Aj Levitib 5:7 - Quiché Bible

⁷ We c'u man cäcuin che u lok'ic jun alaj ama' chij, rajawaxic cuc'am na ulok chuwäch ri Ajawaxel quieb palomax o quieb tucumux u mac rech ri macaj ri bantajinak, jun chque che tabal tok'ob re sachbal mac ri jun chic che tabal tok'ob ri cächajirisaxic.

Aj Levitib 5:7 ပူးပေါင်းရင်းမြစ်များ

Aj Levitib 12:6

Aretak quebetz'akat ri k'ij re ri u josk'itajic che ri ralanic jun ala o jun ali, ri u nan ri ac'al cuc'am ulok chuchi' ri Lic'om Rachoch Dios re rikoj ib jun alaj ama' chij re jun u junab che tabal tok'ob ri cächajirisaxic, xukuje' jun tucumux o jun palomax cujach pa u k'ab ri cojol tabal tok'ob, u mac rech ri macaj.

Aj Levitib 12:8

We c'u ri u nan ri ac'al man cuban ta ri u rajil che u lok'ic ulok jun alaj ama' chij, cuya' quebuc'am na ulok quieb palomax o quieb tucumux jun che tabal tok'ob ri cächajirisaxic, ri jun chic jacha' che tabal tok'ob che u josk'ixic ri mac; ri cojol tabal tok'ob cutz'onoj ri sachbal u mac ri ixok, cäjosk'itaj c'ut.

Aj Levitib 14:30

Ri cojol tabal tok'ob cuya' jun chque ri tucumux o jun chque ri palomax, jas ri cuininak ri winak che u ya'ic che u josk'ixic rib.

Aj Levitib 14:31

Jun chque ri tucumux we ri palomax cäya' che tabal tok'ob re sachbal macaj, ri jun chic che tabal tok'ob ri cächajirisaxic, rachilam ri sipanic re c'äj, jewa' cuban ri cojol tabal tok'ob che u rikic ri cuyubal u mac ri winak chuwäch ri Ajawaxel.”

Aj Levitib 15:30

Ri cojol tabal tok'ob cuchi'j jun chque che tabal tok'ob che u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri u tz'ilol ri ixok, chuwäch ri Ajawaxel.

Aj Levitib 16:5

Che ri tinimit aj israelib ri Aaron quebuc'am quieb ama'ib tak q'uisic' tabal tok'ob re josk'ibal mac, xukuje' jun ama' chij che u chi'xic che tabal tok'ob ri cächajirisaxic.

Aj Levitib 27:8

We c'u sibalaj meba' ri winak che u tojic ri cuchuj ri k'atom, cäc'am bic we jasach ri' chuwäch ri cojol tabal tok'ob, rech cuk'at jun c'ac' cuchuj ri cacuin che u ya'ic ri cäcuin che u tojic are je cuk'at na chrij.

Aj Levitib 5:11

We c'u ne man cäcuinic che qui lok'ic quieb palomax, mawi quieb tucumux, cuc'am na ulok che u sipanic, quiejeb libra ruc' niq'uiaj utzalaj c'äj che sachbal u mac. Man cuya' ta aseit ruc' mawi cuya' c'oc'alaj k'ol puwi', rumal rech chi are jun sipanic u mac rech ri macaj.

Aj Levitib 7:1

“Ri tabal tak tok'ob ri queya'ic u mac rech ri chak'maquil, e jun jasach wa' ri sibalaj e tastalic. E are tak pixab wa' chque:

Aj Levitib 9:3

Chabij chque ri aj israelib: chi chquic'ama' ulok jun alaj ama' q'uisic' che tabal tok'ob re cuyubal mac, jun alaj ama' wacax xukuje' jun alaj ama' chij re jujun qui junab ri man c'o ta qui yab ri queya' che tabal tok'ob ri quechajirisaxic,

Ajilanic 5:6

“Chabij wa' chque ri aj israelib: Aretak jun achi o jun ixok man jic ta chuwäch ri Ajawaxel cuban c'ut jun banoj c'ax che jun winak chic, cuban jun macunic

Ajilanic 6:10

Aretak quebel wajxakib k'ij cuc'am bic che ri cojol tabal tok'ob quieb palomax o quieb tucumux, chuchi' ri oquibal rech ri Lic'om Rachoch Dios re rikoj ib.

Ajilanic 6:11

Ri cojol tabal tok'ob cuchi'j na jun chque jacha' che tabal tok'ob che u josk'ixic ri macaj ri jun chic jacha' che tabal tok'ob ri cächajirisaxic, cuban c'u na ri nak'atisabal che u rikic ri sachbal macaj u mac ri macunic ri bantajinak aretak xuchap ri cäminak, pa ri k'ij ri' cutas chi na ri u wi' che ri Ajawaxel,

Ri Matey 10:16

“Chiwilampe'. Quixintak bic je jas ri chij chquixo'l ri utiw. Chicojo' ri i chomabal chichajij iwib je jas ri caquiban ri cumätz. Chixux jacha' ri palomax ri man c'o ta c'ax cubano.

Ri Matey 21:12

Ri Jesus xoc chupam ri rachoch Dios, xeresaj bic conojel ri winak ri quec'ayinic xukuje' conojel ri quelok'omanic. Xebutzak ri qui mexa ri e q'uexel tak puak. Xebutzak ri qui tem ri ajc'ay tak palomax.

Ri Matey 3:16

Xuwi c'u xbantaj ri u bautism ri Jesus, xel ulok pa ri ja'. Chanim c'ut ri caj xjaktajic, xril c'u ri Jesus chi ri Ruxlabal ri Dios xkaj u ulok puwi' jacha' jun palomax.

Ri Lucax 2:24

Xebe c'ut, che u chi'xic ri tabal tok'ob ri cätakan wi ri u pixab ri Ajawaxel: juc'ulaj tucumux o juc'ulaj alaj tak ut.

2 Corintios 8:12

We c'u c'o jachin jun kastzij che cäyanic, ri Dios cuc'amowaj ri sipanic ri cuyao jas kas ri c'o ruc'. Ri Dios man cutz'onoj taj chke ri man c'o ta kuc'.