Aj Levitib 3:17 - Quiché Bible

¹⁷ Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”

Aj Levitib 3:17 ပူးပေါင်းရင်းမြစ်များ

Chapletajic 9:4

C'o c'u jun jasach ri man cuya' taj quitijo: ri ti'j rachil ri u quiq'uel, chupam c'ut ri quic' c'o wi ri c'aslemal.

Ucab Tzijobelil 29:35

C'ä e c'o c'u ne na q'ui ri tabal tok'ob ri quechajirisaxic ri c'amaja' quechi'xic, xukuje' ri qui xepoyil ri tabal tak tok'ob re utzirisan ib, xukuje' tak ri sipanic que u wa'l tak uva ri quecoj junam cuc' ri tabal tok'ob ri quechajirisaxic. Je c'u xban wa' che u jekebaxic chi jumul ri k'ijilanic chupam ri rachoch ri Ajawaxel.

Ri Nehemiy 8:10

Xubij chi na ri Esdras chque: “Jix, jebe i tija' utzalaj tak jastak, chiwuq'uiaj qui' u wa'l uva chebiwula'j jachin tak ri man c'o ta qui suc'umam, jun k'ij c'u wa' ri tasom che ri Kajawaxel ri ka Dios. Man quixbison taj, are c'ut ri u quicotemal ri Ajawaxel are cayo'w ka chuk'ab.”

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Elem 28:43

Cucoj c'u ri Aaron xukuje' ri e u c'ojol aretak queboc pa ri k'ijilabal, o aretak quekeb chunakaj ri porobal che ri patanijic pa ri Lic'om Rachoch Dios re rikoj ib, rech man c'o ta mac cäriktaj chquij ri quecäm ta rumal. Pixab wa' ri cäcanaj che ri are' xukuje' chque ri e u rija'lil.”

Ri Ezequiel 33:25

Rumal ri', chabij chque: ‘Jewa' cubij ri Ajawaxel: Ri ix quitij ti'j ruc' quic', quebik'ijilaj ri e diosib, quebiban cämisanic, ¿Are c'u pa i c'u'x chi quixux tak ajchak'e ri ulew?

Ri Ezequiel 44:15

“Ri e cojol tabal tok'ob ri e aj levitib ri e rija'lil ulok ri Sadoc, ri xquitakej patanijic pa ri wachoch aretak ri aj israelib xquitas tak quib chque tak ri nu be, je, cuya' quekeb chnuwäch che nu patanixic. Ri e are' quecuinic quekeb chnuwäch che u chi'xic ri xepo xukuje' ri qui quiq'uel ri tabal tak tok'ob. In, ri Ajawaxel, quinyo'w we takanic ri'.

Ri Ezequiel 44:7

Ri ix qui wawasij ri wachoch quebiya' c'u c'olbal chi queboc ri man e i winakil taj chupam, winak ri man cuc'amtaj ri retal ri nu c'ulwächinic mawi pa ri qui chomanic mawi che ri qui cuerp; cäcawasij caquichi'j c'u chwe jacha' che k'obisabal ri xepo ri quic' quech tak ri tabal tok'ob, man are ta c'u caquibano jas ri cubij ri nu c'ulwächinic cumal ri qui banic tak we jastak ri' ri itzel quebenwilo.

Aj Levitib 10:15

Ri ra' ri awaj ri cäya' che sipanic, xukuje' ri uwo c'uxaj ri cäya' che sipanic ri nim u k'ij, quec'am na bic chuwäch ri Ajawaxel; queya' chuwäch jacha' sipanic ri nim qui k'ij, querachilaj ri xepo ri queporoxic; are c'u awech wa' amak'el cuc' ri awalc'ual, jacha' ri takanic ri u yo'm ri Ajawaxel.”

