Aj Levitib 9:9 - Quiché Bible

⁹ Ri e u c'ojol xquiya' ri quic' che ri Aaron, ri Aaron xurub ri u wi' u k'ab pa ri quic' xubil chquij ri uc'a' re ri porobal, are c'u ri quic' ri xtotajic, xujamij pa rakan ri porobal.

Aj Levitib 9:9 ပူးပေါင်းရင်းမြစ်များ

Ri Ezequiel 43:15

Ri u wi' ri porobal, ri queporox wi tak ri tabal tok'ob, quieb bara' ruc' niq'uiaj elinak chicaj. E c'o quiejeb u c'a' che ri e tuc'ulic.

Ri Ezequiel 43:20

Quic'am c'u jubik' ri u quiq'uel qui chicoj c'u chquij ri quiejeb u c'a', ri quiejeb u xquina ri porobal ri chacal wi xukuje' che ronojel ri u chi' ri walijinak chrij. Je caban wa' che ri tz'akatalaj u ch'ajch'ojbexic che ri macaj.

Aj Levitib 16:18

quel c'u ulok, cäbe che u josk'ixic ri porobal ri c'o chuwäch ri Ajawaxel. Cuc'am jubik' ri u quiq'uel ri c'ojol ama' wacax, xukuje' ri u quiq'uel ri ama' q'uisic', cubil chquij ri ruc'a' ri porobal, xukuje' chrij ri porobal.

Aj Levitib 4:25

Ri cojol tabal tok'ob cuc'am na ruc' ri u wi u k'ab jubik' u quiq'uel ri awaj ri pilom u mac rech ri macaj, cubil na chquij ri e ruc'a' ri porobal ri cäporox wi ri tabal tok'ob ri cächajirisaxic, aretak cäbantaj wa' ri quic' ri cäto'taj canok cujamij pa rakan ri porobal,

Aj Levitib 4:30

Ri cojol tabal tok'ob cuc'am ruc' ri u wi' u k'ab jubik' quic' cubil c'u chquij ri e ruc'a' ri porobal tabal tok'ob ri cächajirisaxic, ronojel c'u ri quic' ri cäto'tajic cujamij na pa rakan ri porobal.

Aj Levitib 8:15

Ri Moises xutok' u kul ri alaj ama' wacax, xuc'am ri quic' cuc' ri e u wi' tak u k'ab xubil chquij ri ruc'a' ri porobal, che u josk'ixic ri porobal; ri quic' ri xto'tajic xujamij pa rakan ri porobal, jewa' xuban che u tastajic ri porobal, che qui rikic ri cuyubal tak mac chila'.

Aj Levitib 9:10

Xuporoj c'u ri xepo rachilam quieb quinak', xukuje' ri u xepoyil ri u seseb ri awaj ri xpil u mac rech ri macaj, jacha' ri takanic ri u yo'm ri Ajawaxel che ri Moises.

Aj Levitib 9:12

Ri Aaron xutok' u kul ri awaj ri cäya' che tabal tok'ob ri cächajirisaxic, e are' c'ut ri e u c'ojol xquic'am bic ri quic' ri xujamij ri Aaron puwi' xukuje' pa tak uxcut ri porobal.

Aj Levitib 9:18

Ri Aaron xukuje' xutok' u kul ri ama' wacax, xukuje' ri chij ri xquichi'j ri aj israelib che tabal tok'ob re utzirisan ib, ri e u c'ojol xquic'am bic ri quic' che, xujamij c'u ri Aaron puwi' xukuje' pa tak uxcut ri porobal;

Hebreos 2:10

Rumal ri Dios e c'o conojel ri jastak, xukuje' conojel ri jastak e rech are'. Cäraj chi e q'ui queboc che ralc'ual xukuje' quebopan pa ri u juluwem. Rumal ri' rajawaxic xutz'akatisaj ri Crist ri qui Colonel rumal c'axc'olil.