Aj Levitib 26:41 - Quiché Bible

⁴¹ xukuje' c'u ri in quixinc'ulelaj na quixinc'am c'u bic pa ri culew ri e i c'ulel; c'ä chi' c'ut cäquimach' na ri canima' ri quebuk'ijilaj tak diosib, caquitoj c'u na ri qui mac.

Aj Levitib 26:41 ပူးပေါင်းရင်းမြစ်များ

Nabe Ajawinelab 21:29

“¿La awilom jas ri u mach'ic rib ri Acab u banom chnuwäch? Rumal c'u rech chi u mach'om rib chnuwäch, man quinc'am ta ulok ri etzelal paquiwi' ri rachalal joropa' k'ij cac'asi'c, xane' pa ri u c'aslemal ri u c'ojol.”

Ucab Tzijobelil 12:12

Je c'u ri' rumal rech chi xumach'irisaj rib ri Roboam, xoc'ow ri royowal ri Ajawaxel chrij man xuq'uis ta c'u u sachisaxic u wäch. Pune' ruc' ronojel ri xc'ulmatajic, c'ä e c'o c'u na utzalaj tak jastak pa Juda.

Ucab Tzijobelil 32:26

Pune' c'u ne xuban nimal, ri Ezequiy xumach'irisaj rib chuwäch ri Dios, xukuje' junam xquiban ri winak aj Jerusalen, ri Ajawaxel man c'u xukasaj taj ri royowal paquiwi' pa tak ri u k'ijol ri Ezequiy.

Ucab Tzijobelil 33:19

Ri u ch'awem ruc' Dios xukuje' ri tzelebal u wäch ri xuc'amo, ronojel ri u tzijoxic ri u mac xukuje' ri u jech'balil xukuje' tak ri c'olbal ri xebuyac wi tak ri porobal ri quek'ijilax wi diosib, xukuje' ri xebuya' wi tak ri e u wächbal ri Asera xukuje' tak ri diosib, c'ä majok chumach'irisaj rib chuwäch ri Dios, e tz'ibatal pa ri qui tzijobelil ri e k'axal u tzij.

Ucab Tzijobelil 33:23

Man c'u xumach'irisaj ta rib chuwäch ri Ajawaxel, jacha' ri xuban ri Manases ri u tat, xane' xebumulij q'ui macaj puwi'.

Ri Esdras 9:13

Chwi c'u ronojel ri ka c'ulmam qui mac quech tak ri etzelal ri e ka banom xukuje' ri c'axalaj tak macaj ri e ka banom, pune' c'u ne man c'äjisam ta la ka wäch jas ri takal chke qui mac quech tak ri ka mac, xane' yo'm la we tzokopitajic ri' chke,

Ri Esdras 9:15

Ajawaxel, Dios re Israel, lal uxinak suc' chke; lal c'u yowinak chi e c'o quieb oxib chke ri u takem c'aslem, jacha' ri cakil camic. Are c'u ri uj kas uj aj chak' tak aj maquib chwäch la; rumal ri' man cujcuin taj cujc'oji' ta chwäch la.”

Ri Nehemiy 9:33

Pune' c'u je c'ulmatajinak wa', ri lal, lal ch'ajch'oj che chak'maquil; ri lal, banom la wa' ruc' jiquilal, are c'u ri uj ka banom ri etzelal.

Salmib 39:9

Xinban wib chi in mem, man xinjak ta ri nu chi', lal c'ut ri cätajin cäch'aw la.

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Ri Jeremiy 4:4

Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”

Ri Jeremiy 6:10

Ri in xintzelej u bixic: “¿Jachin ta ri quintatabenic, we queben tzijobej quinya' c'ut we tzijol ri chque? E tz'apital ri qui xiquin, Ajawaxel, man c'u quecuin taj quetatabenic; xa' caquitze'j u wäch ri tzij la, man cäkaj ta chquiwäch.

Ri Ezequiel 14:23

Cacu'bi c'u na i c'u'x aretak qui wetamaj jas ri qui c'aslemal ri cuc'am xukuje' ri jastak ri quequibano. C'äte c'u ri' quiwetamaj na chi ma ta c'o jas rumal xinc'am ulok ronojel ri c'ax ri xinc'am ulok puwi' ri Jerusalen. In, ri Ajawaxel, quinjiquiba' u bixic.”

Ri Ezequiel 20:43

Chila' c'u canataj wi na chiwe conojel ri itzel tak banoj ri e i tz'ilobem wi iwib, camuluw c'u na i c'u'x chiwe chbil tak iwib rumal rech chi sibalaj q'ui ri etzelal ri e i banom.

