Aj Levitib 7:32 - Quiché Bible

³² Ri ca' ri awaj ri re ri quiquiak'ab ri queya' che tabal tok'ob re utzirisan ib queya' che ri cojol tabal tok'ob jacha' che cuchuj.

Aj Levitib 7:32 ပူးပေါင်းရင်းမြစ်များ

Elem 29:27

Chatasa' ri uwo c'uxaj ri oc'owisam ri yo'm che sipanic ri nim u banic jas ri nak'atisabal xukuje' ri ra' ri ama' chij, ri cächi'x che cuchuj, u tz'akatil c'ut ri chij re ri tastajic ri cätas can che ri Aaron xukuje' chque ri e u c'ojol.

Aj Levitib 10:14

Ri uwo c'uxaj are sipanic wa' ri nim u k'ij, ri ra' ri awaj ri qui yo'm ri aj israelib che sipanic, rajawaxic quebitij pa jun c'olbal ch'ajch'oj ri at, xukuje' ri e a c'ojol ri e a mia'l; e are wa' ri ya'tal chiwe chque ri qui tz'akatil ri tabal tak tok'ob ri cäquiya' ri aj israelib che utzirisan ib.

Aj Levitib 7:33

Ri ra' ri awaj re ri riquiak'ab, rech ri cojol tabal tok'ob ri cächi'n ri u xepoyil xukuje' ri u quiq'uel ri awaj re ri tabal tok'ob re utzirisan ib,

Aj Levitib 7:34

chque c'ut ri qui tabal tok'ob re utzirisan ib ri aj israelib, ri caquiban chwe nu c'amom ri uwo c'uxaj jacha' sipanic ri nim u k'ij xukuje' ri ra' ri awaj ri tasom, e nu yo'm c'u che ri cojol tabal tok'ob ri Aaron, xukuje' chque ri e rija'lil are wa' ri cäya' chque amak'el ri quesax chque ri qui sipanic ri aj israelib.

Aj Levitib 9:21

E are' tak cuc' ri e uwo c'uxaj, cachil ri a'aj aj iquiak'ab, xuwi xuban ri xban che qui jachic chuwäch ri Ajawaxel, jacha' ri takanic ri u yo'm che ri Moises.

Ajilanic 5:9

Ronojel c'u cuchuj xukuje' sipanic ri caquitas ri aj israelib che ri Ajawaxel, ri cac'am c'u bic chuwäch ri cojol tabal tok'ob, cacanaj che ri cojol tabal tok'ob.

Ajilanic 6:20

Are c'u ri cojol tabal tok'ob cuban na ri nak'atisabal re yanic chuwäch ri Ajawaxel. Ri uwo u c'u'x ri awaj ri cäbanbex ri nak'atisabal che ri yanic xukuje' ri u ch'o a'aj ri cäya' jacha' che cuchuj che ri Ajawaxel, e jastak ri e tastalic ri e rech ri cojol tabal tok'ob. Aretak c'u cabantaj wa', ri aj nazarey cuya' cäruq'uiaj u wa'l uva.

U Camulixic ri Pixab 18:3

Ri ya'tal chque ri cojol tabal tok'ob chi cäquic'am can chque ri wacax o ri chij ri quelquiya' ri winak che tabal tok'ob, are wa': ri e uwo rachak, ri qui cacate', ri ti'j chquipam.

Nabe Samuel 9:24

Ri banal wa xresaj ulok jun tz'akatalaj ra' chij xucoj c'u chuwäch ri Saul. Xubij c'u ri Samuel che: “Are wa' ri tasom can chawe. Chachapa' chatwok, in c'u xintasow can wa' chawe che we k'ijol ri' ri xeben wula'j ri tinimit.” Ri Saul xwa' ruc' ri Samuel pa ri k'ij ri'.