Aj Levitib 7:2 - Quiché Bible

² Ri awaj ri chi'm u mac ri macunic rajawaxic cätok' u kul pa ri c'olbal jawije' ri quepil wi ri awaj ri quechi'xic rech queporoxic are c'u ri u quiq'uel rajawaxic cachicox puwi' xukuje' chrij ri porobal.

Aj Levitib 7:2 ပူးပေါင်းရင်းမြစ်များ

Ri Isaiy 52:15

jeri' xukuje' sibalaj e q'ui nimak tak tinimit ri quecanaj na che mayinic; ri ajawinelab aretak caquilo man c'o ta tzij quecuin che u bixic, rumal rech chi cäquil na xukuje' cäquich'ob na jun jasach ri mawi jubik' qui tom.

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Ezequiel 40:39

Pa ri uwo ja rech ri oquibal e c'o quiejeb mexa, cacab pa jujun u xcut, paquiwi' c'u wa' quepil wi ri awaj ri queya' che tabal tok'ob ri quechajirisaxic xukuje' ri queya' che tabal tok'ob u mac rech ri macaj o ri macunic.

Aj Levitib 1:11

Rajawaxic cutok' u kul chuwäch ri Ajawaxel pa u xcut ri porobal ri cäca'y pa u mox elebal k'ij; are c'u ri e cojol tabal tok'ob ri e u c'ojol ri Aaron cäquichicoj ri u quiq'uel puwi' xukuje' pa tak uxcut ri porobal.

Aj Levitib 1:3

We ri awaj ri cuchi'j che tabal tok'ob ri cächajirisaxic cäresaj ulok chquixo'l ri u wacax, rajawaxic are jun ama' wacax ri man c'o ta u yab. Rech cac'amar ri cuyao, rajawaxic cuchi'j chuwäch ri Ajawaxel chuchi' ri oquibal chupam ri Lic'om Rachoch Dios re rikoj ib,

Aj Levitib 1:5

Cutok' c'u u kul ri ama' wacax chuwäch ri Ajawaxel; are c'u ri e cojol tabal tok'ob ri e u c'ojol ri Aaron, cäquichi'j ri quic', cäquichicoj puwi' xukuje' pa tak u xcut ri porobal ri c'o chuchi' ri Lic'om Rachoch Dios re rikoj ib.

Aj Levitib 14:13

Rajawaxic cupil ri ama' chij pa ri c'olbal ri tastalic ri cätok' wi ri qui kul ri awaj ri queya' che tabal tok'ob che u josk'ixic ri macaj xukuje' ri e tabal tak tok'ob ri quechajirisaxic. Ri tabal tok'ob che u josk'ixic ri chak'maquil cux rech ri cojol tabal tok'ob, xukuje' ri tabal tok'ob josk'ibal macaj, jun jasach c'u wa' ri sibalaj tastalic.

Aj Levitib 3:2

Ri cäjachow ri sipanic quebuya' ri u k'ab puwi' ri u jolom ri awaj, cutok' c'u ri u kul chuchi' ri oquibal chupam ri Lic'om Rachoch Dios re rikoj ib. Ri e cojol tabal tok'ob, e are' quechicon ri quic' puwi' xukuje' pa tak u xcut ri porobal.

Aj Levitib 3:8

Cuya' ri u k'ab puwi' ri u jolom, cutok' c'u ri u kul chuwäch ri Lic'om Rachoch Dios re rikoj ib. E are' tak c'ut ri e cojol tabal tok'ob caquichicoj na ri u quiq'uel ri awaj puwi' xukuje' pa tak u xcut ri porobal.

Aj Levitib 4:24

Cuya' na ri u k'ab puwi' ri u jolom ri ama' q'uisic', cutok' ri u kul chuwäch ri Ajawaxel, pa ri c'olbal jawije' ri quepil wi ri awaj ri queporoxic, tabal c'u tok'ob u mac rech ri macaj.

Aj Levitib 4:29

Cuya' na ri u k'ab puwi' ri u jolom ri awaj ri xuchi'j u mac rech ri macaj, cutok' c'u na u kul pa ri c'olbal que ri tabal tok'ob ri quechajirisaxic.

Aj Levitib 4:33

Cuya' ri u k'ab puwi' ri u jolom ri ati't chij, cutok' c'u ri u kul jacha' che tabal tok'ob u mac rech ri macaj pa ri c'olbal jawije' ri quepil wi ri awaj ri quebeporoxok.

Aj Levitib 5:16

Ri winak ri' cutoj na ri u t'orim chque ri tastalic tak jastak cuya' chi na jun u ro'il, ri cujach pa u k'ab ri cojol tabal tok'ob. Rumal c'u ri chij ri cäpil che cuyubal mac, ri cojol tabal tok'ob curik ri sachbal mac che ri u mac we winak ri', cäcuyutaj c'u ri u mac.

Aj Levitib 5:7

We c'u man cäcuin che u lok'ic jun alaj ama' chij, rajawaxic cuc'am na ulok chuwäch ri Ajawaxel quieb palomax o quieb tucumux u mac rech ri macaj ri bantajinak, jun chque che tabal tok'ob re sachbal mac ri jun chic che tabal tok'ob ri cächajirisaxic.

Aj Levitib 5:9

Cuchicoj c'u na jubik' ri u quiq'uel ri tabal tok'ob re sachbal mac pa jun u xcut ri porobal, are c'u ri cäto'taj can che ri quic', cuyitz' pa rakan ri porobal; tabal tok'ob wa' re sachbal mac.

Aj Levitib 6:25

“Chebaya' che ri Aaron xukuje' chque ri e u c'ojol ri pixab tak che qui banic ri tabal tak tok'ob qui mac quech ri macaj: Ri awaj ri cachi'x u mac ri macaj rajawaxic cätok' u kul chuwäch ri Ajawaxel, pa ri c'olbal jawije' ri quepil wi ri awaj ri quebeporoxok, jun jasach c'u wa' ri sibalaj tastalic.

Aj Levitib 6:7

Ri cojol tabal tok'ob curik na ri cuyubal u mac we winak ri' pa u k'ab ri Ajawaxel chque jun chque we jastak ri' ri macuninak wi, cäcuyutaj c'ut ri u mac.”

Ajilanic 6:12

cuchaplej chi c'u na jun c'ac' k'ijol re tastajem che ri Ajawaxel, ri k'ijol ri oc'owinak man coc ta pa ajilabal, rumal rech chi ri wi'aj ri u tasom xcanaj tz'il. Xukuje' rajawaxic cuc'am bic che ri Ajawaxel jun ama' chij ri c'o chic jun u junab jacha' che' tabal tok'ob u mac ri macunic.

Hebreos 11:28

Rumal ri cojonic, ri Moises xuban ri nimak'ij re Oc'owem xukuje' xuchiquicha' ri quic', rech ri tako'n aj caj ri quebucämisaj ri e nabeal man copan ta cuc' ri aj israelib.

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.