Aj Levitib 8:31 - Quiché Bible

³¹ Xubij chi c'u na ri Moises che ri Aaron xukuje' chque ri e u c'ojol: “Chitzaca' ri ti'j chuchi' ri Lic'om Rachoch Dios re rikoj ib, kas chila' c'ut chi tija' wi cärachilaj ri caxlanwa ri c'o pa ri alaj chicäch ri quech ri tastajic, jas ri takanic ri u yo'm ri Ajawaxel chwe aretak xubij: ‘Ri Aaron e rachil ri e u c'ojol e are' quetijow we ti'j ri'.’

Aj Levitib 8:31 ပူးပေါင်းရင်းမြစ်များ

Aj Levitib 10:17

“¿Jasche man xitij ri tabal tok'ob u mac rech ri macaj pa ri c'olbal ri tastajinak? Jun jasach c'u wa' ri sibalaj tastalic, u yo'm c'u ri Ajawaxel chiwe rech ix quixekan ri qui mac ri aj israelib, quirik c'u ri sachbal qui mac rumal ri Ajawaxel.

Aj Levitib 6:28

Ri t'uy ri cätzac wi ri ti'j ri u tz'akatil ri sipanic rajawaxic cäpaxixic, we c'u xtzac pa jun t'uy re k'an ch'ich', utzalaj u jukic cäbanic.

Aj Levitib 7:15

Ri u ti'jal ri awaj ri cächi'x che u ya'ic maltioxinic xukuje' re utzirisan ib, rajawaxic cätij pa ri k'ij aretak cajach ri awaj, man c'o ta jun ch'akap cätas can che re ri ucab k'ij.

Ri Xuan 6:33

Ri wa c'ut aj Dios, are ri' ri kajinak ulok chicaj, ri cuya' c'aslemal chque ri winak ri e c'o cho ri uwächulew.”

Ri Xuan 6:35

Ri Jesus xubij chque: “In ri' ri wa re c'aslemal. Apachin ri cäpe wuc' in, man cänum ta chi na. Apachin ri cäcojon chwe in, mawi jumul cächaki'j ta chic u chi'.

Ri Xuan 6:51

In ri' ri c'aslic wa ri kajinak ulok pa ri caj. We c'o jun cutij re we wa ri', cäc'asi na amak'el chbe k'ij sak. Ri wa ri quinya' na in, are' ri nu cuerp, ri quinya' na rumal rech ri qui c'aslemal ri winak cho ri uwächulew.”

Gálatas 2:20

Junam xinrip ruc' ri Crist cho ri ripibal. Man in ta chic in c'aslic, xane' are ri Crist c'asal pa ri wanima'. Ri nu c'aslemal pa ri nu cuerp camic, quinwoc'owisaj pa ri cojonic che ri u C'ojol ri Dios, ri xinulok'ok'ej xukuje' xuya' ri u c'aslemal rumal wech.