? ¿Jachin ta ri ma ta chach'aw pa ri u bi' ri Ajawaxel, we are' ri cätakanic?

Apocalipsis 14:2

Xinta' jun ch'abal chicaj, jas ri qui chojojem q'uialaj ja', jas ri rok'ebal jun nimalaj cakulja. Ri ok'ebal ri xinto, are jacha' ri que ok'esan tak arp ri cäcok'isaj ri e q'ui arp.

Apocalipsis 15:1

Xinwil jun etal chic pa ri caj, nim xukuje' jik'ibal. E c'o wukub tako'nib aj caj ri e cuc'am ri wukub q'uisbal tak c'axc'olil. Cuc' c'u wa' caq'uis u tza'm ri royowal ri Dios.

Apocalipsis 15:7

Jun c'ut chque ri quiejeb awaj xuya' chque ri wukub tako'nib aj caj wukub lak re k'an puak. E nojinak ri lak che ri royowal ri Dios, ri c'asal amak'el chbe k'ij sak.

Apocalipsis 4:5

Quebel ulok caypa', ch'abal, xukuje' cakulja pa ri tem re ajawibal. Quenicow c'u wukub chaj chuwäch ri tem. E are' c'u wa' ri wukub ruxlabal ri Dios.

Apocalipsis 8:5

Ri tako'n aj caj xuc'am ri bukibal, xunojisaj che k'ak' re ri porobal, xuq'uiak puwi' ri uwächulew. Xuban cakulja, jininem, caypa' xukuje' cabrakan.