Aj Levitib 9:6 - Quiché Bible

⁶ Xubij c'u ri Moises chque: “Are wa' ri takanic ri xuya' ri Ajawaxel. Chibana', cuc'ut c'u na rib ri Ajawaxel chiwäch ruc' nimalaj juluwem.”

Aj Levitib 9:6 ပူးပေါင်းရင်းမြစ်များ

Elem 16:10

Aretak cätajin cätzijon ri Aaron cuc' ri aj israelib, conojel xeca'y apan pa ri chaki'j uwo sak, xc'utun c'u ri u juluwem ri Ajawaxel chquiwäch pa jun sutz'.

Elem 24:16

Xkaj ri u juluwem ri Dios puwi' ri juyub Sinai, wakib k'ij xch'ukutaj rumal ri sutz'. Chuwuk k'ij c'ut, ri Ajawaxel xusiq'uij ulok ri Moises pa ri sutz'.

Elem 29:43

Chila' quinrik wi na wib cuc' ri aj israelib, catastaj ri c'olbal rumal ri nu c'olem.

Ri Ezequiel 43:2

Xinwil c'ut chi ri u juluwem ri u Dios ri Israel petinak pa ri elebal k'ij. Xtataj jun cowilaj chojojem, jacha' ta ne ri re ta jun nimalaj nima', ri cäwolkotic, are c'u ri uwächulew xnoj che sakilal.

Aj Levitib 9:23

Xoc c'u ri Moises rachil ri Aaron chupam ri Lic'om Rachoch Dios re rikoj ib, aretak c'u xebel ulok xequitewichi'j ri aj israelib xuc'ut c'u rib ri Ajawaxel ruc' nimalaj juluwem chquiwäch conojel ri tinimit.

Aj Levitib 9:5

Ri aj israelib xequic'am ulok c'ä chuwäch ri Lic'om Rachoch Dios re rikoj ib ri xtakan wi ri Moises, conojel c'u ri aj israelib xekebic, xetaq'ui' c'u na chuwäch ri Ajawaxel.