Aj Levitib 4:34 - Quiché Bible

³⁴ Are c'u ri cojol tabal tok'ob ruc' ri u wi' u k'ab, cuc'am jubik' ri u quiq'uel ri awaj ri yo'm che tabal tok'ob u mac rech ri macaj cubil chquij ri e ruc'a' ri porobal ri queporox wi ri tabal tok'ob ri quechajirisaxic ronojel c'u ri quic' ri cäto'tajic, cujamij pa rakan ri porobal.

Aj Levitib 4:34 ပူးပေါင်းရင်းမြစ်များ

Ri Isaiy 42:21

Ri Ajawaxel, rumal rech chi are' jun Dios ri cäcolonic, are ta xraj xuban ta nim xukuje' xjuluw ta ri u tijonic;

Aj Levitib 4:18

Cubil na jubik' ri quic' chquij tak ri ruc'a' ri porobal ri c'o chuwäch ri Ajawaxel, chupam ri Lic'om Rachoch Dios re rikoj ib. Ronojel c'u ri quic' ri cäto'tajic, cujamij pa rakan ri porobal ri queporox wi ri tabal tok'ob ri cächajirisaxic ri c'o chuchi' ri oquibal chuwäch ri Lic'om Rachoch Dios re rikoj ib.

Aj Levitib 4:25

Ri cojol tabal tok'ob cuc'am na ruc' ri u wi u k'ab jubik' u quiq'uel ri awaj ri pilom u mac rech ri macaj, cubil na chquij ri e ruc'a' ri porobal ri cäporox wi ri tabal tok'ob ri cächajirisaxic, aretak cäbantaj wa' ri quic' ri cäto'taj canok cujamij pa rakan ri porobal,

Aj Levitib 4:30

Ri cojol tabal tok'ob cuc'am ruc' ri u wi' u k'ab jubik' quic' cubil c'u chquij ri e ruc'a' ri porobal tabal tok'ob ri cächajirisaxic, ronojel c'u ri quic' ri cäto'tajic cujamij na pa rakan ri porobal.

Aj Levitib 4:7

Cubil xukuje' jubik' quic' chque tak ri e ruc'a' ri porobal ri caporox wi ri c'oc'alaj k'ol ri c'o chuwäch ri Ajawaxel, chupam ri Lic'om Rachoch Dios re rikoj ib, ronojel c'u ri quic' ri cäto'tajic cujamij pa rakan ri porobal re tabal tok'ob ri cächajirisaxic ri c'o chuchi' ri oquibal chuwäch ri Lic'om Rachoch Dios re rikoj ib.

Ri Xuan 17:19

Rumal quech ri e are' nu tasom wib chbil wib, rech xukuje' ri e are' quetastaj rumal ri kastzij.

Romanos 10:4

Cätz'akat c'ut ri pixab ruc' ri Crist, rumal ri' cuban suc' chque conojel ri c'o qui cojonic.

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Hebreos 2:10

Rumal ri Dios e c'o conojel ri jastak, xukuje' conojel ri jastak e rech are'. Cäraj chi e q'ui queboc che ralc'ual xukuje' quebopan pa ri u juluwem. Rumal ri' rajawaxic xutz'akatisaj ri Crist ri qui Colonel rumal c'axc'olil.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.