Aj Levitib 8:23 - Quiché Bible

²³ Ri Moises xutok' u kul ri ama' chij, xuc'am jubik' che ri quic', xubil xe' u xiquin ri Aaron re ri u riquiak'ab, xukuje' puwi' ri nim u wi' u k'ab re ri riquiak'ab, xukuje' puwi' ri nim u wi' rakan re ri riquiak'ab.

Aj Levitib 8:23 ပူးပေါင်းရင်းမြစ်များ

Elem 29:20

Chatok'o ri u kul ri ama' chij, chac'ama' jubik' che ri u quiq'uel chabila' chuxe' u xiquin ri Aaron, xukuje' chuxe' qui xiquin ri e u c'ojol re ri quiquiak'ab, puwi' ri nim u wi' qui k'ab re ri quiquiak'ab xukuje' puwi' ri nim u wi' cakan re ri qui wiquiak'ab. Are c'u ri quic' ri cäto'tajic chachicoj puwi' ri porobal xukuje' pa tak u xcut ri porobal.

Elem 29:21

Chac'ama' jubik' che ri quic' xukuje' che ri aseit ri cäk'ij pa u jolom ri cojol tabal tok'ob ri c'o puwi' ri porobal, chachicoj chrij ri Aaron xukuje' chrij ri ratz'iak, chquij ri e u c'ojol xukuje' chquij ri catz'iak. Ruc' ri u banic wa' ri Aaron e rachilam ri e u c'ojol, quetastajic xukuje' ri catz'iak.

Aj Levitib 14:14

Ri cojol tabal tok'ob cuc'am jubik' che ri u quiq'uel ri awaj ri yo'm che tabal tok'ob ri cäjosk'in ri chak'maquil, cubil xe' ri u xiquin re ri riquiak'ab ri cäjosk'ixic, che ri nim u wi' u k'ab re ri riquiak'ab, xukuje' che ri nim u wi' rakan re ri riquiak'ab.

Aj Levitib 14:17

Ri u tz'akatil ri aseit ri to'tajinak pa u k'ab, cuc'am jubik' ri cojol tabal tok'ob cubil xe' ri u xiquin re ri riquiak'ab ri cäjosk'ixic, che ri nim u wi' u k'ab re ri riquiak'ab, che ri nim u wi' rakan re ri riquiak'ab, puwi' ri u quiq'uel ri tabal tok'ob ri u mac rech ri chak'maquil.

Aj Levitib 14:25

C'äte ri' cutok' u kul ri alaj ama' chij che tabal tok'ob che cuyubal mac cuc'am jubik' ri u quiq'uel ri ama' chij cubil xe' ri u xiquin re ri u riquiak'ab ri cäjosk'ixic, che ri nim u wi' u k'ab re ri riquiak'ab, xukuje' che ri nim u wi' rakan re ri riquiak'ab,

Aj Levitib 14:28

Xukuje' cubil jubik' we aseit ri' xe' ri u xiquin re ri riquiak'ab ri cäjosk'ixic, che ri nim u wi' u k'ab re ri riquiak'ab, che ri nim u wi' rakan re ri riquiak'ab, ri u bixic pa ri c'olbal ri xbil wi ri quic' re tabal tok'ob u mac rech ri chak'maquil.

Aj Levitib 7:37

Are pixab wa' che qui ya'ic ri tabal tok'ob ri quechajirisaxic, ri sipanic tak re c'äj, ri tabal tak tok'ob u mac rech ri mac, ri tabal tak tok'ob u mac rech ri chak'maquil, ri sipanic tak re tastajic ri tabal tak tok'ob re utzirisan ib;

Romanos 12:1

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

Romanos 6:13

mijach ba ri i cuerp che ri mac che u banic ri etzelal. Xane' chijacha' iwib pa u k'ab ri Dios je ta ne ix c'astajinak chic chquixo'l ri cäminakib. Chijacha' ri i cuerp pa u k'ab ri Dios rech quiban ri utz.

Romanos 6:19

(Quinbij wa' chiwe pa ka tzij uj ri uj winak, rumal rech ri u tukaril ri i banic aj winak man kas ta quich'ob we jastak ri'.) Jas ri xiban can ojer, xijach ri i cuerp pa u k'ab ri etzelal che qui banic ri tz'ilalaj tak jastak, jeri' xukuje' camic chijacha ba ri i cuerp pa u k'ab ri Dios che u banic ri suq'uil, rech quixux tastalic tak winak.

1 Corintios 1:2

quintz'ibaj we wuj ri' chque ri kachalal ri comon cojonelab aj Dios ri e c'o pa Corint, ri e tastal pa ri Crist Jesus, e siq'uim rech quebux tastalicalaj tak winak, xukuje' chque conojel ri cäquita' ri u to'banic ri Kajaw Jesucrist pa ronojel c'olbal, Cajaw ri e are' xukuje' Kajaw uj.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

1 Corintios 6:20

Pakal c'u lok'obem iwech. Chinimarisaj ba' u k'ij ri Dios ruc' ri i cuerp.

Filipenses 1:20

Je c'u quel na jas ri quinwaj. Cu'l nu c'u'x chi man quel ta nu q'uixbal, xane' quintzijon na camic jas ri amak'el nu banom, man quinxe'j ta wib. Jeri' cänimarisax na u k'ij ri Crist rumal ri quinban pa ri nu cuerp, we quinc'asi'c o we quincämic.

Filipenses 2:17

Pune' cäpil na ri kas nu c'aslemal che u tz'akatil ri sipanic ri quiya' ix che ri Dios rumal ri i cojonic, in quinequicotok, ix c'u joch'ob quixquicot wuc'.

1 Tesalonicenses 5:22

Chitasa' iwib che apachique jasach ri man utz taj.

Hebreos 2:10

Rumal ri Dios e c'o conojel ri jastak, xukuje' conojel ri jastak e rech are'. Cäraj chi e q'ui queboc che ralc'ual xukuje' quebopan pa ri u juluwem. Rumal ri' rajawaxic xutz'akatisaj ri Crist ri qui Colonel rumal c'axc'olil.

Hebreos 5:8

Pune' C'ojolaxel, xretamaj ri nimanic rumal ri c'ax ri xuriko.