Aj Levitib 4:12 - Quiché Bible

¹² ronojel ri alaj ama' wacax, cäresaj bic cuya' pa jun c'olbal ch'ajch'oj chrij ri tinimit, jawije' ri cuya' quejamix wi ri chaj, chila' c'ut puwi' ri jumulaj chaj, canuc' wi ri si' cat'ik c'u k'ak' che.

Aj Levitib 4:12 ပူးပေါင်းရင်းမြစ်များ

Elem 29:14

are c'u ri u ti'jal, ri alaj ama' wacax, ri u tz'umal, ri u mes, chaporoj chrij ri kajebal, tojbal c'u macaj wa'.

Ri Ezequiel 43:21

Cac'am c'u bic ri alaj ama' wacax ri xchi'x che u q'uexwäch ri macaj, caporoj c'u chrij ri Rachoch Dios, pa ri c'olbal ri ya'tal wi u banic wa'.

Aj Levitib 13:46

Joropa' k'ij cäc'oji' ri chuwilaj ch'a'c chrij, cachomaxic chi tz'il, cutuquela'j rib chrij ri tinimit.

Aj Levitib 16:27

Ri ama' wacax xukuje' ri ama' q'uisic' ri xepil che qui josk'ixic ri mac, ri xec'am bic ri qui quiq'uel pa ri k'ijilabal che u rikic ri cuyubal quech ri macaj, quebesax na bic chrij ri tinimit, queporox c'u ri qui tz'umal, ri qui ti'jal, xukuje' ri qui mes.

Aj Levitib 4:21

Cäresaj bic ri alaj ama' wacax chrij ri kajebal, cuporoj c'u na, jacha' ri caban che ri nabe alaj ama' wacax are c'ut ri tabal tok'ob u mac rech ri u mac ri tinimit.

Aj Levitib 6:23

Ronojel sipanic ri quequiya' ri e cojol tabal tok'ob kas cäq'uis u poroxic, c'o jun metijowic.”

Aj Levitib 6:30

Man ya'tal ta c'u u tijic jun awaj ri chi'm u mac ri macaj ri c'amom bic ri u quiq'uel chupam ri Lic'om Rachoch Dios re rikoj ib, che u rikic ri sachbal macaj chupam ri k'ijilabal. We tabal tok'ob ri' rajawaxic u poroxic chupam ri k'ak'.”

Aj Levitib 6:4

Cux ajchak'mac che we mac ri'. Cutzelej na ri reläk'am o ri xak u tokim, o ri u tzakom wi u k'ab, o ri jasach ri u rikom,

Aj Levitib 8:17

Are c'u ri u tz'akatil ri alaj ama' wacax, ri u tz'umal, ri u ti'jal, ri u mes, xuporoj chrij ri kajebal, jacha' ri takanic ri u yo'm ri Ajawaxel che ri Moises.

Aj Levitib 9:11

Are c'u ri ti'j xukuje' ri tz'um, xuporoj pa k'ak' chrij ri tinimit.

Ajilanic 15:35

Xubij c'ut ri Ajawaxel che ri Moises: “We achi ri' rajawaxic cac'okox che cämical, chbuc' che abaj cumal conojel ri aj israelib chrij ri kajebal.”

Ajilanic 19:3

Ri ix quijach na pa u k'ab ri cojol tabal tok'ob Eleazar, are c'u ri are' cäresaj na bic chrij ri kajebal cuya' c'u na takanic chi cäpil chuwäch.

Ajilanic 19:5

Cäporoxtax c'ut ri ati't wacax chuwäch, caporox c'u xukuje' ri tz'um, ri ti'j, ri quic' xukuje' ri mes.

Ajilanic 5:3

Chebesax bic chupam ri kajebal, we e achijab o ixokib. Jeri' man catz'iloj ta ri kajebal, jawije' ri in jekel wi chixo'l.”

Hebreos 13:11

Ri awaj ri cäcoj ri qui quiq'uel pa ri Sibalaj Tastalicalaj C'olbal rumal ri qui nimal ri cojol ri tabal tok'ob rumal rech ri mac. Ri qui cuerp ri awaj ri' queporox tza'm ja.