Aj Levitib 27:8 - Quiché Bible

⁸ We c'u sibalaj meba' ri winak che u tojic ri cuchuj ri k'atom, cäc'am bic we jasach ri' chuwäch ri cojol tabal tok'ob, rech cuk'at jun c'ac' cuchuj ri cacuin che u ya'ic ri cäcuin che u tojic are je cuk'at na chrij.

Aj Levitib 27:8 ပူးပေါင်းရင်းမြစ်များ

Ucab Ajawinelab 7:5

Je c'u xquibano, xewalij pa ri roquibal ri chak'ab xquitakej qui be xebe chupam ri kajebal ri e c'o wi ri aj siriyab; aretak c'u nakaj chi e c'o wi, xquilo chi man c'o ta jun winak cäslabic.

Ri Jeremiy 5:7

Ri Ajawaxel je cubij wa': “¿Jas ta che quensacha' a mac che ronojel wa'? Ri e awalc'ual in qui tzakom canok, cäquiban c'ut ri chi'nic ri kas cäban na pa qui bi' ri diosib ri man c'o ta qui cuinem. Xintz'ebej ri caquitijo man c'u jic taj xebin chnuwäch pa tak mulaj c'ut xquijach quib che u banic ri mac tak ri nim ch'utin.

Aj Levitib 12:8

We c'u ri u nan ri ac'al man cuban ta ri u rajil che u lok'ic ulok jun alaj ama' chij, cuya' quebuc'am na ulok quieb palomax o quieb tucumux jun che tabal tok'ob ri cächajirisaxic, ri jun chic jacha' che tabal tok'ob che u josk'ixic ri mac; ri cojol tabal tok'ob cutz'onoj ri sachbal u mac ri ixok, cäjosk'itaj c'ut.

Aj Levitib 27:7

Chque ri winak ri oc'owinak chic oxc'al (60) qui junab, we achijab olajuj (15) rakan sak puak ri qui cuchuj, we ixokib lajuj rakan sak puak ri qui cuchuj.

Aj Levitib 27:9

We c'u e awaj ri quechi'x che sipanic che ri Ajawaxel, ronojel awaj ri cäjach che ri Ajawaxel, cacanaj tastalic,

Aj Levitib 5:11

We c'u ne man cäcuinic che qui lok'ic quieb palomax, mawi quieb tucumux, cuc'am na ulok che u sipanic, quiejeb libra ruc' niq'uiaj utzalaj c'äj che sachbal u mac. Man cuya' ta aseit ruc' mawi cuya' c'oc'alaj k'ol puwi', rumal rech chi are jun sipanic u mac rech ri macaj.

Aj Levitib 5:7

We c'u man cäcuin che u lok'ic jun alaj ama' chij, rajawaxic cuc'am na ulok chuwäch ri Ajawaxel quieb palomax o quieb tucumux u mac rech ri macaj ri bantajinak, jun chque che tabal tok'ob re sachbal mac ri jun chic che tabal tok'ob ri cächajirisaxic.

Marcos 14:7

Ronojel k'ij e c'o mebayib iwuc'. Aretak c'u quiwaj, quixcuinic quiban utzil chque. Are c'u ri in man ronojel ta k'ij in c'o iwuc'.

2 Corintios 8:12

We c'u c'o jachin jun kastzij che cäyanic, ri Dios cuc'amowaj ri sipanic ri cuyao jas kas ri c'o ruc'. Ri Dios man cutz'onoj taj chke ri man c'o ta kuc'.