Aj Levitib 26:44 - Quiché Bible

⁴⁴ Pune' c'u je i c'ulmam wa', pune' c'u ri ix ix c'o chupam jun ulew c'ulel, man quinwetzelaj ta i wäch mawi quixinxutuj ta na; man quinsachisaj ta i wäch mawi ma ta chintz'akatisaj ri nu c'ulwächinic ri xinban cuc' ri e i mam, rumal rech chi in ri' ri Ajawaxel ri i Dios.

Aj Levitib 26:44 ပူးပေါင်းရင်းမြစ်များ

Chapletajic 17:7

Ri c'ulwächinic ri quinban awuc', ri xukuje' quinban cuc' conojel ri e awija'lil ri quepe na, chi ri in quinux na a Dios amak'el xukuje' qui Dios ri e are'.

Ucab Ajawinelab 13:23

Xel c'u u c'u'x ri Ajawaxel chque xukuje' xutok'obisaj qui wäch, xa' rumal rech ri u c'ulwächinic xuban ruc' ri Abraham, ri Isaac xukuje' ri Jacob, xoc c'u il chque man xraj ta c'ut xusachisaj ta qui wäch mawi xeburokij ta bic chuwäch. Man u banom ta c'u c'ä camic.

Ri Nehemiy 9:17

Man xcaj taj xenimanic mawi xenataj chque ri nimak tak jastak ri xeban la che qui to'ic. Sibalaj c'u e c'osirinak chi xquicoj jun c'ämal qui be ri xec'amow ta bic che qui tzelejic chic pa ri patanijic pa Ejipt. Lal c'ut jun Dios ri sachal macaj, jun Dios ch'uch'uj, ri xukuje' quel u c'u'x, coch'onel xukuje' ronojel c'u ri lal lal lok'ok'ebal c'uxaj, man c'u xewonoba' ta la canok.

Ri Nehemiy 9:31

Rumal c'u rech, ri nimalaj tok'obisam wäch la man xsachisaj ta la qui wäch conojel, mawi xewonoba' ta la canok; lal c'ut jun Dios ch'uch'uj ri catok'obisan la wächaj.

Salmib 103:13

Ri Ajawaxel sibalaj ch'uch'uj cuc' ri nim caquil wi, jacha' jun tataxel cuc' ri e u c'ojol;

Salmib 89:33

man quintanaba' ta c'u u lok'ok'exic ri David, mawi ma ta quintz'akatisaj ri nu jicomal ruc'.

Salmib 94:14

Ri Ajawaxel man cuwonoba' ta can ri u tinimit, mawi quebuya' ta can ri e rech qui tuquiel.

Ri Jeremiy 14:21

¡Rumal ri bi' la chi nim u k'ij mujxutuj la, metzelaj la u wäch ri tinimit la ri c'o wi ri juluwemalaj tem re ajawibal la! ¡Chnataj ri c'ulwächinic la che la ri xban la kuc', ma ta c'u chatz'akatisaj la!

Ri Jeremiy 24:5

“In, ri Ajawaxel, ri u Dios ri Israel, je quinbij wa': E jacha' ri quilic ri e utzalaj tak higo je quilic ri tinimit Juda quinwil na, ri xintakanic chi chc'am bic pa ri culew ri aj caldeyib. Quebenwil na ruc' tok'obisam wächaj,

Ri Jeremiy 30:11

In, ri Ajawaxel, quinjiquiba' u bixic chi in c'o awuc' che a to'tajisaxic. Quebensachisaj na qui wäch ri nimak tak tinimit ri xatinjabuj chquixo'l. Man c'u quinsachisaj ta na a wäch at; xuwi quinc'äjisaj a wäch jas ri takal chawe: man catinya' ta canok we ta mat quinc'äjisaj a wäch.”

Ri Jeremiy 31:20

Ri u tinimit ri Eprain uxinak chwe jun nu c'ojol ri lok' chnuwäch: are' c'ojolaxel wa' ri sibalaj quinwaj na. Aretak c'u ne nu yajom, man quel ta pa nu jolom; caslabetaj ri wanima' quinna' jun nimalaj tok'obisam wächaj che. In, ri Ajawaxel Dios, quinjiquiba' u bixic.

Ri Jeremiy 33:26

mawi jubik' chinwetzelaj ta na qui wäch ri e rija'lil ri Jacob xukuje' ri e rech ri David ri pataninel wech, mawi quinya' ta c'olbal chi quebesax ta chquixo'l ri quetakan paquiwi' ri e rija'lil ri Abraham, ri Isaac xukuje' ri Jacob. Rumal rech chi ri in quel na nu c'u'x chque quinban c'u na chi caq'uextaj ri caquitaklebej.”

Ri Ezequiel 16:60

Are c'u ri in man cäsach ta pa nu jolom ri c'ulwächinic ri nu banom awuc' aretak c'ä at ac'al, quinban c'u na jun junalic c'ulwächinic awuc'.

Aj Levitib 26:11

Quinjekeba' na ri nu c'olbal chixo'l, mawi jubik' quinwetzelaj ta i wäch;

Romanos 11:2

Ri Dios man xebuxutuj taj ri aj israelib ri e aj u tinimit, ri ojer u ch'obom ulok qui wäch. ¿La ma ta iweta'm jas cubij ri Tz'ibatalic chrij ri Eliy?: xch'aw ruc' Dios chrij ri Israel, xubij:

Romanos 11:26

Te c'u ri' ronojel ri Israel cäcolotaj na, jas ri tz'ibatalic: “Quel na ulok pa Sion ri tzokopil que ri winak, cäresaj na ri etzelal che ri Jacob.

K'atal tak Tzij 2:1

Ri aj cajalaj tako'n ri Ajawaxel xpaki' ulok pa Jilgal xopan pa Boquim, xubij c'u chque ri aj israelib: “In xixinwesaj ulok pa Ejipt xixinc'am ulok pa we ulew ri' ri xinbij chi quinya' chque ri e i mam aretak xinbij chque: ‘Mawi jumul quinyojij ri nu c'ulwächinic iwuc',