Aj Levitib 5:6 - Quiché Bible

⁶ cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Aj Levitib 5:6 ပူးပေါင်းရင်းမြစ်များ

Ri Ezequiel 40:39

Pa ri uwo ja rech ri oquibal e c'o quiejeb mexa, cacab pa jujun u xcut, paquiwi' c'u wa' quepil wi ri awaj ri queya' che tabal tok'ob ri quechajirisaxic xukuje' ri queya' che tabal tok'ob u mac rech ri macaj o ri macunic.

Ri Ezequiel 42:13

Ri achi xubij chwe: “Ri alaj tak ja ri e c'o pa ri riquiak'ab ri elebal k'ij jacha' ri e c'o pa ri u mox k'ab elebal k'ij, ri e c'o chuwäch ri uwo ja ri tz'apitalic, e tastalicalaj alaj tak ja wa'. Ri e cojol tabal tok'ob ri quenakajin chuwäch ri Ajawaxel chila' quequitij wi tak ri sipanic ri sibalaj e tastal na. Chi' xukuje' quequiya' wi tak ri sipanic ri sibalaj e tastalic jacha' ri sipanic re tak ri u wächinic ri ulew, ri sipanic rumal rech ri macaj xukuje' ri sipanic u mac rech ri chak'maquil, jun tastalic c'olbal c'u wa'.

Ri Ezequiel 44:27

Aretak c'u cheboc chic chuwäch ri ucab uwo ja ri c'o chuwäch ri Rachoch Dios che u tz'akatisaxic u banic ri qui patanijic, caquichi'j na jun tabal tok'ob rumal ri macaj. In, ri Ajawaxel, quintakanic chi cäbanic.

Aj Levitib 4:20

ri u bixic chi je cäban che we alaj ama' wacax ri' junam jas ri cuban che ri alaj ama' wacax ri capil u mac rech ri macaj, jeri' ri cojol tabal tok'ob curik na ri cuyubal qui mac we winak ri', casach taj c'u na ri macaj ri qui banom.

Aj Levitib 4:28

aretak c'u cuch'obo chi macuninak cuc'am na bic jun ati't q'uisic' ri man c'o ta jun u yab, jacha' sipanic u mac rech ri macaj ri bantajinak.

Aj Levitib 4:31

Xukuje' rajawaxic quesax ronojel ri u xepoyil, jacha' ri cäban che resaxic che ri awaj ri cächi'xic jacha' che ri utzirisan ib caporox c'u puwi' ri porobal jacha' c'oc'alaj uxlab che ri Ajawaxel. Jeri' ri cojol tabal tok'ob curik na ri cuyubal mac u mac rech ri u mac we winak ri', casachtaj c'u na ri' ri macaj ri banom.

Aj Levitib 4:32

We ri winak ri' cuc'am ulok jun ati't chij che tabal tok'ob u mac rech ri macaj, rajawaxic cuc'am ulok jun ati't chij ri man c'o ta jun u yab.

Aj Levitib 4:35

Cäresaj c'u ronojel ri u xepoyil, jas ri cäban che resaxic ri u xepoyil ri alaj ama' chij ri cächi'xic jacha' che tabal tok'ob re utzirisan ib, cuporoj c'u ri xepo puwi' ri porobal, junam ruc' ri sipanic ri porom che u ya'ic u k'ij ri Ajawaxel. Xa jeri' ri cojol tabal tok'ob curik na ri cuyubal mac u mac rech ri macaj ri xuban ri winak ri', cäsachtaj c'u na ri u mac.”

Aj Levitib 6:6

Ri u tabal tok'ob ri cuya' che ri Ajawaxel are jun ama' chij ri man c'o ta jun u yab, at c'u catk'atow ri rajil, ri cäresaj chquixo'l ri u chij, cujach c'u pa u k'ab ri cojol tabal tok'ob jacha' tabal tok'ob u mac ri chak'maquil.

Ajilanic 6:12

cuchaplej chi c'u na jun c'ac' k'ijol re tastajem che ri Ajawaxel, ri k'ijol ri oc'owinak man coc ta pa ajilabal, rumal rech chi ri wi'aj ri u tasom xcanaj tz'il. Xukuje' rajawaxic cuc'am bic che ri Ajawaxel jun ama' chij ri c'o chic jun u junab jacha' che' tabal tok'ob u mac ri macunic.