Aj Levitib 4:31 - Quiché Bible

³¹ Xukuje' rajawaxic quesax ronojel ri u xepoyil, jacha' ri cäban che resaxic che ri awaj ri cächi'xic jacha' che ri utzirisan ib caporox c'u puwi' ri porobal jacha' c'oc'alaj uxlab che ri Ajawaxel. Jeri' ri cojol tabal tok'ob curik na ri cuyubal mac u mac rech ri u mac we winak ri', casachtaj c'u na ri' ri macaj ri banom.

Aj Levitib 4:31 ပူးပေါင်းရင်းမြစ်များ

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Ri Esdras 6:10

rech caquichi'j che ri Dios aj caj tabal tak tok'ob ri quekaj chuwäch chebochi'n c'ut puwi' ri ajawinel xukuje' paquiwi' tak ri e u c'ojol.

Ri Job 42:8

Chebic'ama' wukub ama'ib tak wacax xukuje' wukub ama'ib tak chij jix c'u che rilic ri Job ri pataninel wech, chebichi'j c'ut jacha' che tabal tok'ob ri quechajirisaxic che i q'uexwäch. Ri Job ri pataninel wech cabochi'n na piwi', quinc'amowaj c'u na ri u bochi'nic man c'o ta c'u jun c'ax quinban na chiwe, pune' c'u takal chiwe rumal rech chi man xibij taj ri kastzij chwij, jacha' ri xuban ri Job ri pataninel wech.”

Elem 29:18

Chachi'j c'u ri ama' chij puwi' ri porobal, jacha' tabal tok'ob ri cächajirisaxic che u ya'ic u k'ij ri Ajawaxel, jacha' sipanic porom ri cäc'oc'atic.

Ri Isaiy 42:21

Ri Ajawaxel, rumal rech chi are' jun Dios ri cäcolonic, are ta xraj xuban ta nim xukuje' xjuluw ta ri u tijonic;

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Aj Levitib 1:13

Are' c'ut ri cäjachow ri tabal tok'ob pa cachajirisaxic quebuch'aj ri ixco'l xukuje' ri e ra' ri awaj ruc' ja', ronojel c'ut cuchi'j ri cojol tabal tok'ob, cuporoj ronojel puwi' ri porobal; jacha' sipanic ri caporoxic ri cäc'oc'atic ri cäkaj chuwäch ri Ajawaxel.

Aj Levitib 1:17

Cujak'ij c'u na ri chicop ri e c'o u xic', quebuc'am c'u che ri quieb u xic', man cuban ta c'u quieb che chuq'uisbalil cuporoj na ri chicop ri e c'o u xic' puwi' ri si' ri c'o puwi' ri porobal jacha' tabal tok'ob ri cächajirisaxic, jacha' sipanic ri canicowisaxic ri cäc'oc'at che ri Ajawaxel.”

Aj Levitib 1:9

Ri cäjachow ri tabal tok'ob ri cächajirisaxic, rajawaxic quebuch'aj ri ixco'l, xukuje' ri e ra' ri awaj ruc' ja'; ronojel c'ut cuporoj ri cojol tabal tok'ob puwi' ri porobal jacha' sipanic ri caporoxic ri cäc'oc'atic, ri cäkaj chuwäch ri Ajawaxel.

Aj Levitib 14:18

Ri aseit ri to'tajinak pa u k'ab, cubil pa u jolom ri cäjosk'ixic. Jeri' ri cojol tabal tok'ob curik rumal ri Ajawaxel ri cuyubal mac che u josk'ixic ri macaj.

Aj Levitib 15:15

ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Aj Levitib 19:22

Ruc' we ama' chij ri' ri jacha' che tabal tok'ob che u josk'ixic ri chak'maquil, ri cojol tabal tok'ob cutz'onoj tok'ob che ri Ajawaxel chi cusach u mac we achi ri', casachtaj c'u na ri u mac,

Aj Levitib 2:2

cuc'am na bic chquiwäch ri e u c'ojol ri Aaron, ri e cojol tabal tok'ob, jun c'ut chque cuc'am na jumuk' che ri coc'alaj c'äj, rachilam ri aseit, cärachilaj ronojel ri c'oc'alaj k'ol, cuporoj c'u na puwi' ri porobal jacha' sipanic canicowisaxic re natabal, ri cäc'oc'at ruxlab che ri Ajawaxel.

Aj Levitib 2:9

Chila' ri cojol tabal tok'ob cuc'am na jubik' che ri sipanic cunicowisaj puwi' ri porobal jacha' sipanic ri canicowisaxic re natanic, re c'oc'al ri cäkaj chuwäch ri Ajawaxel.

Aj Levitib 4:19

Xukuje' quesax na che ri alaj ama' wacax ronojel ri u xepoyil, caporox c'u na puwi' ri porobal;

Aj Levitib 4:26

cuporoj c'u ronojel ri xepo puwi' ri porobal, jacha' ri cäban che ri u xepoyil ri tabal tok'ob re utzirisan ib. Jeri' ri cojol tabal tok'ob curik na ri cuyubal u mac ri c'amal be, cäsachtaj c'u na ri macaj ri banom.

Aj Levitib 4:35

Cäresaj c'u ronojel ri u xepoyil, jas ri cäban che resaxic ri u xepoyil ri alaj ama' chij ri cächi'xic jacha' che tabal tok'ob re utzirisan ib, cuporoj c'u ri xepo puwi' ri porobal, junam ruc' ri sipanic ri porom che u ya'ic u k'ij ri Ajawaxel. Xa jeri' ri cojol tabal tok'ob curik na ri cuyubal mac u mac rech ri macaj ri xuban ri winak ri', cäsachtaj c'u na ri u mac.”

Aj Levitib 5:10

Are c'u ri ucab cuya' che tabal tok'ob ri cächajirisaxic je jas ri nak'atisabal; xa jeri' ri cojol tabal tok'ob curik ri sachbal mac che ri mac ri u banom we winak ri', cäcuyutaj c'u ri u mac.

Aj Levitib 5:6

cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Aj Levitib 8:21

xebuch'aj ri ti'j chupam xukuje' tak ri e ra', ri chij xuporoj c'u ronojel puwi' ri porobal; jacha' ri cachajirisaxic, jacha' che sipanic re c'oc'al ri cäkaj chuwäch ri Ajawaxel, jacha' ri takanic ri u yo'm ri Ajawaxel che.

Ajilanic 15:25

Ri cojol ri tabal tok'ob cuban ri nimak'ij ri nak'atisabal che u rikic ri sachbal macaj che utzil che ronojel ri tinimit Israel, quinsach c'u na qui mac are c'u jun macaj ri man xquinabej ta xquibano xquijäch c'ut ri qui sipanic chnuwäch xukuje' ri qui tabal tok'ob che u josk'ixic ri macaj.

Ri Matey 3:17

Xtataj c'u jun ch'abal chicaj ri xubij: “Are lok'alaj nu C'ojol wa' ri sibalaj quinquicot ruc'.”

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

Hebreos 10:12

Aretak c'u we cojol tabal tok'ob ri' u chi'm chic re chbe k'ij sak jun xa' tabal tok'ob ri cäyo'w ri cuyubal macaj, xut'uyuba' c'u rib pa ri u wiquiak'ab ri Dios.

Hebreos 10:14

Xa' ruc' jun sipanic, xebutz'akatisaj chbe k'ij sak ri banom tastalic tak winak chque.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.