Aj Levitib 5:11 - Quiché Bible

¹¹ We c'u ne man cäcuinic che qui lok'ic quieb palomax, mawi quieb tucumux, cuc'am na ulok che u sipanic, quiejeb libra ruc' niq'uiaj utzalaj c'äj che sachbal u mac. Man cuya' ta aseit ruc' mawi cuya' c'oc'alaj k'ol puwi', rumal rech chi are jun sipanic u mac rech ri macaj.

Aj Levitib 5:11 ပူးပေါင်းရင်းမြစ်များ

Elem 16:18

jas ri pajbal ri xya' u bixic; man c'o ta c'u xto'taj can ruc' ri sibalaj q'ui xumolo, mawi c'o xeraj na che ri xa jubik' xumolo. Chquijujunal qui mulin ri cajwataj chque che u tijic.

Elem 16:36

Lajuj epa xak junam ruc' jun gomer.

Aj Levitib 1:14

We ri awaj ri cuchi'j che tabal tok'ob ri cächajirisaxic che u ya'ic u k'ij ri Ajawaxel are jun chicop ri e c'o u xic', rajawaxic are jun palomax o jun alaj tucumux.

Aj Levitib 12:8

We c'u ri u nan ri ac'al man cuban ta ri u rajil che u lok'ic ulok jun alaj ama' chij, cuya' quebuc'am na ulok quieb palomax o quieb tucumux jun che tabal tok'ob ri cächajirisaxic, ri jun chic jacha' che tabal tok'ob che u josk'ixic ri mac; ri cojol tabal tok'ob cutz'onoj ri sachbal u mac ri ixok, cäjosk'itaj c'ut.

Aj Levitib 14:21

We ri winak ri yawab meba' man c'o ta cuma' wi ri cätok'ix che, cuc'am na jun ama' chij jacha' che tabal tok'ob che u rikic ri cuyubal macaj cujach c'ut jacha' che sipanic ri nim u banic che qui rikic ri cuyubal tak u mac, cärachilaj quiejeb libra ruc' niq'uiaj utzalaj c'äj, yok'om aseit ruc' jacha' che sipanic quech c'äj, cärachilaj jun u roxil jun litro aseit.

Aj Levitib 27:8

We c'u sibalaj meba' ri winak che u tojic ri cuchuj ri k'atom, cäc'am bic we jasach ri' chuwäch ri cojol tabal tok'ob, rech cuk'at jun c'ac' cuchuj ri cacuin che u ya'ic ri cäcuin che u tojic are je cuk'at na chrij.

Aj Levitib 5:12

Rajawaxic cuc'am ulok chuwäch ri cojol tabal tok'ob, ri cuc'am jumuk' jacha' che natabal, cuporoj c'u puwi' ri porobal, junam cuc' ri sipanic ri cäporox che u ya'ic u k'ij ri Ajawaxel, jun sipanic c'u wa' rumal rech ri macaj.

Aj Levitib 5:6

cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Aj Levitib 5:9

Cuchicoj c'u na jubik' ri u quiq'uel ri tabal tok'ob re sachbal mac pa jun u xcut ri porobal, are c'u ri cäto'taj can che ri quic', cuyitz' pa rakan ri porobal; tabal tok'ob wa' re sachbal mac.

Aj Levitib 6:20

“Are wa' ri sipanic ri rajawaxic cuya' ri Aaron xukuje' ri e rija'lil, chuwäch ri Ajawaxel aretak quetas che cojol tabal tok'ob: quiejeb libra ruc' niq'uiaj utzalaj c'äj, pa niq'uiaj caquiya' ak'abil, ri pa niq'uiaj chic aretak cäbe ri k'ij, man c'o ta jun k'ij ri ma ta cäya'ic.

Ajilanic 5:15

Pa qui cabichal we quieb c'ulmatajic ri' ri achajilaxel cuc'am c'u bic ri rixokil chuwäch ri cojol tabal tok'ob, cuya' c'u na jacha' che sipanic che u q'uexwäch ri ixok quiejeb libra ruc' niq'uiaj u c'äjil sebad. Man cuk'ij ta c'u aseit mawi c'oc' k'ol puwi' ri c'äj, jun sipanic c'u wa' u mac rech ri achixomanic, jun sipanic che u ya'ic jun macaj chisak.

Ajilanic 7:13

Ri u sipanic are jun liq'uilic lak re sak puak ri cäpajan oxib (3) libra ruc' wajxakib (8) onz xukuje' jun nimalaj lak re sak puak ri cäpajan cajlajuj (14) onz (je' jas ri pajbalil aj k'atbal tzij rech ri k'ijilabal), qui cabichal e nojinak che utzalaj c'äj, ri yok'om aseit ruc', che ri sipanic quech tak c'äj;

Ri Lucax 2:24

Xebe c'ut, che u chi'xic ri tabal tok'ob ri cätakan wi ri u pixab ri Ajawaxel: juc'ulaj tucumux o juc'ulaj alaj tak ut.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Hebreos 9:22

Xa' co'l man conojel ri jastak rajawaxic quejosk'ix ruc' quic', jas ri cubij ri pixab, we man cäturuwisax quic', man cäsachtaj ta ri macaj.