Aj Levitib 7:30 - Quiché Bible

³⁰ Cuc' ri kas e u k'ab cuc'am ulok chuwäch ri Ajawaxel ri sipanic ri cäporoxic: ri xepo ri c'o che ri uwo c'uxaj; ri kas uwo c'uxaj che u banic chuwäch ri Ajawaxel jas ri nak'atal u banic che u jachic.

Aj Levitib 7:30 ပူးပေါင်းရင်းမြစ်များ

Salmib 110:3

Ri tinimit la cäjach na pa k'ab la chupam ri k'ij re ri ch'äcanic la. Paquiwi' tak ri tastalicalaj tak juyub, je c'ut jacha' ri räxk'ab ri cäq'uiy pa ri u sakaric, ri alc'ual la cac'ac'ar chi k'ij chi k'ij.

Aj Levitib 10:14

Ri uwo c'uxaj are sipanic wa' ri nim u k'ij, ri ra' ri awaj ri qui yo'm ri aj israelib che sipanic, rajawaxic quebitij pa jun c'olbal ch'ajch'oj ri at, xukuje' ri e a c'ojol ri e a mia'l; e are wa' ri ya'tal chiwe chque ri qui tz'akatil ri tabal tak tok'ob ri cäquiya' ri aj israelib che utzirisan ib.

Aj Levitib 10:15

Ri ra' ri awaj ri cäya' che sipanic, xukuje' ri uwo c'uxaj ri cäya' che sipanic ri nim u k'ij, quec'am na bic chuwäch ri Ajawaxel; queya' chuwäch jacha' sipanic ri nim qui k'ij, querachilaj ri xepo ri queporoxic; are c'u awech wa' amak'el cuc' ri awalc'ual, jacha' ri takanic ri u yo'm ri Ajawaxel.”

Aj Levitib 3:14

Ri cachi'n ri awaj cuya' cuc'amo xukuje' cuyao, jacha' sipanic nicowisam che u ya'ic u k'ij ri Ajawaxel, ronojel ri xepo ri e ch'ukuwinak ri ti'j chupam,

Aj Levitib 3:9

Ri cächi'n ri awaj che tabal tok'ob re utzirisan ib, rajawaxic cuya' che ri Ajawaxel, jacha' sipanic ri nicowisam, ri xepo, ri u je' tz'akat cäkopix c'ä che ri q'uisbal uwo rachak iquim, ri xepo ri quech'ukuw ri ti'j chupam ri awaj,

Aj Levitib 8:27

conojel we jastak ri' xebuya' pa u k'ab ri Aaron xukuje' pa qui k'ab ri e u c'ojol, rech cäquiban chuwäch ri Ajawaxel jas ri nak'atisabal che ri jachanic.

Aj Levitib 8:29

Xuc'am c'u ri Moises ri uwo c'uxaj, xuban c'u ri' ri nak'atal u banic chuwäch ri Ajawaxel; we u tz'akatil we ama' chij ri' are wa' ri xya'taj che ri Moises, jacha' ri takanic ri xuya' ri Ajawaxel che.

Aj Levitib 9:20

xequiya' c'ut ri xepoyil cuc' tak ri e uwo c'uxaj. Xebuporoj c'ut ri Aaron puwi' ri porobal.

Aj Levitib 9:21

E are' tak cuc' ri e uwo c'uxaj, cachil ri a'aj aj iquiak'ab, xuwi xuban ri xban che qui jachic chuwäch ri Ajawaxel, jacha' ri takanic ri u yo'm che ri Moises.

Ajilanic 6:20

Are c'u ri cojol tabal tok'ob cuban na ri nak'atisabal re yanic chuwäch ri Ajawaxel. Ri uwo u c'u'x ri awaj ri cäbanbex ri nak'atisabal che ri yanic xukuje' ri u ch'o a'aj ri cäya' jacha' che cuchuj che ri Ajawaxel, e jastak ri e tastalic ri e rech ri cojol tabal tok'ob. Aretak c'u cabantaj wa', ri aj nazarey cuya' cäruq'uiaj u wa'l uva.

Ajilanic 8:11

Ri Aaron cuban na ri nimak'ij chnuwäch in ri nak'atisabal che ri qui jachic ri aj levitib cumal ri aj israelib, jeri' ri aj levitib quetastaj can che ri nu patanixic.

Ri Xuan 10:18

Man c'o ta jun quesan chwe, xane' in quinyo'w pa we wi. C'o pa nu k'ab ri u ya'ic ri nu c'aslemal, xukuje' c'o pa nu k'ab ri u c'amic chic. We takanic ri' xinc'am che ri nu Tat.”

2 Corintios 8:12

We c'u c'o jachin jun kastzij che cäyanic, ri Dios cuc'amowaj ri sipanic ri cuyao jas kas ri c'o ruc'. Ri Dios man cutz'onoj taj chke ri man c'o ta kuc'.

U Camulixic ri Pixab 18:3

Ri ya'tal chque ri cojol tabal tok'ob chi cäquic'am can chque ri wacax o ri chij ri quelquiya' ri winak che tabal tok'ob, are wa': ri e uwo rachak, ri qui cacate', ri ti'j chquipam.