Aj Levitib 26:36 - Quiché Bible

³⁶ E Are' c'ut ri quecanaj can chiwe, quinya' na nimalaj tukaril pa canima' chquiwäch ri qui c'ulel, xa c'u rumal ri u wojojem jun u xak che' ri cäsalabic quebanimaj na, je ta ne ri quebanimaj chuwäch jun cämisanel, quejupujubic man c'o ta c'u queboktanic.

Aj Levitib 26:36 ပူးပေါင်းရင်းမြစ်များ

Chapletajic 35:5

Aretak xebel bic chila', ri Dios xubano chi sibalaj xquixe'j quib tak ri tinimit ri e c'o apan chquinakaj, rumal ri' man c'o ta jun c'ax xquiban chque ri e ralc'ual ri Jacob.

Chapletajic 4:12

Pune' cajosk'ij, ri ulew, man cuya' ta chic ri u wächinic chawe jas ri nabe. Xak catxulic catpaki' cho ri uwächulew mawi jubik' catcuinic catuxlanic.”

Ucab Tzijobelil 14:14

Xekaj c'u paquiwi' conojel tak ri tinimit ri e c'o tak chrij ri Jerar, conojel c'ut xenoj che xe'n ib chuwäch ri Ajawaxel. Ri aj Juda xequik'olij conojel, e c'o c'u nimak tak k'inomal chquipam.

Ri Job 13:25

In jacha' jun u xak che' chuwäch ri quiakik', ¿Jasche caj la casachisaj la nu wäch? Xa in jun chaki'j pajo, ¿Jasche quinterenej la pa wakan?

Salmib 53:5

Pune' man c'o ta jas cäxex ta wi ib, ri e are' quebirbob na rumal xibriquil, quebujabuj c'u na ri Dios ri u bakil ri c'ulel. Cätze'x c'u na qui wäch rumal chi man quec'ulax ta rumal ri Dios.

Salmib 53:6

¡C'o ta banom wi chi pa ri juyub Sion quel ta wi na ulok ri cäcolow ri Israel! Aretak ri Ajawaxel cuq'uex ri u wäch u k'ij ri u tinimit, cubano chi quequicot na ri e rija'lil ri Jacob, ronojel ri u tinimit ri Israel.

Salmib 89:43

xesaj la ri u pa u chi' ri u ch'ich' re ch'o'j, man xya' ta chi la u chuk'ab pa ri ch'o'j.

E C'ambal tak Tzij 28:1

Ri banal etzelal canimajic pune' man c'o jachin tereninak, e are' tak c'ut ri e suc' quejeki' ruc' cu'bisan c'uxaj jacha' ri coj.

Ri Isaiy 30:17

Jun mil quebanimaj na, xa jun achi cacojow i xib, iwonojel quixanimaj na, quixxibix na xa cumal job achijab, xa ix quieb oxib chic quixcanaj na jacha' ri u canajic can jun che' ri cätaq'ui can u tuquel puwi' jun juyub o jun etal ri walijisam puwi' jun juyub.

Ri Isaiy 7:2

Pa we k'ij ri' xeyok we tzijol ri' che ri Acaz xukuje' chque ri e ralaxic: “Ri e aj Siriy qui junamam qui wäch cuc' ri aj Eprain.” Ri ajawinel xukuje' ri winak xquichaplej birbitem jacha' ri cäquiban ri che' pa ri c'ache'laj aretak cäjich'ich' ri quiakik'.

Ri Isaiy 7:4

chabij c'u che: ‘Chatoc il, maxe'j c'u awib; mawi muban quieb a c'u'x chque we quieb u tza'm tak si' ri' ri quebukuwic, ri Rezin e rachil ri aj Siriy xukuje' ri u c'ojol ri Remaliy, ri cätajin quenicow ruc' coyowal.

Ri Jeremiy 37:10

Pune' ta c'u ne ri ix quixcuin ta che qui ch'äquic conojel ri ajch'ojab aj caldeyib ri cätajin quech'ojin iwuc' man c'o ta chi c'u ri queto'taj ta chi can chque xane' jujun achijab ri e socotajinak ri e canajinak canok ri e c'o chupam ri kajebal, we achijab ri' quewalij na caquit'ik c'u na k'ak' che ri tinimit.”

