Aj Levitib 6:6 - Quiché Bible

⁶ Ri u tabal tok'ob ri cuya' che ri Ajawaxel are jun ama' chij ri man c'o ta jun u yab, at c'u catk'atow ri rajil, ri cäresaj chquixo'l ri u chij, cujach c'u pa u k'ab ri cojol tabal tok'ob jacha' tabal tok'ob u mac ri chak'maquil.

Aj Levitib 6:6 ပူးပေါင်းရင်းမြစ်များ

Ri Esdras 10:19

ri xa jumul xquiya' qui tzij che qui jachic tak bic ri quixokil, xquiya' c'u jun ama' chij jacha' che sipanic u mac ri mac ri qui banom.

Ri Nehemiy 10:35

Xukuje' quenataj na chke ri qui c'amic bic chujunab chupam ri rachoch ri Ajawaxel ri nabe tak qui wächinic tak ri kulew xukuje' tak ri qui wäch tak ri che',

Ri Ezequiel 40:46

are c'u ri ja ri benak u wäch pa ri riquiak'ab ri elebal k'ij are wa' ri cajwataj chque ri e cojol tabal tok'ob ri quepatanij chuwäch ri porobal. E rija'lil ri Sadoc, xuwi c'u tak aj levitib wa' ri cuya' quekeb chuwäch ri Ajawaxel che u patanixic.”

Aj Levitib 14:12

Cuc'am jun chque ri ama'ib tak chij cärachilaj jun u roxil jun litro aseit, cujach chuwäch ri Ajawaxel jacha' che tabal tok'ob che u josk'ixic ri chak'maquil.

Aj Levitib 5:15

“Ri winak ri camacunic ri man ruc' taj ri u rayibal cux c'u ajchak'mac re ri quit'orixic ri tastalic tak jastak rech ri Ajawaxel, rajawaxic cäresaj chquixo'l ri u tzobaj jun ama' chij ri man c'o ta jun u yab, jacha' tabal tok'ob u mac rech ri macaj, cuc'am c'u bic che ri Ajawaxel. Ri rajil ri ama' chij rajawaxic u chomaxic joropa' sak puak cäreklej je jacha' ri pajbal ri c'o chupam ri k'ijilabal.

Aj Levitib 5:18

Rumal ri' rajawaxic cäresaj na ulok jun ama' chij chquixo'l ri u chij ri man c'o ta u yab, at c'u catk'atow jas ri kas rajil, cuc'am c'u na bic che ri cojol tabal tok'ob jacha' che tabal tok'ob u mac rech ri macunic, rech cärik ri sachbal u mac we winak ri' ri man ruc' ta ri u rayibal xubano, cäsachtaj c'ut ri u mac.

Aj Levitib 5:7

We c'u man cäcuin che u lok'ic jun alaj ama' chij, rajawaxic cuc'am na ulok chuwäch ri Ajawaxel quieb palomax o quieb tucumux u mac rech ri macaj ri bantajinak, jun chque che tabal tok'ob re sachbal mac ri jun chic che tabal tok'ob ri cächajirisaxic.