Aj Levitib 7:16 - Quiché Bible

¹⁶ We c'u ne cächi'x ri awaj che u tz'akatisaxic jun chi'nic, o jun sipanic ri caq'uiy pa anima'aj, rajawaxic u tijic kas pa ri k'ij aretak cäpil ri cächi'xic, ri cäto'taj canok cuya' cätij chucab k'ij;

Aj Levitib 7:16 ပူးပေါင်းရင်းမြစ်များ

Salmib 116:14

Quebentz'akatisaj na ri xinchi'j che ri Ajawaxel chuwäch ronojel ri u tinimit.

Salmib 116:18

Quebentz'akatisaj na ri xinchi'j che ri Ajawaxel chuwäch ronojel ri u tinimit,

Salmib 66:13

Quinoc na chupam ri achoch la, quebenporoj na sipanic chwäch la; je quinban wa' che qui tz'akatisaxic tak ri nu chi'nic,

Elem 35:29

Conojel ri aj israelib chi achijab chi ixokib, ri xpe pa canima' chi quetobanic rech cäbantaj ri xtakanic ri xuya' ri Ajawaxel che ri Moises, conojel xequic'am ulok ri qui sipanic ruc' ronojel canima' che ri Ajawaxel.

E C'ambal tak Tzij 7:14

“In nu chi'm ulok tabal tok'ob re utzirisan ib camic c'ut xintz'akatisaj ri xinchi'j u ya'ic.

Ri Ezequiel 46:12

Aretak ri k'atal tzij cuban jun sipanic pa rech wi che ri Ajawaxel, jacha' jun awaj che u chajirisaxic o jun tabal tok'ob rech utzirisanic, cäjak na ri oquibal chuwäch ri c'o pa ri elebal k'ij cuchi'j c'u na ri u tabal tok'ob je jas ri cuban pa tak ri k'ij rech uxlanem. Aretak c'u elinak chi bic, cätz'apix ri oquibal.”

Aj Levitib 22:23

Jacha' che sipanic ri xak pa ech wi cuya' cächi'j jun ama' wacax o jun ama' chij pune' cutucak cakan, we c'u che u tz'akatisaxic jun chi'nic man cäc'amar ta na.

Aj Levitib 22:29

Aretak caya' tabal tok'ob re maltioxinic chuwäch ri Ajawaxel, utz u ya'ic cabano rech cäc'amaric.

Aj Levitib 23:38

quebiwoc'owisaj wa' quebichajij tak ri k'ij re uxlanem chuwäch ri Ajawaxel, quebiya' sipanic, quebiban chi'nic xukuje' tak ri i sipanic ri cäpe pa ri iwanima' ri i nak'atisam u ya'ic chuwäch ri Ajawaxel.

Ri Nahum 1:15

¡Chiwila'! ¡Petinak chic paquiwi' tak ri juyub ri ya'l takquil ri ruc'am ulok tzijol re jamaril! Chebawoc'owisaj tak ri e a nimak'ij Juda; chebatz'akatisaj tak ri chi'nic ri e a banom. Mawi ta chi c'u jumul catkaj ta chi na pa qui k'ab ri e banal tak etzelal; sachinak qui wäch chnimalaj conojel.

Ajilanic 15:3

qui chi'j c'u jun ama' wacax o jun chij che u poroxic che u ya'ic nu k'ij jacha' che tabal tok'ob o tabal tok'ob ri cachajirisaxic ri sibalaj cäc'oc'atic, we che u tz'akatisaxic jun chi'nic o jacha' sipanic ri pa ech wi, o rumal jun nimak'ij,

U Camulixic ri Pixab 12:11

chupam c'ut ri c'olbal ri cucha' na ri Ajawaxel ri i Dios jacha' che u jekelibal ri u bi', quichi'j c'u na che ronojel ri nu takom u banic chi quibano: awaj tak ri quepilic xukuje' queporox tak che u ya'ic u k'ij, lajujil, tak cuchuj tak ri sipanic tak ri e cha'om chque tak ri chi'nic ri e i banom che ri Ajawaxel.

U Camulixic ri Pixab 12:17

Ri lajujil re ri i trico, ri u wa'l i uva, ri iwaseit, xukuje' ri nabe tak cal ri i wacax, ri i chij, xukuje' apachique ri i chi'm u ya'ic che ri Ajawaxel, xukuje' ri sipanic ri cäpe pa iwanima', man cuya' ta quitij pa ri i tinimit.

U Camulixic ri Pixab 12:26

Ri jastak ri i tasom che u ya'ic che sipanic, xukuje' ri jastak ri i bim chi quiya' che ri Ajawaxel, quic'am bic pa ri c'olbal ri cucha' na ri Ajawaxel,

U Camulixic ri Pixab 12:6

Chila' quebipil wi na awaj, quebiporoj c'u na che u ya'ic u k'ij, chila' quebic'am c'u na bic ri e i lajujil, ri i cuchuj, ri i chi'm u ya'ic, xukuje' ri i sipanic ri cäpe pa iwanima', ri nabe tak cal ri e i wacax xukuje' ri nabe tak cal ri e i chij.