Aj Levitib 8:14 - Quiché Bible

¹⁴ Xtakan c'u ri Moises che u c'amic ulok ri alaj ama' wacax ri cäpil che josk'ibal macaj, ri Aaron e rachil ri e u c'ojol xquiya' ri qui k'ab puwi' ri u jolom ri alaj ama' wacax.

Aj Levitib 8:14 ပူးပေါင်းရင်းမြစ်များ

Salmib 66:15

Quebenporoj na k'obisam tak awaj puwi' ri porobal ri ech la, quebenchi'j tak na ama'ib tak wacax xukuje' ama'ib tak q'uisic' xukuje' ri qui c'oc'al ama'ib tak chij.

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Ri Ezequiel 43:19

Chque ri e cojol tabal tok'ob ri e aj levitib ri e rija'lil ri Sadoc, e are' tak c'u wa' ri e rajawaxic quekeb chnuwäch che nu patanixic, quiya' na jun alaj ama' wacax chque rech caquichi'j che tabal tok'ob che u q'uexwäch ri macaj. In, ri Ajawaxel, quinya' takanic che u banic.

Ri Ezequiel 43:20

Quic'am c'u jubik' ri u quiq'uel qui chicoj c'u chquij ri quiejeb u c'a', ri quiejeb u xquina ri porobal ri chacal wi xukuje' che ronojel ri u chi' ri walijinak chrij. Je caban wa' che ri tz'akatalaj u ch'ajch'ojbexic che ri macaj.

Ri Ezequiel 44:27

Aretak c'u cheboc chic chuwäch ri ucab uwo ja ri c'o chuwäch ri Rachoch Dios che u tz'akatisaxic u banic ri qui patanijic, caquichi'j na jun tabal tok'ob rumal ri macaj. In, ri Ajawaxel, quintakanic chi cäbanic.

Aj Levitib 1:4

quebuya' c'u ri u k'ab puwi' ri u jolom ri awaj. Cac'amar c'u na ri awaj ri cuyao, rech queburik ri cuyubal tak u mac.

Aj Levitib 16:21

Quebuya' ri u k'ab pa u jolom ri awaj, cuk'alajisaj ronojel ri etzelal, ri man e nimanic taj, xukuje' ronojel ri qui mac ri aj israelib. Je cuban wa' che qui ya'ic bic ri qui mac ri aj israelib pa u jolom ri ama' q'uisic', c'o c'u jun achi ri cac'amow bic, cutzokopij c'u can pa ri chaki'j uwo sak.

Aj Levitib 16:6

Cuchi'j c'u na ri alaj ama' wacax che tabal tok'ob rumal ri mac ri u banom, rech quecuyutaj ri u mac, xukuje' ri qui mac ri rachalaxic.

Aj Levitib 4:15

Ri cäquiya' wi ri qui k'ab ri nimak tak tatayib ri e re ri tinimit puwi' ri u jolom ri alaj ama' wacax, chuwäch ri Ajawaxel, kas chila' c'ut cäquitok' wi na ri u kul.

Aj Levitib 8:2

“Chac'ama' ri Aaron e rachil ri e u c'ojol, xukuje' chebac'ama' ri atz'iak ri cäquicoj ri cojol tabal tok'ob, ri aseit re ri tastajic, ri alaj ama' wacax re cuyubal mac, ri quieb ama'ib tak chij, ri alaj chicäch ri e c'o caxlanwa chupam ri man cäya' ta ch'am cuc',

Ajilanic 8:12

Chwi' chi c'ut ri aj levitib quebe quiya' na ri qui k'ab puwi' ri qui jolom ri c'ojolab tak wacax, jun c'ut chque ri c'ojol tak wacax cachi'x na jacha' che tabal tok'ob u mac ri macaj, ri jun chic jacha' che tabal tok'ob ri cächajirisaxic che qui josk'ixic ri aj levitib.

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.