Aj Levitib 4:30 - Quiché Bible

³⁰ Ri cojol tabal tok'ob cuc'am ruc' ri u wi' u k'ab jubik' quic' cubil c'u chquij ri e ruc'a' ri porobal tabal tok'ob ri cächajirisaxic, ronojel c'u ri quic' ri cäto'tajic cujamij na pa rakan ri porobal.

Aj Levitib 4:30 ပူးပေါင်းရင်းမြစ်များ

Elem 29:12

Chac'ama' jubik' che ri u quiq'uel ri alaj ama' wacax ruc' ri u wi' a k'ab, chabila' chque ri ruc'a' ri porobal, ri quic' ri cäto'tajic chajamij pa rakan ri porobal.

Ri Isaiy 42:21

Ri Ajawaxel, rumal rech chi are' jun Dios ri cäcolonic, are ta xraj xuban ta nim xukuje' xjuluw ta ri u tijonic;

Aj Levitib 4:18

Cubil na jubik' ri quic' chquij tak ri ruc'a' ri porobal ri c'o chuwäch ri Ajawaxel, chupam ri Lic'om Rachoch Dios re rikoj ib. Ronojel c'u ri quic' ri cäto'tajic, cujamij pa rakan ri porobal ri queporox wi ri tabal tok'ob ri cächajirisaxic ri c'o chuchi' ri oquibal chuwäch ri Lic'om Rachoch Dios re rikoj ib.

Aj Levitib 4:25

Ri cojol tabal tok'ob cuc'am na ruc' ri u wi u k'ab jubik' u quiq'uel ri awaj ri pilom u mac rech ri macaj, cubil na chquij ri e ruc'a' ri porobal ri cäporox wi ri tabal tok'ob ri cächajirisaxic, aretak cäbantaj wa' ri quic' ri cäto'taj canok cujamij pa rakan ri porobal,

Aj Levitib 4:34

Are c'u ri cojol tabal tok'ob ruc' ri u wi' u k'ab, cuc'am jubik' ri u quiq'uel ri awaj ri yo'm che tabal tok'ob u mac rech ri macaj cubil chquij ri e ruc'a' ri porobal ri queporox wi ri tabal tok'ob ri quechajirisaxic ronojel c'u ri quic' ri cäto'tajic, cujamij pa rakan ri porobal.

Aj Levitib 4:7

Cubil xukuje' jubik' quic' chque tak ri e ruc'a' ri porobal ri caporox wi ri c'oc'alaj k'ol ri c'o chuwäch ri Ajawaxel, chupam ri Lic'om Rachoch Dios re rikoj ib, ronojel c'u ri quic' ri cäto'tajic cujamij pa rakan ri porobal re tabal tok'ob ri cächajirisaxic ri c'o chuchi' ri oquibal chuwäch ri Lic'om Rachoch Dios re rikoj ib.

Aj Levitib 5:9

Cuchicoj c'u na jubik' ri u quiq'uel ri tabal tok'ob re sachbal mac pa jun u xcut ri porobal, are c'u ri cäto'taj can che ri quic', cuyitz' pa rakan ri porobal; tabal tok'ob wa' re sachbal mac.

Aj Levitib 8:15

Ri Moises xutok' u kul ri alaj ama' wacax, xuc'am ri quic' cuc' ri e u wi' tak u k'ab xubil chquij ri ruc'a' ri porobal, che u josk'ixic ri porobal; ri quic' ri xto'tajic xujamij pa rakan ri porobal, jewa' xuban che u tastajic ri porobal, che qui rikic ri cuyubal tak mac chila'.

Aj Levitib 9:9

Ri e u c'ojol xquiya' ri quic' che ri Aaron, ri Aaron xurub ri u wi' u k'ab pa ri quic' xubil chquij ri uc'a' re ri porobal, are c'u ri quic' ri xtotajic, xujamij pa rakan ri porobal.

Romanos 10:4

Cätz'akat c'ut ri pixab ruc' ri Crist, rumal ri' cuban suc' chque conojel ri c'o qui cojonic.

Hebreos 2:10

Rumal ri Dios e c'o conojel ri jastak, xukuje' conojel ri jastak e rech are'. Cäraj chi e q'ui queboc che ralc'ual xukuje' quebopan pa ri u juluwem. Rumal ri' rajawaxic xutz'akatisaj ri Crist ri qui Colonel rumal c'axc'olil.