Aj Levitib 8:7 - Quiché Bible

⁷ Ri Moises xucoj ri u pam atz'iak chrij ri Aaron, xuxim ri u pam ruc' ri pas; xucoj ri kas atz'iak ri cäbe chupam ri atz'iak ri nim u k'ij, xucoj c'u ri atz'iak ri nim u k'ij chrij utzalaj u ximic xuban ruc' ri ximibal rech.

Aj Levitib 8:7 ပူးပေါင်းရင်းမြစ်များ

Elem 28:2

Chebabana' ratz'iak ri awachalal Aaron ri c'o na qui banic, che u ya'ic u k'ij xukuje' rech je'l quilitajic.

Elem 28:4

Ri atz'iak ri quequibano e are tak wa': ri cäya' cho c'uxaj, ri atz'iak ri nim u k'ij, ri kas atz'iak, ri u pam atz'iak ri tz'otom, ri pisbal jolomaj re lino, xukuje' ri pas. Chequibana' ba' atz'iak ri pakal cajil che ri Aaron xukuje' chque ri e u c'ojol, rech quepatanij che cojol tabal tok'ob chnuwäch.

Elem 28:6

Ri atz'iak ri nim u k'ij rajawaxic re k'an puak, re quem azul, quem morato', quiäk quem xukuje' tumim lino, utzalaj u t'isic cäbanic

Elem 29:5

chebac'ama' ri atz'iak que ri cojol tabal tok'ob, chacojo' ri u pam atz'iak chrij ri Aaron, ri kas atz'iak, ri atz'iak ri nim u k'ij xukuje' ri cäya' cho c'uxaj. Utz u ximic ri pas chabana' ri cächapow ri atz'iak ri nim u k'ij;

Ri Isaiy 61:10

¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.

Ri Isaiy 61:3

che u ya'ic chque ri qui rikom c'ax ri e c'o pa Sion, jun corona che q'uexwäch chaj, c'oc'al re quicotemal che u q'uexwäch ok'ej, bix tak re k'ijilanic che u q'uexwäch q'uistajbal c'uxaj. Ix “bakit re colomal” quixuchix c'u na, e ticom rumal ri Ajawaxel che u c'utic ri u juluwem.

Ri Ezequiel 42:14

We c'u xeboc ri e cojol tabal tok'ob pa ri Rachoch Dios man ya'tal ta chi chque quebel ulok chuwäch ri nabe uwo ja we man nabe quequiya' can ri atz'iak chi' ri e qui cojom aretak xequiban ri patanijic, rumal rech chi tastalic we atz'iak ri'. Che ri quelic ulok jawije' ri e c'o wi ri winak, rajawaxic caquicoj chic jun atz'iak.”

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

Romanos 3:22

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

Gálatas 3:27

Iwonojel c'ut ix junatajinak pa ri Crist, i cojom c'ut ri Crist che iwatz'iak.

Nabe Samuel 2:28

Xebencha' c'u chquixo'l conojel ri camak' ri aj Israel rech quebux na e nu cojol tabal tok'ob, rech quequichi'j tabal tak tok'ob ri quechajirisaxic puwi' ri nu porobal, xukuje' quequiporoj c'u na c'oc' k'ol, caquicoj ri catz'iak ri nim u k'ij chnuwäch. Xinya' c'u xukuje' chque ri e i mam conojel tak ri sipanic ri quequiporoj tak ri aj israelib che u ya'ic u k'ij ri Ajawaxel.