Aj Levitib 26:5 - Quiché Bible

⁵ c'ä c'o na qui trico aretak cäyac ri qui wäch ri uva xukuje' qui uva c'ä cäpe na ri ticonijic; caquitij na qui wa c'ä quenoj na, man c'o ta c'u quixslabesan na chupam ri iwulew.

Aj Levitib 26:5 ပူးပေါင်းရင်းမြစ်များ

Salmib 144:13

Ri e ka c'uja e nojinak e xaninak che ronojel u wäch k'obisabal. Ri e ka chij sibalaj quepok' pa tak mil, e mil chi mil e c'o pa tak ri ka juyub.

Salmib 90:1

Ajawaxel, lal uxinak ulok ka panibal uj ch'ukum la petinak ulok pa conojel tak ri k'ij junab.

Elem 16:8

Xubij chi c'u ri Moises chque ri aj israelib: “Ri Ajawaxel benak k'ij cuya' na i ti', ak'ab cuya' na i wa ri tz'ebetalic, u tom c'ut chi c'ax quixch'aw chrij. ¿Jas ta ri ka banic uj? Man chkij ta c'u uj c'ax xixch'aw wi xane' chrij ri Ajawaxel.”

E C'ambal tak Tzij 1:33

are' c'ut ri cutatabej ri quinbij che, cäjeki' na pa jamaril, man cuxe'j ta rib chi c'o ta jun u q'ueyowal cutaklebej.”

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

Ri Isaiy 1:19

We quiwaj quixnimanic, quitij na ri je'l tak wächinic ri cuya' ri ulew;

Ri Isaiy 30:23

Ri Ajawaxel cuya' na ri jäb rech cäq'uiy ri ija' ri catic pa ri ulew, ri ulew cuya' na chomak tak trico ri utz che ija'. Pa ri k'ij ri' ri e a wacax quec'oji' na nimalaj qui yuk'bal.

Ri Jeremiy 23:6

Pa tak ri u k'ijol, ri Juda cäto'taj na xukuje' ri Israel man c'o ta chi cäyo'w ta chi latz' che. Are c'u u bi' wa ri cäbix na: ‘Ri Ajawaxel are' ka ch'äcanic.’ ”

Ri Osey 2:18

Pa ri k'ij ri' quinban na che u tok'obisaxic u wäch ri Israel jun c'ulwächinic cuc' tak ri juyubal tak awaj, cuc' tak ri chicop ri e c'o qui xic' xukuje' cuc' tak ri cumätz; quinc'äjij na xukuje' quinwesaj na che we ulew ri' ri q'uiakbal ch'ab, ri ch'ich' re ch'o'j xukuje' ri ch'o'j, rech cuxlan ri nu tinimit pa jamaril.

Ri Osey 2:20

In quinban na chawe chi catux wixokil quinux c'u na jic awuc', are c'u ri at cawetamaj chi na chi in ri' ri Ajawaxel.

Ri Joel 2:19

xubij c'ut: “Quintak na ulok trico, u wa'l uva xukuje' aseit, c'a quenoj na; man quinya' ta chi c'u c'olbal chi ri e k'ijilal tak diosib caquitze'j ta chi na i wäch.

Ri Joel 2:22

Mixe'j iwib juyubal tak awaj, ri echa' c'ut queraxar tak na, ri juwi' tak che' quequiya' na tak ri qui wächinic, sibalaj c'u quetz'ebe na ri qui wächinic ri qui che'al tak higo xukuje' ri juwi' tak uva.

Ri Joel 2:26

Ri ix quixewok na c'ä quixnoj na, quixk'ijilan c'u na che ri Ajawaxel ri i Dios, ri in xebenban nimak tak mayibal che i to'ic. Mawi ta chi c'u jumul cacanaj ta chi can ri nu tinimit nojinak ta che q'uixbal,

Ri Amos 9:13

“Quepe na k'ij aretak c'a cätajin cäk'at ri trico aretak k'ijol chic che u tajixic ri ulew, xukuje' aretak c'a maja' cäq'uis qui pitz'ic ri uva aretak opaninak chic ri k'ijol che u tiquic ri trico. Pa tak juyub xukuje' tza'm tak juyub cabelel wi na ri u wa'l uva jacha' ri joron.

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Hechos 14:17

Rumal c'u ri' amak'el cuk'alajisaj rib chquiwäch jachin ri are', rumal ri utzil ri xuban chque. Cuya' ri jäb chke, cuya' ri u wächinic ri tico'n chke, cuya' ronojel ri cäkatijo, cuya' c'u quicotemal pa kanima'.”

U Camulixic ri Pixab 11:15

Xukuje' cuban na chi queq'uiy tak ri k'ayes pa ri ulew che quecha' ri e i wacax, rech ri ix xukuje' c'o ronojel u wäch ri quitijo.

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.