Aj Levitib 10:9

“Aretak ri at o ri e a c'ojol quixoc pa ri Lic'om Rachoch Dios re rikoj ib, mitij u wa'l uva, mawi uq'uia' ri quek'abarisanic, rech man quixcäm taj; jun pixab wa' ri cacanaj can chque ri tataxelab xukuje' chque ri c'ojolaxelab

Aj Levitib 16:29

Jun pixab wa' chiwe ri quitakej u banic: pa ri lajuj rajilabal ri uwuk ic', rajawaxic man quixwa' taj, xukuje' man c'o ta jun chac quibano, mawi ri man e i winakil taj ri e jekel chixo'l.

Aj Levitib 16:34

Jun pixab wa' ri cäcanaj chiwe jumul pa ri jun junab quiban we nak'atisabal ri' che u rikic ri cuyubal quech ri mac ri qui banom ri aj israelib.” Je c'u xuban ri Moises jacha' ri takanic ri xya' che rumal ri Ajawaxel.

Aj Levitib 17:7

Mawi c'u jumul chquiya' ta chic tabal tak tok'ob chquiwäch tak ri itzelab, ri e qui k'ijila'm, ri qui mac quech e etzelatajinak. Jun pixab wa' ri cacanaj can chiwe, ri coc'ow cuc' ri tataxelab cak'ax c'u cuc' ri alc'ualaxelab.

Aj Levitib 19:26

Mitij jun ti'j ri c'o quic' che. Mitijoj iwib che ch'obonic. Miban subunic che u k'alajisaxic ri c'ä maja' cäc'ulmatajic.

Aj Levitib 23:14

C'ä pa ri k'ij aretak ri qui c'am na bic ri i sipanic che ri Ajawaxel, mitij ta na caxlanwa mawi q'uilim trico o iq'uel. Jun pixab wa' ri coc'ow cuc' ri tataxelab cäk'ax c'u cuc' ri c'ojolaxelab apawije' ta ne ri quixjeki' wi.

Aj Levitib 23:21

Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.

Aj Levitib 24:3

Ri Aaron are quekle'n ri qui suc'umaxic, rech quenicow ronojel ri jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chuxcut ri caxa' re ri c'ulwächinic. Are jun pixab wa' ri cajeki'c ri caquiban ri tataxelab xukuje' alc'ualaxelab.

Aj Levitib 24:9

Are wa' ri ya'tal che ri Aaron amak'el xukuje' chque ri e rija'lil, ri rajawaxic caquitij chupam jun c'olbal, ri tastalic, sibalaj c'u e tastalic e qui tz'akatil ri sipanic ri quenicowisax che u ya'ic u k'ij ri Ajawaxel, pixab wa' ri cajeki'c canok.”

Aj Levitib 3:16

Ri cojol tabal tok'ob cuporoj ronojel wa' puwi' ri porobal, jacha' sipanic re wa ja' canicowisaxic, ri cäc'oc'at ruxlab. Ronojel ri xepo cäya' che ri Ajawaxel.

Aj Levitib 4:1

Ri Ajawaxel xutzijobej ri Moises, xubij che:

Aj Levitib 6:15

Jun chque cuc'am jumuk' che ri c'äj re ri sipanic xukuje' ri re ri raseitil, junam ruc' ronojel ri c'oc'alaj k'ol ri c'o puwi' ri sipanic, cuporoj puwi' ri porobal che sipanic re natabal ri cäc'oc'atic ri cäkaj chuwäch ri Ajawaxel.

Aj Levitib 6:18

Conojel ri e ralc'ual ri Aaron ri alabom cuya' cäquitij que ri u tz'akatil ri sipanic ri queporoxic chuwäch ri Ajawaxel. Je chban wa' pa tak ri k'ij junab ri quepe na apachique jasach ri cächapowic cätastaj canok.”

Aj Levitib 6:22

Je u suc'umaxic wa' ri sipanic cuban ri qui nimal cojol tabal tok'ob ri ralaxic ri Aaron ri cätas che u q'uexwäch. Rech ri Ajawaxel wa' amak'el, rajawaxic kas cäq'uis u poroxic.

