Aj Levitib 6:13 - Quiché Bible

¹³ Ri k'ak' re ri porobal rajawaxic chi amak'el cänicowic. Mawi ta ne jubik' cächupic.”

Aj Levitib 6:13 ပူးပေါင်းရင်းမြစ်များ

Elem 29:1

“Che qui tasic e jacha' che nu cojol tabal tak tok'ob, are wa' ri rajawaxic caban chque: chacha' jun alaj ama' wacax xukuje' quieb ama'ib tak chij ri man c'o ta qui yab;

Elem 29:2

chebabana' caxlanwa xukuje' caxlanwa re coc'alaj c'äj ri man cäya' ta ch'am ruc' yok'om aseit ruc', xukuje' wotz'otz' ri man cäya' ta ch'am cuc' ri e chicom che aseit,

Elem 29:40

Ruc' ri nabe alaj ama' chij, cachi'j quiejeb libra ruc' quiejeb onz coc'alaj c'äj ri cäyok' jun litro aseit re aseitun ruc', xukuje' jun litro u wal uva ri cajamixic.

Ri Isaiy 31:9

rumal c'u rech ri xe'n ib, ri ajawinel caxiq'uinic canimaj na e are tak c'ut ri cajch'ojab que animaj na cäquiya' can ri quetal. Are wa' cujiquiba' u bixic ri Ajawaxel, chi pa Jerusalen u nicowisam jun k'ak' che u c'äjisaxic qui wäch ri e u c'ulel.

Ri Ezequiel 40:46

are c'u ri ja ri benak u wäch pa ri riquiak'ab ri elebal k'ij are wa' ri cajwataj chque ri e cojol tabal tok'ob ri quepatanij chuwäch ri porobal. E rija'lil ri Sadoc, xuwi c'u tak aj levitib wa' ri cuya' quekeb chuwäch ri Ajawaxel che u patanixic.”

Aj Levitib 6:12

Ri k'ak' ri cänicow puwi' ri porobal, mawi ta jubik' chchupic. Ri cojol tabal tok'ob quebuya' na si' puwi' ri porobal ronojel ak'abil, cusuc'umaj c'u ri awaj puwi' ri k'ak' ri queporoxok, quebuporoj c'u xukuje' ri u xepoyil ri awaj re tabal tak tok'ob re utzirisan ib.

Aj Levitib 6:14

“Are wa' ri pixab che qui ya'ic ri sipanic quech c'äj: ri e cojol tabal tok'ob caquichi'j chuwäch ri porobal chuwäch ri Ajawaxel.

Aj Levitib 6:9

“Chebaya' we pixab ri' che ri Aaron xukuje' chque ri e u c'ojol, che ri caban che ri tabal tok'ob ri cächajirisaxic: ri awaj ri pilom caya' can puwi' ri k'ak' ri c'o puwi' ri porobal ronojel ri jun ak'ab, rech cujarisaj ri k'ak'.

Aj Levitib 9:24

Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.