Aj Levitib 9:24 - Quiché Bible

²⁴ Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.

Aj Levitib 9:24 ပူးပေါင်းရင်းမြစ်များ

Chapletajic 15:17

Aretak chak'ab chic, ronojel c'ut k'ekumarinak chic, xc'utun jun jorno ri cäbukuwic, xukuje' jun k'ak' cänicowic ri coc'ow chquixo'l ri awaj ri banom catakperaj chque.

Chapletajic 17:3

Ri Abram xumej rib c'ä xuya' na ri u palaj cho ri ulew. U takem c'u u bixic ri Dios che:

Ucab Ajawinelab 19:15

je ch'awem wa' xuban ruc' ri Dios: “Ajawaxel, u Dios ri Israel, ri c'o ri u tem re ajawibal paquiwi' ri aj cajalaj tak to'banelab ri e c'o qui xic': xuwi ri lal lal Dios ri lal c'o paquiwi' conojel ri ajawibal ri e c'o cho ri uwächulew; lal xbanow la ri caj xukuje' ri ulew.

Nabe Tzijobelil 21:26

chila' c'u xuwoc wi jun c'olbal ri quechi'x wi tabal tak tok'ob che ri Ajawaxel xebuchi'j c'u tabal tak tok'ob ri quechajirisaxic xukuje' tabal tak tok'ob re utzirisan ib. Xunataj c'ut ri Ajawaxel, ri are' xutak ulok k'ak' chicaj puwi' ri tabal tok'ob ri cachajirisaxic che tzelebal u wäch ri u tzij.

Ucab Tzijobelil 6:2

Are c'u ri in nu yacom jun ja che la rech cäjeki' la chupam, jun c'olbal ri cäjeki' wi na la amak'el.”

Ri Esdras 3:11

Jujun caquibixoj tak bix, jule' chi c'ut je u tzelexic u wäch wa' caquibano: “Chebiya' tak maltioxinic che ri Ajawaxel, rumal rech chi utz ri are', rumal rech chi junalic ri lok'ok'ebal u c'u'x che ri Israel.” Ronojel c'ut ri tinimit curak u chi' rumal quicotemal, cäk'ijilan c'u che ri Ajawaxel, chapletajinak chi c'u u banic u yaquic ri Rachoch ri Ajawaxel.

Salmib 80:1

Yuk'ul re ri Israel, ri cäc'am la u be ri Jose jacha' jumulaj chij, ri cojom la ri tem la re ajawibal paquiwi' ri aj cajalaj tak to'banelab ri e c'o qui xic', ¡Tatabem la! ¡Utz rilic ri Eprain chbana' la,

Elem 3:2

Chila' c'u xuc'ut wi rib ri tako'n aj chicaj rech ri Ajawaxel chuwäch ri Moises pa u niq'uiajil jun k'ak' ri cänicow, chupam juwi' q'uix. Ri Moises kas utz rilic xubano, kas xrilo chi ri q'uix cänicow rumal ri k'ak' man c'u cäja'r taj ri q'uix.

Aj Levitib 10:2

Xel c'u ulok k'ak' chuwäch ri Ajawaxel ri xebupororej, xecäm c'ut chuwäch ri Ajawaxel.

Aj Levitib 6:13

Ri k'ak' re ri porobal rajawaxic chi amak'el cänicowic. Mawi ta ne jubik' cächupic.”

Ajilanic 14:5

Ri Moises xukuje' ri Aaron xquimej quib c'ä xquiya' na ri qui palaj cho ri ulew chuwäch ronojel ri tinimit,

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ajilanic 23:21

Man c'o ta jachin jun rilom ta subunic mawi etzelal pa Israel, ri u tinimit ri Jacob. Ri Ajawaxel ri u Dios c'o cuc', ri e are' caquiya' u k'ij jacha' jun ajawinel.

Ri Matey 26:39

Ri Jesus xnabej apan jubik', xxuquic, xukasaj ri u palaj cho ri ulew. Xuban ch'awem ruc' Dios, xubij: “Nu Tat, we cuya'o, xak choc'ow we uq'uiabal re c'axc'olil ri' chwe. Man are ta c'ut jas ri quinwaj, xane' are jas ri caj la.”

Apocalipsis 4:9

Aretak ri awaj cäquiya' juluwem xukuje' nim ilic xukuje' k'ijilanic che ri t'uyul pa ri tem re ajawibal, che ri c'asal amak'el chbe k'ij sak,

Apocalipsis 5:8

Aretak xuc'am ri wuj, ri quiejeb awaj xukuje' ri juwinak quiejeb nimak tak tatayib xexuqui' chuwäch ri Alaj Chij. Chquijujunal cuc'am jujun arp xukuje' jujun lak re k'an puak e nojinak che c'oc' k'ol. Are wa' ri qui ch'awem ri e tastalic tak winak aj Dios.

Apocalipsis 7:11

Conojel ri tako'nib aj caj e tac'atoj chrij ri tem re ajawibal xukuje' chquij ri nimak tak tatayib xukuje' chquij ri quiejeb awaj. Xexuqui' chuwäch ri tem, xquikasaj ri qui palaj cho ri ulew, xquik'ijilaj ri Dios,

K'atal tak Tzij 13:23

Are c'u ri chuchu' xutzelej u bixic che: “We ta ri Ajawaxel xraj xujucämisaj, ma ta xuc'am ri' ri ka tabal tok'ob ri cächajirisaxic mawi ri ka sipanic, mawi ma ta xuya' ri' chke chi xekil tak we jastak ri'. Mawi ma ta xuya' qui bixic ronojel wa' chke.”

K'atal tak Tzij 6:21

ri aj cajalaj tako'n xunak ri ti'j, ri caxlanwa ruc' ri u wi' ri u ch'amiy ri c'o pu k'ab, xel c'u ulok k'ak' che ri abaj ri xuja'risaj ri ti'j xukuje' ri caxlanwa; xsach c'ut ri aj cajalaj u tako'n ri Ajawaxel chuwäch.