Aj Levitib 7:23

“Chabij chque ri aj israelib ri quinbij chawe: c'o xepo re ama' wacax mitijo, mawi re ama' chij, o re ati't q'uisic'.

Aj Levitib 7:34

chque c'ut ri qui tabal tok'ob re utzirisan ib ri aj israelib, ri caquiban chwe nu c'amom ri uwo c'uxaj jacha' sipanic ri nim u k'ij xukuje' ri ra' ri awaj ri tasom, e nu yo'm c'u che ri cojol tabal tok'ob ri Aaron, xukuje' chque ri e rija'lil are wa' ri cäya' chque amak'el ri quesax chque ri qui sipanic ri aj israelib.

Aj Levitib 7:36

ri Ajawaxel xtakanic chi ri aj israelib caquiya' chque, kas pa ri k'ij aretak xebutaso, pixab wa' ri caquitz'akatisaj ri ri tataxelab xukuje' ri e qui c'ojol.

Ajilanic 19:21

Are jun pixab wa' ri man cayubquen taj. Jachin ri cuchicoj jun chic ruc' ri ja' re ch'ajch'ojirisanic, rajawaxic cuch'aj ri ratz'iak. Ri cächapow ri ja' re ri ch'ajch'ojirisanic, cacanoj can tz'il c'ä benak k'ij.

Ri Matey 16:24

Xubij c'u ri Jesus chque ri u tijoxelab: “We c'o jun cäraj cäpe wuc' in, rajawaxic chi are' muban ri u rayibal, xane' rajawaxic chi cutelej ulok ri u ripibal, chinuterenej c'ut.

Ri Matey 26:28

Are c'u nu quiq'uel wa' re ri c'ulwächinic. Ri nu quiq'uel cäturuw na rech cäsachtaj ri qui mac e q'ui winak.

Hechos 15:29

Mebitij qui ti'jal awaj ri e chi'm che tabal tok'ob chque ri e diosib, mebitij quic'. Mebitij quiti'jal awaj ri quejitz'itajic. Miban macunic cuc' achijab ixokib. We c'u kas quichajij iwib chi man quebiban ta wa', utz ri quibano. Chixuchajij ba' ri Dios.”

Efesios 1:7

Chupam c'ut ri nimalaj u lok'ok'ebal c'uxaj uj u torom ri Dios rumal ri quic' ri xutix ri u C'ojol, e sachtajinak c'ut ri e ka mac.

Efesios 5:26

Jeri' xuban che rech cux jun tastalic comon cojonelab. Je ta ne xuch'aj ruc' ja' aretak xujosk'ij rumal ri tzij,

U Camulixic ri Pixab 12:16

Mitij c'u ri u quiq'uel, xa chijamij pa ulew jacha' ja'.

U Camulixic ri Pixab 12:23

Mawi c'u jubik' mitij ri quic', are c'u c'aslemal ri quic'; mitij ba ri c'aslemal junam ruc' ri ti'j,

U Camulixic ri Pixab 12:24

ri rajawaxic u banic iwumal xa chijamij puwi' ri ulew jacha' ja'.

U Camulixic ri Pixab 15:23

Mitij ri u quiq'uel, xa chi jamij puwi' ri ulew jacha' ja'.”

U Camulixic ri Pixab 32:14

xya' qui leche cumal ri qui wacax xukuje' xya' qui quexu, xequitij ri alaj ama'ib tak chij ri e chomak na, ama'ib tak chij re Basan xukuje' ama'ib tak q'uisic'; xquiwe'j ri trico ri sibalaj utz na, xcuq'uiaj c'u u wa'l uva, ri u quiq'uel ri uva.

1 Timoteo 4:4

Utz c'u ronojel ri u banom ri Dios. Man c'o ta jun jasach ri utz cätijic ri ma ta ya'tal chke, we cäkac'am ruc' maltioxinic che ri Dios,