Ri Ezequiel 44:7

Ri ix qui wawasij ri wachoch quebiya' c'u c'olbal chi queboc ri man e i winakil taj chupam, winak ri man cuc'amtaj ri retal ri nu c'ulwächinic mawi pa ri qui chomanic mawi che ri qui cuerp; cäcawasij caquichi'j c'u chwe jacha' che k'obisabal ri xepo ri quic' quech tak ri tabal tok'ob, man are ta c'u caquibano jas ri cubij ri nu c'ulwächinic cumal ri qui banic tak we jastak ri' ri itzel quebenwilo.

Ri Ezequiel 44:9

Rumal ri' in, ri Ajawaxel, quinbij: Man coc ta na jun winak pa ri wachoch ri man i winakil taj, ri man ruc'am taj pa ri u chomanic xukuje' che ri u cuerp ri retal ri nu c'ulwächinic; mawi ne jun chque ri man e i winakil taj ri cajeki' ta chquixo'l ri aj israelib.

Ri Ezequiel 6:9

Ri quec'asi' canok quinnataj na chque pa ri nimak tak tinimit ri'; quenataj na chque joropa' ri c'ax ri xquirik wumal rumal rech chi man xeniman ta chwe xukuje' chi xquitas quib chwij che qui k'ijilaxic tak diosib. Quemuluw c'u na qui c'u'x kas chque chquibil tak quib, cumal tak conojel ri etzelal ri e qui banom, cumal conojel tak ri xojibal tak banoj ri e qui banom.

Aj Levitib 26:24

xukuje' ri in quinoc na che i c'ulelaxic, quinc'äjisaj chi na i wäch wukub mul u mac rech ri i mac.

Aj Levitib 26:28

ri in quintakej i c'ulelaxic ruc' oyowal, quinc'äjisaj chi na i wäch wukub mul u mac rech ri i mac.

Ajilanic 5:7

rajawaxic c'ut cucoj rib chupam. Cuya' c'u na che ri winak ri rajil u q'uexel ri banoj c'ax, cutoj c'u na ri banoj c'ax, ri rajil ri c'ax ri u banom cuya' c'u na jun u ro'il puwi'.

Ri Matey 23:12

Apachin c'ut ri cunimarisaj u k'ij chbil rib camach'irisax na, apachin c'ut ri cumach'irisaj rib canimarisax na u k'ij.

Ri Lucax 14:11

Conojel c'u ri cäquinimarisaj quib, cäkasax na qui k'ij. Apachin c'u ri man cunimarisaj ta rib, cänimarisax na u k'ij.”

Ri Lucax 18:14

Quinbij chiwe chi ri tok'il alcabal, aretak xel bic xbe cho rachoch, are' k'alajisam chic chi suc' chuwäch ri Dios. Man je ta wa' ri jun chic, ri pariseyib. Conojel c'u ri cäquinimarisaj quib, ri e are' cäkasax na qui k'ij. Apachin c'u ri man cunimarisaj ta rib, are ri' cänimarisax na u k'ij.”

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

U Camulixic ri Pixab 10:16

Chicojo' retal ri c'ulwächinic pa ri iwanima', mitakej iwuxic tac.

U Camulixic ri Pixab 30:6

Cucoj na ri retal ri c'ulwächinic pa tak ri iwanima', xukuje' pa tak ri canima' ri e iwija'lil, rech quilok'ok'ej na ruc' ronojel iwanima', xukuje' ruc' ronojel i c'aslibal, rech cäc'oji' i c'aslemal.

U Camulixic ri Pixab 31:21

Aretak c'ut quepe q'uialaj etzelal paquiwi', xukuje' tak c'axc'olil, we bix ri' cux jun k'alajisanel chquij, cänataj c'u na chque tak ri e quija'lil cäquibixoj c'u na kas c'ä majok c'u ne quinban chque chi queboc pa ri ulew ri xinchi'j chque, weta'm chic ri qui chomanic.”

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Colosenses 2:11

Ri ix man xic'amtaj ri etal re ri u kopixic ri u wi' ri u tz'umal ri ix achijab wi je jacha' ri cäquiban ri achijab aj judeyib. Ri ix man xixkopix taj cumal k'abaj, are c'u ri ix xic'am ri etal rumal ri Crist aretak ri are' xebukopij ri e itzel tak e i rayibal aj winak re mac;