Ri Jeremiy 46:16

Ri e awajch'ojab cäquipuq'uila' tak quib, quetzak c'ut, caquibila' c'u chquibil tak quib: ‘¡Chujel bic waral, chujtzelej pa ri ka tinimit, chupam ri ulew ri xujalax wi! ¡Chujanimaj chuwäch ri cämisanelalaj ch'o'j!’

Juyuwem 1:3

Man xuwi ta c'ut ri rikoj tak c'ax xukuje' ri c'axalaj tak chac, ri Juda cätajin cucoch' camic ri qui c'aslemal ri lok'om tak pataninelab. Ri cajawin nabe chquixo'l tak ri tinimit camic man curik ta uxlanem. Ri qui tzucum tak u banic c'ax che, xkaj pa qui k'ab xquinim c'u pa tak jutz'.

Juyuwem 1:6

Xsach u wäch ronojel ri u je'lical ri je'lalaj Sion; ri e c'amal tak u be e jacha' masat, ri quequitzucuj tak quecha'; xak c'u alicha' chic quebinic, quebanimaj chquiwäch ri e tzucul tak quech.

Juyuwem 4:19

C'o na ri canibal chquiwäch tak ri cot ri querapin cho ri caj ri uj okataninak; cuj qui terenej pa kakan pa tak ri juyub, ¡quequicoj c'amibal chkawäch pa ri chaki'j uwo sak!

Ri Ezequiel 21:12

Are c'u ri at, winak, ¡charaka' achi', chatche'erenok, rumal rech chi q'uiakom chrij chi cucämisaj ri nu tinimit, conojel ri k'atal tak tzij ri e c'o pa Israel! E c'okotajinak chic chi quecämisax junam ruc' ri nu tinimit jeri' chebaya' tak t'oc chawe re c'axc'ol.

Ri Ezequiel 21:15

Ri are' quebunojisaj na che xe'n ib, q'ui cämisanic cuban na. Pa conojel tak ri cachoch nu cojom wi ri ch'ich' re ch'o'j ri cäcämisanic. Are' ri ch'ich' re ch'o'j ri jolk'irisam che u cojic xe'n ib, banom u ware che cämisabal.

Ri Ezequiel 21:7

We c'u ne cäc'ot a chi' jasche cätok'ic, chabij chque chi rumal jun jasach ri xya' u bixic ri xa' jubik' man quec'ulmatajok, conojel c'ut ri winak ri e c'o chuwäch ri uwächulew quebejbob na quetuktub na tak ri qui k'ab; man c'o ta chi jun c'o ta chajin anima' ruc', conojel quebirbitlab tak ri qui ch'ec rumal xe'n ib. Chanim cäpe ri jok'otaj, quec'ulmataj chanim. In, ri Ajawaxel, quinjiquiba' u bixic.”

Ri Osey 8:3

Are c'u ri Israel u xutum ri utz, rumal ri' cätakex na u banic c'ax che cumal ri e u c'ulel.

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Aj Levitib 26:35

Ronojel ri k'ij ri camali canok, are k'ij ri' cuxlan na rumal rech chi man xuxlan taj pa tak ri k'ij re uxlanem aretak ix jekel chuwäch.

U Camulixic ri Pixab 1:44

Ri aj amoreyib ri e jekel pa tak ri juyub ri', xebel ulok chiwij jacha' sita'l, xixcokataj, xixquich'äc c'u pa Seir c'ä pa Horm.

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.

Ri Josue 7:5

craj c'u ne xequicämisaj juwinak waklajuj (36) aj israelib, ri xequiterenej niq'uiaj c'ut ri kas chuchi' ulok ri roquibal ri tinimit c'ä pa ri paxibal abaj, xequisoc c'ut pa ri xuluxic. Rumal rech wa' ri winak xuban quieb qui c'u'x xechukchubic.

Nabe Samuel 17:24

Ri aj israelib, xuwi xquilbej u wäch we achi ri', sibalaj xquixe'j quib, xebanimaj chuwäch,