Aj Levitib 6:27 - Quiché Bible

²⁷ Apachique jasach ri cänakow ri u ti'jal ri awaj cätastajic, we cächicon ri quic' chrij ri atz'iak, rajawaxic cäch'aj na pa jun c'olbal ri tastalic.

Aj Levitib 6:27 ပူးပေါင်းရင်းမြစ်များ

Elem 29:37

Wukub k'ij chabeytajisaj qui ya'ic tabal tak tok'ob re sachbal mac puwi' ri porobal, jewa' caban che u jachic che ri Dios, cux c'u na jun porobal ri sibalaj tastalic: ronojel jasach ri cäkeb ruc' ri porobal cätastajic.”

Elem 30:29

Je chabana' wa' che qui tasic quebux c'u na jastak ri sibalaj e tastalic apachique jasach ri quenakowic, cacanaj tastalic.

Ri Ezequiel 44:19

C'ä majok c'u chebel bic chuwäch ri nabe uwo ja, jawije' e c'o wi ri tinimit winak, rajawaxic quequesaj ri atz'iak ri xquicoj che ri patanijic chupam ri wachoch quequiya' c'u chquipam ri alaj tak ja ri e c'o chupam ri wachoch, caquicoj chi c'ut jun atz'iak, rech man cäk'ax ta ri u tastajic ri atz'iak che ri tinimit.

Aj Levitib 11:32

Xukuje' cäcanaj tz'il apachique jasach ri cukajbej jun chque we awaj ri' aretak cäminak chic. We jun jasach re che', we jun atz'iak, o jun jasach re tz'um, o c'ul o apachique chacubal, rajawaxic cänim na pa ja', cäcanaj tz'il c'ä coc na ri ak'ab; c'äte ri' cäcanaj ch'ajch'oj.

Aj Levitib 6:18

Conojel ri e ralc'ual ri Aaron ri alabom cuya' cäquitij que ri u tz'akatil ri sipanic ri queporoxic chuwäch ri Ajawaxel. Je chban wa' pa tak ri k'ij junab ri quepe na apachique jasach ri cächapowic cätastaj canok.”

Aj Levitib 7:19

Ri ti'j ri cuchap apachique jasach ri tz'il, man cätij taj, xa cäporox pa k'ak'. Conojel ri e ch'ajch'oj cuya' cäquitij que ri ti'j.

Ri Hajey 2:12

“Kabana', chi jun winak ruc'am ri ti'j ri tastalic u pisom chupam ri u k'u', are tak c'ut ri u chi' ri u k'u' cunak ta ri wa, ri riquil, ri u wa'l uva, ri aseit o apachique wa ja': ¿la cätastaj ta c'u lo can ri wa ja' rumal wa'?” Ri e cojol tabal tok'ob xquitzelej u bixic jayi'.

Ri Matey 14:36

Xquibochi'j chi xak xuwi ta ne cäquichap ocok ri u chi' ri ratz'iak cumal ri yawabib; joropa' c'ut ri quechapowic quecunatajic.

Ri Matey 9:21

Xubij c'u ri chuchu' pa ranima': “Xuwi ta ne quinchap ocok ri ratz'iak, quincunataj na.”

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

2 Corintios 7:11

Ri ix xicoch' ri bis jacha' ri cäkaj chuwäch ri Dios, ¡chebiwila' c'ut ri xel wi! Xixoc il che ri xc'ulmatajic xito' c'u nu wi'; xuban chiwe chi xpe iwoyowal, xukuje' xina' xe'n ib. Chuwi' chi c'u wa' xpe i rayinic che wilic, xichomaj c'ut u c'äjisaxic u wäch ri ajchak'mac. Ruc' c'u ronojel wa' i c'utum ix chi man i nimon ta iwib chupam wa'.