Aj Levitib 9:15 - Quiché Bible

¹⁵ Ri Aaron xuchi'j xukuje' ri qui sipanic ri aj israelib. Xuc'am ri alaj ama' q'uisic' ri are tabal tok'ob u mac rech ri u mac ri tinimit, xutok' c'ut ri u kul, xuchi'j c'ut qui mac ri macaj, jacha' ri xuban che ri nabe sipanic.

Aj Levitib 9:15 ပူးပေါင်းရင်းမြစ်များ

Ucab Tzijobelil 29:24

Xtakex c'u qui pilic cumal ri e cojol tabal tok'ob, xquijamij c'ut ri qui quiq'uel puwi' ri porobal jacha' jun sipanic che u rikic ri cuyubal tak qui mac ri Israel, u yo'm c'u takanic ri ajawinel chi ri tabal tok'ob ri cachajirisaxic cächi'x puwi' ronojel ri aj Israel.

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Aj Levitib 10:16

Xuta' c'u ri Moises chque jas xquiban che ri alaj ama' q'uisic' ri cäpil u mac ri macaj, xbix c'u che chi xporotajic; xoyowar chrij ri Eleazar xukuje' ri Itamar, ri e quieb u c'ojol ri Aaron ri e canajinak canok, xubij chque:

Aj Levitib 9:14

Xebuch'aj c'u ri ti'j chupam xukuje' tak ri ra', xebuporoj c'u puwi' ri porobal.

Aj Levitib 9:3

Chabij chque ri aj israelib: chi chquic'ama' ulok jun alaj ama' q'uisic' che tabal tok'ob re cuyubal mac, jun alaj ama' wacax xukuje' jun alaj ama' chij re jujun qui junab ri man c'o ta qui yab ri queya' che tabal tok'ob ri quechajirisaxic,

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Hebreos 5:3

Rajawaxic c'ut chi cuya' tabal tok'ob cho ri Dios man xuwi ta rumal quech ri qui mac ri winak, xane' xukuje' rumal quech ri u mac are'.